Daniel 7:14 - MUKANDA USANDU WA ZAMBI 1975

¹⁴ Yamwaha chiyulo, ni uhenya, ni wanangana, hanga akwa mavungu eswe ni minyachi yeswe, ni malimi eswe akamulingile. Chiyulo chenyi chiyulo cha mutolo, kuchichi kahwa. Wanangana wenyi uze kuuchi kanonga.

Mukanda Wa Zambi 1970

¹⁴ Neye yamwaha chiyulo, ni ulemu, ni ndundo ja wanangana, hanga atu a ku yifuchi yeswe, ni mavungu eswe, ni maliji eswe amulingile. Chiyulo chenyi muchilinduluka ndoo ku miaka yeswe, wanangana wenyi kuuchi kubwa ni songo.

Daniel 7:14 Iomraidhean Croise

Miaso (Masamu) 102:22

muze minyachi ya atu muyikunguluka hamuwika ni akwa mawanangana mukuvumbika Yehova.

Miaso (Masamu) 103:19

Yehova hanakolesa ngunja yenyi mwilu. Wanangana wenyi unayulu helu lia eswe.

Miaso (Masamu) 145:13

Wanangana we wapwa wa mutolo. Chiyulo che chalinduluka ku yisemuko yeswe.

Miaso (Masamu) 146:10

Yehova kumakayula ku miaka ya mutolo. Zaione, Zambi ye kumakayula ku yisemuko yeswe. Halisenu Yehova!

Miaso (Masamu) 45:6

Ngunja ya yena Zambi kuyili ndo ku miaka yeswe ya mutolo; lukanda wa wanangana we lukanda wa ululi.

Miaso (Masamu) 72:11

Ewa, mianangana eswe kumakafulamana kumeso jenyi. Mavungu eswe kumakamulingila.

Miaso (Masamu) 72:17

Jina lienyi kumulikalinduluka lia mutolo; jina lienyi kumulikalinduluka miaka yeswe tangwa mulikalinduluka. Atu eswe makaawahisa muli iye. Mavungu eswe makamuvuluka ngwo, Kawaha.

Miaso (Masamu) 8:6

Wamwaha chiyulo ha yitanga ya moko je; hiwasa yuma yeswe kushi lia yiliato yenyi.

Izaya 16:5

mba makolesa ngunja ni utu wa zango, henaho matwama ni umwenemwene mu mbalaka ya David umwe mukwa kupatula ni kufupa ululi, umwe malipupwisa kulinga chize Chinalulama.

Izaya 60:12

Mumu munyachi hanji wanangana wa waze kanuvumbikile kumuukakuwa. Mavungu aze kumakaonwona.

Izaya 9:6

Mumu kuli yetu hikwasemuka umwe kemba, kuli yetu hahana umwe mwana wa lunga. Chiyulo kumuchikapwa ha chipaya chenyi, ni jina lienyi mamuluka ngwo, Longeshi wa mana mukwa kukomwesa, Zambi ya Ndundo, Tata ya Miakulwila, Mwanangana wa Sambukila.

Izaya 9:7

Kutanda cha chiyulo chenyi ni cha sambukila kuchichi kusula, ha ngunja ya David ni ha wanangana wenyi kuukolesa ni kuujikijisa ni upatwilo ni ululi chize ku tangwa lize ni ndo ku miaka yeswe. Tachi ja Yehova-wa-Tujita mujilinga chino chuma.

Daniel 2:35

Henaho utale, ni uma, ni unengu, ni prata, ni oru, yeswe yafwenyokene hamuwika; yalumuka ngwe yizungu ya ha chizungwilo cha ha lwiza, mba fuji yiyiyihehula chocho kahashile kuwana chipwe kamwe kachinyingi kayo. Alioze liwe lize lialambile kaponya lialumukine lumulundu lunene; liazalishile hashi heswe.

Daniel 2:37

Enu mwanangana, mwe mwanangana wa mianangana, kuli yenu Zambi ya mwilu hananwehe wanangana, ni ndundo, ni ngolo, ni uhenya;

Daniel 2:44

Ha matangwa ja mianangana aze Zambi ya mwilu makakolesa umwe wanangana uze kuuchi kanonga. Chipwe chiyulo chawo kechi kachiswanyisa kuli atu eka. Muukafwenya mawanangana ano akwo ni kwasulisa, alioze wene muukakola wa mutolo,

Daniel 3:4

Mukwa mutambi yamba ni liji linene ngwenyi, Enu mavungu, ni minyachi, ni malimi, kananwehe shimbi ngwo,

Daniel 4:3

Yilayi yenyi yinene, yikomokeso yenyi ya ndundo. Wanangana wenyi wa mutolo; chiyulo chenyi chakola chize ku chisemuko ndo ku chisemuko.

