Daniel 7:10 - MUKANDA USANDU WA ZAMBI 1975

¹⁰ Muhwiji wa kahia wavwelwokele ni kutuhuka kumeso jenyi. Kanunu ka tununu amuvumbikile, ni kumi lia tununu twa yisuho ya kumi lia tununu amanyine kumeso jenyi. Punga ya sopi yatwama kusopa, apakwile mikanda.

Mukanda Wa Zambi 1970

¹⁰ kahia yikalekwoka kulutwe lienyi. Tununu ni tununu te anamana kulutwe lienyi. Akwa kusopa yaabutuka kusopa, yaabakwola mikanda.

Daniel 7:10 Iomraidhean Croise

1 Yitanga Ya Mianangana 22:19

Mikaia ngwenyi, Ena kashika panjika ku liji lia Yehova. Namwene Yehova ha ngunja yenyi ni mbunga yeswe ya mwilu kanamana ha chindume chenyi ni ha chimeso chenyi.

2 Sango Ja Mianangana 18:18

Mba Mikaia yamba ngwenyi, Nyi chocho panjika ku liji lia Yehova. Namwene Yehova kanatwama ha ngunja yenyi ni mbunga yeswe ya mwilu kumana ku chindume chenyi ni ku chimeso chenyi.

Jobe 25:3

Mahasa kwalula tujita twenyi? Pangu lienyi kuliavumbukile hali iya?

Miaso (Masamu) 103:21

Fumanyisenu Yehova yenu eswe yihuji yenyi, yenu tuvumbi twenyi nwakulinga cheswacho chamupemena.

Miaso (Masamu) 18:8

Mwishi wakatukile ku mazulu jenyi, kahia ka ku kanwa lienyi kalesele, kakuyila ni makala a kahia.

Miaso (Masamu) 50:3

Zambi yetu kaneza; kechi kuhola. Kahia mukalesa kulutwe lienyi, kangonga kumakapinda ha kumujingilika.

Miaso (Masamu) 68:17

Matemba a Zambi a jita apwa makumi aali a tununu, chipwe tununu twa tununu. Mwe Mwene kwali hakachi ko ngwe ku Sinai muma mwenyi musandu.

Izaya 30:27

Jina lia Yehova Unakatuka kusuku nikuyila ni kahia ka utenu wenyi ni mwishi ulá pwi unafwinjiko. Mivumbo yenyi yinazala ni ufwatulo, limi lienyi linapu ngwe kahia ka kulalisa.

Izaya 30:33

Mumu jiko hanalilulika kulu, hali mwe mwanangana hanalilulika; mulumba wacho kutoha ni kusuha ni kahia ni kunyi ja kulumbama. Mba mwiku wa Yehova muuliwika ngwe muhwiji wa fundanga.

Daniel 12:1

Ha mwaka uze Mikele, mwe mukwa kuyula munene yoze wakufunga ana ja atu je, makamana; kumukukapwa mwaka wa lamba limwe, kanda lisoloka chize ku uputukilo wa vungu lino ndo ku miaka yize. Ha mwaka uze atu je kumakaapulula, atu eswe aze makaawana a kusoneka mu mukanda.

Daniel 7:22

ndo ku kwiza cha mwe Mukulu-wa-Matangwa, muze ahanyine chiyulo kuli asandu ja mwe Chitunda, mwaka hiwaheta muze asandu matambula wanangana.

Daniel 7:26

Alioze punga ya sopi matwama nikusopa, mba mamuchiza chiyulo chenyi akachinongese ni kuchonwona ndo ku songo.

Zakaria 14:5

Mba mungulunga wa milundu yami makaujika, mumu mungulunga wa milundu muukakwata kwe ku lumbu liawo, mba munukachina ngwe nwachinyine ku munyiko ha matangwa ja Uzia mwanangana wa Yunda. Henaho Yehova Zambi yenu kumakeza ni asandu jenyi eswe hamwe nenyi.

Mateu 25:31

Alioze muze mwe Mwana Mutu meza mu uhenya wenyi, ni angelo asandu eswe hamwe nenyi, hohene makatwama ha ngunja yenyi ya uhenya:

Shimbi 33:2

ngwenyi, Yehova wakatukile ku Sinai, ku Sere wavumbukile hali ayo ngwe mwalwa. Ku mulundu wa Parane wapangulukile. Yakatuka ku kumi lia tununu twa asandu ni shimbi ya kahia mu kwoko lienyi lia chindume.

Hebreu 1:14

O eswe te hi maspiritu a kuvumbika ko, a kutumiwa mukuvumbika, mumu hali waze makahinga ulamwino, nyi?

Hebreu 12:22

Alioze yenu hinuneza ku mulundu wa Zaione, ni ku limbo lia Zambi ya mwono, Yerusaleme ya mwilu; ni ku yizavu yinji ya angelo;

Yuda 1:14

Enoke, wamuchishimbiali kuli Alama, waprofetezele hali wano, ngwenyi, Mwene kumeza hamwe ni yizavu yinji ya asandu jenyi,

Usolwelo 11:18

Ni mavungu atenukine, ni utenu we hiuneza, ni mwaka wa kupatwila afu, ni wa kwononona ndungo je, aprofeta ni asandu, ni waze akwivwa woma wa jina lie, ni akepe ni anene, mukwonwona waze akwonwona hashi.

Usolwelo 5:11

Namwene, nevwile liji lia angelo anji ha kujingilika ngunja, ni akwa mwono awana ni makulwana; ni chize aalwile ngwo, Chihuji cha yihuji ni tununu twa tununu.