Daniel 7:15 - MUKANDA USANDU WA ZAMBI 1975

¹⁵ Ha kutwala kuli yami Daniel, Spiritu yami muchima yalifwita, ni usolwelo wa mutwe wami wanguvwishile woma.

Mukanda Wa Zambi 1970

¹⁵ Usolwelo uze namwene yiunguvwisa woma, yiungubikalisa kuhiana.

Daniel 7:15 Iomraidhean Croise

Ubutukilo 41:8

Mu kwacha chimene mbunge yenyi yiyilipikala, yatuma kusanyika yimbanda eswe a mu Engitu, ni akwa mana eswe. Falau yaalweza chilota chenyi alioze niumwe kahashile kumulumbunwinacho wakuhi.

Jeremia 17:16

Chakushinjikile kutuma chipi, chazangile tangwa lia huli, yena unachinyingika. Yize yeswe yatuhukile mu kanwa liami kwe kumeso je nayambile.

Daniel 10:16

Kumanyi, umwe wa kulifwa ni ana ja atu yangusunga ku mivumbo; mba napakwile kanwa liami ni kuhanjika. Yingwamba kuli yoze kanamana kumeso jami ngwami, Mwene wami, yikola hiyangukwata, chishi nawa ni tachi ha mukunda wa usolwelo.

Daniel 2:1

Ha mwaka wamuchiali wa kuyula cha Nabukanezore, mwe Nabukanezore watetele yilota; kashika Spiritu yenyi yilifwita, kahashile kuya tulo.

Daniel 2:3

Mwanangana yamba kuli ayo ngwenyi, Nateta, Spiritu yami yinalifwichi ngukanyingike chilota chami.

Daniel 4:19

Aho Daniel, jina lienyi likwo Belteshazare, yatatajala shimbu linene, ni manyonga jenyi yamuvwisa woma. Mwanangana yamba ngwenyi, Belteshazare, chilota chino ni ulumbunwiso wacho kanda chikuvwisa woma. Belteshazare yakumbulula ngwenyi, Mwene wami, chilota chino chikapwe kuli waze akunuvwila kole, ni ulumbunwiso wacho ukapwe kuli akwa kole jenu.

Daniel 4:5

Natetele chilota cha kungukolesa woma. Shimbu napombele ha muhela, manyonga ni usolwelo wa mutwe wami yangunehenene mwongo.

Daniel 7:1

Ha mwaka utangu wa Beleshazare mwanangana wa Babilonia, Daniel watetele chilota ni usolwelo wa mu mutwe wenyi shimbu te kanapombo ha muhela wenyi. Henaho wasonekene chilota chenyi ni kwambulula ulumbunwiso wa chikuma.

Daniel 7:28

Kuno kwasula che chikuma, alioze ha kutwala kuli yami Daniel, manyonga jami anguvwishile woma wunji, ni ku meso jami kwalumukine, alioze nafungile chikuma mu mbunge yami.

Daniel 8:2

Namwene mu usolwelo wami, te nguli mu mbala ya Shushane, mu chifuchi cha Elame. Namwene mu usolwelo, nguli ku lwiji Ulai.

Daniel 8:27

Mba yami Daniel nalezumukine, napombele nikuyiza matangwa. Mba nakatukile nikulingalinga milimo ya mwanangana, alioze usolwelo wangushimine; kuwangulumbunukine.

Habakuke 3:16

Ngunevu, mba mujimba wami unachikima; mivumbo yami yinachikima ha lundunjila wacho. Yifwaha yami yinapolo; molu jami anazeketa mushi liami. Mungutwaminyina kúlú tangwa lia lamba muliza hali akwa kunjila mu chifuchi chetu.

2 Petulu 1:14

se ngunanyingika kuzula cha mbalaka yami muchikapwa kulutwe lia shimbu likepe, chizechene ngwe Mwene wetu Yesu Kristu wangulwezele.