Daniel 7:20 - MUKANDA USANDU WA ZAMBI 1975

²⁰ Yinguhula ha kutwala ku mbinga jenyi kumi ha mutwe wenyi, ni mbinga yize yikwo yasokako, mba mbinga jitatu jaholoka kumeso jenyi, ye mbinga yize yapwile ni meso, ni kanwa lia kuhanjika yuma yinene, ayo yasolokele kutoha kuhiana jikwo.

Mukanda Wa Zambi 1970

²⁰ Yinguzanga kunyingika hakutwala ku mbinga kumi ja ha mutwe wenyi ni mbinga yize yasokele mukachi ka mbinga jikwo, mba yiimakwona mbinga jikwo jitatu, mbinga yize yiibwa ni meso ni kanwa, yiihanjika yuma ya kulizelula. Ngongo yoze yabwa wakole ni woma kuhiana akwo eswe.

Daniel 7:20 Iomraidhean Croise

Daniel 7:11

Aho natalile mumu ha lundunjila wa maliji anene aze mbinga yinahanjika. Shimbu munguchitala, yashiha mwe ngongo; mujimba wenyi awenyekene ni kuukunjika awoche ni kahia.

Daniel 7:19

Yingumuhula umwenemwene ha kutwala kuli ngongo wamuchiwana yoze walipwilile ni akwo eswe, mwe mukwa kuvwisa mwongo, kali ni mazo a utale, ni yala ya unengu; mukwa kupapulula ni kupalwola ni kuliataliata masalila ni molu jenyi.

Daniel 7:21

Shimbu munguchitala, mbinga yino yasa jita ni asandu, ni kwakumba,

Daniel 7:23

Aye yamba Chichino ngwenyi, Ha kutwala kuli ngongo wamuchiwana, kumukukapwa hano hashi wanangana wamuchiwana wa kulipwila ni mawanangana eswe. Kumuukapapulula hashi heswe nikuliataliata, nikupalwola.

Daniel 7:7

Kulutwe namwene ha usolwelo wa ufuku, kumanyi ngongo wamuchiwana wa kuvwisa mwongo ni lwaji, tachi jenyi jahiana. Kali ni mazo anene a utale; wapapulwile ni kupalwola ni kuliataliata masalila ni molu jenyi. Walipwila ni ngongo eswe waze ahangile. Kali ni kumi lia mbinga.

Daniel 7:8

Nazewile mbinga, mba kwasokele hakachi kajo mbinga yikwo, yikepe tuhu, alioze kumeso jayo mbinga jitatu jize jitangu jatukukile. Kumanyi mbinga yino yili ni meso ngwe mutu, ni kanwa lia kuhanjika yuma yinene.

Usolwelo 12:3

Chilayi chikwo chamonekene mwilu: kumanyi, ndragau muchila munene, kali ni mitwe shimbiali, ni kumi lia mbinga, ni ha mitwe yenyi yipangula shimbiali.