Daniel 6:26

Ngunase shimbi ngwami, Mu yifuchi yeswe ya wanangana wami atu eswe akachikime ni woma kumeso ja Zambi ya Daniel, mumu iye Zambi ya mwono, katwama wa mutolo. Wanangana wenyi kechi kahasa kuwonwona; chiyulo chenyi kuchichi kasula.

Daniel 7:18

Alioze asandu ja mwe Chitunda makatambula we wanangana, ni kuzuka we wanangana ndo ku miaka, ni miaka ya mutolo.

Daniel 7:27

Alioze wanangana ni chiyulo ni unene wa mawanangana kushi lia lilu lieswe kumakakunjika kuli atu ja asandu ja mwe Chitunda. Wanangana wo kumuukapwa wanangana wa mutolo, mba akwa yiyulo yeswe kumakaavumbika ni kwaononokena.

Obadia 1:21

Akwa kulamwina kumakaya ku mulundu wa Zaione akayule mulundu wa Esau, mba wanangana kumuukapwa wa mbala wa Yehova.

Mika 4:7

Yilema mungukaapwisa masalila, ni waze aambilile mungukaapwisa vungu lia tachi mba Yehova makapwa mwanangana wo mu mulundu wa Zaione chize ku mwakono ndo ku miaka yeswe.

Mateu 11:27

Kanangukunjika yuma yeswe kuli Tata, mba niumwe manyingika mwe Mwana, shina Tata, chipwe niumwe manyingika Tata, shina mwe Mwana, ka, ni kuli mweswawo mwe Mwana mapala kumusolola.

Mateu 28:18

Yesu wakundamine kuli ayo, nikuhanjika kuli ayo ngwenyi, Hanangwehe yiyulo yeswe mwilu ni hashi.

Luka 1:33

iye kumakayula akwa zuwo lia Yakomba ku miaka ya mutolo; ni wanangana wenyi kuuchi kuhwa.

Luka 10:22

Kanangukunjika yuma yeswe kuli Tata; mba niumwe manyingika chize mwe Mwana apwa shina Tata; ni chize apwa Tata shina mwe Mwana, ni yoze mweswawo mwe Mwana mapala kumusolola.

Yoano 12:34

Mbunga kashika amukumbulwile ngwo, Hitunevu mu shimbi ngwo, Kristu matwama ndo ku miaka ya mutolo; ngwe kuchi yena unambe ngwe, Chatamba kuzundula mwe Mwana Mutu? Yono mwe Mwana Mutu iya?

Yoano 3:35

Mwe Tata kakuzanga mwe Mwana; hanakunjika yuma yeswe mu kwoko lienyi.

Hebreu 12:28

Kashika, ha kutambula wanangana uze kuushi kuhasa kunyika, tupwenu ni vumbi, ku lize tukavumbike Zambi ni uvumbiko wa kupemena chikolo, ni ulemeso ni woma.

1 Petulu 3:22

yoze kwali ku kwoko lia chindume lia Zambi, se hanayi mwilu; angelo ni akwa kuyula ni tachi nikuzeyela kuli iye.

Usolwelo 1:6

watupwishile wanangana, asasendote kuli Zambi yenyi kanda Tato; uhenya ni ndundo yikapwe kuli iye ndo ku miaka ya mutolo. Amene.

Usolwelo 11:15

Mungelo wamuchishimbiali wembile chitavwi chenyi; kwapwile maliji anene mwilu, ngwo, Wanangana wa hano hashi hiwapwa wa Mwene wetu, ni wa Kristu yenyi: iye kumakayula ndo ku miaka yeswe ya mutolo.

Usolwelo 17:14

Wano kumakasa jita ni mwe Mwana-panga, ni mwe Mwana-panga kumakaakumba, mumu iye Mwene wa ene, Mwanangana wa mianangana; ni waze ali hamwe nenyi, hanaatambika, aze hanaatongola, aze amwenemwene.

Usolwelo 3:21

Yoze makumba mungumwaha mukutwama hamwe ni yami ha ngunja yami, chizechene ngwe ni yami nawa hingunakumbu, hingunatwama hamwe ni Tata ha ngunja yenyi.