Daniel 7:13 - MUKANDA USANDU WA ZAMBI 1975

¹³ Namwene ha usolwelo wa ufuku, kumanyi hamwe ni malelwa a mwilu kwejile umwe ngwe mwana mutu; yakundama kuli mwe Mukulu-wa-Matangwa, yamusolola kuli iye.

Mukanda Wa Zambi 1970

¹³ Mu Usolwelo wa ufuku uze, yingumona umwe walifwa ni mwana mutu wakujingilika ni malelwa, yangukundama. Mba yaya kuli yoze wabwile ni mwono chize ku miaka yeswe, yaamulakula kuli iye.

Daniel 7:13 Iomraidhean Croise

Miaso (Masamu) 110:2

Yehova kumakatuma lukanda wa tachi je mu Zaione. Yula yena hakachi ka akwa kole je.

Miaso (Masamu) 2:8

Eta kuli yami mba mungukwaha mavungu ha chihinga; mungukwaha masongo a hashi ukaapite.

Miaso (Masamu) 47:5

Zambi hanakanduka ni liji lia kulikwiza. Yehova hanakanduka ni liji lia chitavwi.

Jeremia 49:19

Chizechene ngwe ndumba makatuka ku mushitu wa Yordau kulimika ni limba lia tachi lia mapanga chocho ni yami susumuku mungwahuma kuli iye, mba mungusela kumuyula mweswawo ngunazange yami. Mumu iya walifwa ni yami? Iya mangusanyika? Kafunga muka mahasa kumana kumeso jami?

Ezekiel 1:26

Helu lia kuzazuluka chize chapwile ha mitwe yo hapwile ngwe kulifwa cha ngunja nikusoloka ngwe safwira. Mba kutwama helu lia kulifwa cha ngunja kwapwile ngwe kulifwa cha kupwa cha mutu.

Daniel 2:44

Ha matangwa ja mianangana aze Zambi ya mwilu makakolesa umwe wanangana uze kuuchi kanonga. Chipwe chiyulo chawo kechi kachiswanyisa kuli atu eka. Muukafwenya mawanangana ano akwo ni kwasulisa, alioze wene muukakola wa mutolo,

Daniel 7:12

Ha kutwala kuli ngongo akwo, chiyulo cho achichijile, alioze mwono wo ausuhishile ha kangonde ni shimbu.

Daniel 7:2

Daniel yamba ngwenyi, Namwene mu usolwelo wami ha ufuku, kumanyi fuji jiwana ja mwilu jinavundula kalunga-lwiji munene.

Daniel 7:22

ndo ku kwiza cha mwe Mukulu-wa-Matangwa, muze ahanyine chiyulo kuli asandu ja mwe Chitunda, mwaka hiwaheta muze asandu matambula wanangana.

Daniel 7:9

Shimbu munguchitala, akolesele ngunja, ni umwe jina lienyi Mukulu-wa-Matangwa yatwama. Mazalo jenyi atoma ngwe neve, ni kambu jenyi ja ha mutwe japwile ngwe wanda upema, ngunja yenyi yapwile milengi ya kahia, ni maroda jayo kahia ka kuyila.

Daniel 8:15

Yami Daniel, muze hinamona usolwelo uno, nafupile kuusa chinyingi, mba kwamanyine hakamwihi ni yami umwe wa kulifwa ni mutu.

Mateu 13:41

Mwe Mwana Mutu kumakatuma angelo jenyi, kumakakunga yitalingiso yeswe ni waze akulinga uhulia, makaachiza mu wanangana wenyi.

Mateu 24:30

Hohene chilayi cha mwe Mwana Mutu kumuchikasoloka mwilu: ni hohene mavungu eswe a hashi kumakahia mbimbi, kumakamona mwe Mwana Mutu kaneza ha malelwa a mwilu ni tachi ni uhenya unene.

Mateu 25:31

Alioze muze mwe Mwana Mutu meza mu uhenya wenyi, ni angelo asandu eswe hamwe nenyi, hohene makatwama ha ngunja yenyi ya uhenya:

Mateu 26:64

Yesu yamba kuli iye ngwenyi, Yena wachamba; hindu ngwami, Kulutwe kumunukamona mwe Mwana Mutu kanatwama ha chindume cha tachi, kaneza ha malelwa a mwilu.

