Daniel 7:16 - MUKANDA USANDU WA ZAMBI 1975

¹⁶ Yingukundama kuli umwe wa waze amanyineko; yingumuhula umwenemwene ha kutwala ku yino yeswe. Aye yangulweza, yangulumbunwina ye yuma.

Mukanda Wa Zambi 1970

¹⁶ Mba yingukundama kuli umwe wa kuli waze te anamana ko, yiunguhula ulumbunwiso wa Usolwelo uze, neye yangulumbunwina wo.

Daniel 7:16 Iomraidhean Croise

Daniel 7:10

Muhwiji wa kahia wavwelwokele ni kutuhuka kumeso jenyi. Kanunu ka tununu amuvumbikile, ni kumi lia tununu twa yisuho ya kumi lia tununu amanyine kumeso jenyi. Punga ya sopi yatwama kusopa, apakwile mikanda.

Daniel 7:17

Wano ngongo awana anene analumbunuka mianangana awana masoloka hashi.

Daniel 8:17

Chocho iye wakundamine kuze namanyine; mba ha kukundama, ami nevwile woma, nafulamanyine hashi. Alioze yamba kuli yami ngwenyi, Mwana mutu, nyingika ngwami, usolwelo uno watwala ku miaka ya ku songo.

Daniel 9:22

Yeza, yamba kuli yami ngwenyi, Daniel, hineza haliapwila kukwaha mana ni yinyingi.

Zakaria 1:19

Yingwamba kuli mungelo yoze unahanjika ni yami ngwami, Ajo jika? Aye yangukumbulula ngwenyi, Ajo je mbinga jamwangine Yunda, ni Izalele, ni Yerusaleme.

Zakaria 2:3

Mwe mungelo yoze te unahanjika ni yami yakundama, ni mungelo mukwo yakundama akatakane nenyi.

Zakaria 3:7

Yehova-wa-Tujita kanambe ngwenyi, Nyi muwenda mu majila jami, nikufunga shimbi jami, mukayilia zuwo liami, nikufunga maze jami, ni yami mungukwaha poko ya kunjila hakachi ka wano anamana kuno.

Usolwelo 5:5

mba umwe wa kuli makulwana yamba kuli yami ngwenyi, Kanda ulila; tala, mwe Ndumba yoze wa ku vungu lia Yunda, chikota cha David, hanakumbu kupakula mukanda ni yijikilo yawo shimbiali.