Daniel 7:19 - MUKANDA USANDU WA ZAMBI 1975

¹⁹ Yingumuhula umwenemwene ha kutwala kuli ngongo wamuchiwana yoze walipwilile ni akwo eswe, mwe mukwa kuvwisa mwongo, kali ni mazo a utale, ni yala ya unengu; mukwa kupapulula ni kupalwola ni kuliataliata masalila ni molu jenyi.

Mukanda Wa Zambi 1970

¹⁹ Hohene yinguzanga kunyingika kuhiana ngongo wa muchiwana, yoze kalifwile ko ni akwo, yoze wakole ni woma, yoze wapapulwile akwa kole jenyi ni yala yenyi ya unengu ni mazo a utale, mba yaaliataliata.

Daniel 7:19 Iomraidhean Croise

Daniel 7:20

Yinguhula ha kutwala ku mbinga jenyi kumi ha mutwe wenyi, ni mbinga yize yikwo yasokako, mba mbinga jitatu jaholoka kumeso jenyi, ye mbinga yize yapwile ni meso, ni kanwa lia kuhanjika yuma yinene, ayo yasolokele kutoha kuhiana jikwo.

Daniel 7:7

Kulutwe namwene ha usolwelo wa ufuku, kumanyi ngongo wamuchiwana wa kuvwisa mwongo ni lwaji, tachi jenyi jahiana. Kali ni mazo anene a utale; wapapulwile ni kupalwola ni kuliataliata masalila ni molu jenyi. Walipwila ni ngongo eswe waze ahangile. Kali ni kumi lia mbinga.

Daniel 7:8

Nazewile mbinga, mba kwasokele hakachi kajo mbinga yikwo, yikepe tuhu, alioze kumeso jayo mbinga jitatu jize jitangu jatukukile. Kumanyi mbinga yino yili ni meso ngwe mutu, ni kanwa lia kuhanjika yuma yinene.