Daniel 7:2 - MUKANDA USANDU WA ZAMBI 1975

² Daniel yamba ngwenyi, Namwene mu usolwelo wami ha ufuku, kumanyi fuji jiwana ja mwilu jinavundula kalunga-lwiji munene.

Mukanda Wa Zambi 1970

² We Usolwelo uno: Fuji yiwana yiivundula kalunga lwiji sali ni sali.

Daniel 7:2 Iomraidhean Croise

Izaya 17:12

Cho kunuma cha mavungu anji, kananumu ngwe kunuma cha kalunga-lwiji! Cho kuchungula cha mavungu, kanachungula ngwe kuchungula cha meya anji!

Jeremia 49:36

Mungukokela hali A-Elame mafuji awana a ku mbango jiwana ja malilu, mba mungwamwangina ku mafuji aze eswe. Kukuchi kapwa limwe vungu kuze A-Elame a kuhanga kechi kachinyinako.

Jeremia 51:42

Kalunga-lwiji haneza ha Babilonia, hafukiwa ni mikanya yenyi ya kupinda.

Daniel 11:4

Mba muze hatatuka, wanangana wenyi maumakuna ni kuupangila ku mafuji awana a mwilu alioze hi kuli ana jenyi ko; ni kuyula kechi kayula nikulita ni chiyulo chenyi, mumu wanangana wenyi mautukula akauhane kuli akwo nawa helu lia wano.

Daniel 2:19

Henaho chijimbikilo achijimbwile kuli Daniel mu usolwelo ha ufuku. Kashika Daniel yahalisa Zambi ya mwilu.

Daniel 7:13

Namwene ha usolwelo wa ufuku, kumanyi hamwe ni malelwa a mwilu kwejile umwe ngwe mwana mutu; yakundama kuli mwe Mukulu-wa-Matangwa, yamusolola kuli iye.

Daniel 7:7

Kulutwe namwene ha usolwelo wa ufuku, kumanyi ngongo wamuchiwana wa kuvwisa mwongo ni lwaji, tachi jenyi jahiana. Kali ni mazo anene a utale; wapapulwile ni kupalwola ni kuliataliata masalila ni molu jenyi. Walipwila ni ngongo eswe waze ahangile. Kali ni kumi lia mbinga.

Daniel 8:2

Namwene mu usolwelo wami, te nguli mu mbala ya Shushane, mu chifuchi cha Elame. Namwene mu usolwelo, nguli ku lwiji Ulai.

Daniel 8:8

Mba kuji ya pembe yalitohesa kuhiana, alioze muze hapwa ni tachi, mbinga yenyi yinene yiyimakuka, mba yikusoka mbinga jiwana ja lufuma kusalakana ja kutalikisa ku fuji jiwana ja malilu.

Zakaria 6:5

Mungelo yangukumbulula ngwenyi, Wano fuji jiwana ja malilu jize jakutuhuka muze te halikunjika kuli Mwene wa hashi heswe.

Mateu 24:31

Kumakatuma angelo jenyi ni liji linene lia chitavwi, no makakungulula waze hanaatongola kuli iye ku fuji jiwana, ku songo limwe lia malilu ndo ku songo likwo.

Usolwelo 17:15

Iye yamba kuli yami ngwenyi, Meya eka ni eka aze hiwamona, haze hatwama chikoi, atu ni yizavu yinji, ni mavungu ni malimi.

Usolwelo 7:1

Kulutwe lia chino, namwene angelo awana kanamana ku mbango jiwana ja hashi, kanakwata fuji jiwana ja hashi, hanga fuji niyimwe kuyichi kalamba hashi, chipwe ha kalunga-lwiji, chipwe ha mutondo umwe, ka.