Daniel 7:18 - MUKANDA USANDU WA ZAMBI 1975

¹⁸ Alioze asandu ja mwe Chitunda makatambula we wanangana, ni kuzuka we wanangana ndo ku miaka, ni miaka ya mutolo.

Mukanda Wa Zambi 1970

¹⁸ Atu ja mwe Zambi Chitunda maakatambula tachi ja wanangana, kumaakabwa najo ndoo ku miaka yeswe ni miaka yeswe.”

Daniel 7:18 Iomraidhean Croise

Miaso (Masamu) 45:16

Ana je a malunga masalakana atatenu; mukaapwisa yilolo hashi heswe.

Miaso (Masamu) 49:14

Ngwe mapanga Zambi hanaasela Shiole. Kufwa muchipwa kafunga ko. Mu kucha akwa ululi makaayula. Upeme wo muuhwa mu Shiole; chihela chawo chakuhi.

Izaya 14:2

Akwa mavungu maanda, maatwala kuma kwo, ni akwa munyachi wa Izalele maazuka mu chifuchi cha Yehova ngwe ndungo ja malunga ni a mapwo. Kumakakwachila funge waze aafungile funge ayo, makayula waze aapinjishile.

Daniel 7:14

Yamwaha chiyulo, ni uhenya, ni wanangana, hanga akwa mavungu eswe ni minyachi yeswe, ni malimi eswe akamulingile. Chiyulo chenyi chiyulo cha mutolo, kuchichi kahwa. Wanangana wenyi uze kuuchi kanonga.

Daniel 7:17

Wano ngongo awana anene analumbunuka mianangana awana masoloka hashi.

Daniel 7:22

ndo ku kwiza cha mwe Mukulu-wa-Matangwa, muze ahanyine chiyulo kuli asandu ja mwe Chitunda, mwaka hiwaheta muze asandu matambula wanangana.

Daniel 7:25

Kumakahanjika maliji anene a kulimika ni mwe Chitunda, makapinjisa asandu ja mwe Chitunda. Makahala kwalumuka miaka ni shimbi, no makaakunjika kuli iye ndo ku mwaka, ni miaka yiali, ni chihanda cha mwaka.

Daniel 7:27

Alioze wanangana ni chiyulo ni unene wa mawanangana kushi lia lilu lieswe kumakakunjika kuli atu ja asandu ja mwe Chitunda. Wanangana wo kumuukapwa wanangana wa mutolo, mba akwa yiyulo yeswe kumakaavumbika ni kwaononokena.

Obadia 1:17

Alioze mu mulundu wa Zaione kumukukapwa akwa kwomboka; muukapwa usandu. Munyachi wa Yakomba kumakazuka chihinga cho.

Luka 1:33

iye kumakayula akwa zuwo lia Yakomba ku miaka ya mutolo; ni wanangana wenyi kuuchi kuhwa.

1 Korintu 6:2

Hanji kunwanyingikine asandu makapatwila akwa hashi? Mba kachi munukapatwila akwa hashi, kunwatelele kupatula yikuma yikepekepe, nyi?

Efesu 1:3

Zambi kanda Tato ya Mwene wetu Yesu Kristu afumane, yoze hanatuwahisa ni yiwape yeswe ya uspiritu mu malilu muli Kristu:

Efesu 6:12

Mumu kulinjika chetu hi cha kulimika ni atu a musunya ni manyinga ko, alioze cha kulimika ni mawanangana, cha kulimika ni yiyulo, cha kulimika ni ene ja milima ya mwakono, cha kulimika ni maspiritu ja ungulungulu mu malilu.

Usolwelo 20:4

Mba namwene ngunja ni waze atwamineho, mba aahele upatwilo: namwene alma ja waze aatapile ha Shindakenyo ya Yesu, ni ha liji lia Zambi, ni waze kawayilile ngongo, chipwe kaponya kenyi, ka, katambwile mufunda ha mahuma jo ni ha moko jo; o atwamine ni mwono, ayulile hamwe ni Kristu kanunu ka miaka.

Usolwelo 22:5

Kukuchi kapwa nawa ufuku; o kafupile pangu lia ndeya, chipwe lia tangwa, ka; mumu Mwene Zambi kumakapanguka hali ayo; o kumakayula ndo ku miaka yeswe ya mutolo.

Usolwelo 3:21

Yoze makumba mungumwaha mukutwama hamwe ni yami ha ngunja yami, chizechene ngwe ni yami nawa hingunakumbu, hingunatwama hamwe ni Tata ha ngunja yenyi.

Usolwelo 5:10

mba Waapwishile kuli Zambi yetu wanangana ni asasendote, o kumakayula hashi.