Mateu 28:18

Yesu wakundamine kuli ayo, nikuhanjika kuli ayo ngwenyi, Hanangwehe yiyulo yeswe mwilu ni hashi.

Mateu 8:20

Yesu yamba kuli iye ngwenyi, Mikuza kali ni mena, tujila a mwilu kali ni yaswa; alioze mwe Mwana Mutu keshi haze ha kushachila mutwe wenyi.

Marku 13:26

Hohene makamona mwe Mwana Mutu kaneza mu malelwa hamwe ni tachi jinene ni uhenya.

Luka 21:27

Hohene kumakamona mwe Mwana Mutu kaneza mu lelwa ni tachi ni uhenya unene.

Luka 21:36

Alioze lenu ha shimbu lieswe, nikuliumba, hanga nukakumbe, nupuluke ku yino yuma yeswe kumuyikapwa, nukamane kumeso ja mwe Mwana Mutu.

Luka 24:27

Iye nikuputuka ku mikanda ya Mose ni ya aprofeta eswe, walumbunwine kuli ayo mu yisoneko yeswe yuma ya kutwala kuli iye mwene.

Yoano 12:34

Mbunga kashika amukumbulwile ngwo, Hitunevu mu shimbi ngwo, Kristu matwama ndo ku miaka ya mutolo; ngwe kuchi yena unambe ngwe, Chatamba kuzundula mwe Mwana Mutu? Yono mwe Mwana Mutu iya?

Yoano 3:13

Mba niumwe wazezukile mwilu shina yoze wahulumukine mwilu, mwe Mwana Mutu, mwenawo mwilu mwali.

Yoano 5:27

Hanamwehe chiyulo cha kulinga upatwilo, mumu iye mwe Mwana Mutu.

Yilinga 7:56

Mba wambile ngwenyi, Talenu, ngunamono malilu kanazuluka, ni mwe Mwana Mutu kanamana ku chindume cha Zambi.

1 Tesalonika 4:17

Mba kulutwe yetu, tuli ni mwono, twasala, kumakatupindumuna hamwe no mu malelwa, mukutakana ni Mwene mu tetela: chocho mutukapwa matangwa eswe hamwe ni Mwene.

1 Timoteu 6:16

Iye wika keshi kufwa, katwama mu pangu lize keshi kuhasa kukundamako; mutu niumwe kamumwene, chipwe mahasa kumumona, ka: ulemu ni ndundo ja mutolo jikapwe kuli iye. Amene.

Hebreu 2:14

Kashika se ana anapu akwa kulianyina ni musunya ni manyinga, iye nawa chizechene i walianyinyine ni chisemewa chimuwika; hanga ku kutwa, akapupe yoze uli ni ndundo ja kutwa, iye Ndiapu;

Hebreu 9:24

Mumu Kristu kanjililemo muma musandu mwa kutungiwa ni moko, te Chizulie cha muma musandu mwamwenemwene; aiioze mwilu mwene hanga akasoloke haliapwila kumeso ja Zambi hali yetu:

Usolwelo 1:13

mukachi ka yikwachilo shimbiali ya ndeya umwe wa kulifwa ni mwe Mwana Mutu, unazala uzalo wa kuheta ku yiliato, kanalijichika ha tulo ni muya wa oru.

Usolwelo 1:18

ni mwe mukwa mwono; napwile mufu, aiioze natwama ni mwono ndo ku miaka ya mutolo, ni sapi ja kufwa ni Heteze nguli najo.

Usolwelo 1:7

Talenu, kumeza ni malelwa; ni meso eswe kumakamumona, ni waze amutuwile; ni mavungu eswe a hashi kumakahia mbimbi hali iye. Chochene. Amene.

Usolwelo 14:14

Mba namwene, lelwa litoma; ni ha lelwa umwe kanatwama walifwa ni mwe mwana mutu, kali ni chipangula cha oru ha mutwe wenyi, ni mu kwoko lienyi kwengo ya kucha ya kuhela.