Daniel 6:8 - MUKANDA USANDU WA ZAMBI 1975

⁸ Kashika mwanangana, senu ye koki, senu jina ku mukanda, mba kuyichi kuhasa kwalumuka nikulita ni shimbi ja A-Media ni A-Persia jize kechi kuhasa kujishiha.

Mukanda Wa Zambi 1970

⁸ Chinalite yenu mwanangana nuse chinyingi ku Shimbi yino hanga yibwe ya tachi, ngwe chize jakubwa Shimbi ja Amedia ni Apersia, jize kujishi kuhasa kwalumuka.”

Daniel 6:8 Iomraidhean Croise

Estere 1:19

Nyi chinawahila mwe mwanangana ahane shimbi ya wanangana ayisoneke mu shimbi ja A-Persia ni ja A-Media kuyichi kwalumuka, ngwo, Vashti kechi kunjila nawa kumeso ja mwanangana Ahashueru. Ni mwanangana ahane ulamba wenyi kuli umwe wamuhiana kupema.

Estere 3:12

Henaho ha tangwa kumi ni liamuchitatu lia kakweji mutangu yasanyika akwa kusonyeka a mwanangana. Yasoneka nikulita ni yize yeswe Hamane wazangile kutuma kuli akwa kuyula ja mwanangana, ni kuli nguvulu ja yifuchi, ni kulu alemu ja mavungu eswe. Yatuma ku yifuchi yeswe nikulita ni sona jacho, ni vungu lieswe nikulita ni limi lialio. Yasoneka mu jina lia mwanangana Ahashueru nikuchijikila ni kazeya ka mwanangana.

Estere 8:10

Yasoneka mu jina lia mwanangana Ahashueru ni kujikilaho ni kazeya ka mwanangana. Yatuma mikanda mu moko ja mikeji hali tuvwalu a tambu a ku milimo ya mwanangana, te a kusema kuli tuvwalu a wanangana.

Estere 8:3

Estere yahanjika cheka nawa kuli mwanangana nikufulamana ku yiliato yenyi, nikulembelela ni masoji akachize shimbi jipi ja Ka-Agage Hamane, ni kutaka chenyi chize atakile cha kulimika ni A-Yunda.

Estere 8:8

Sonekenu nawa kuli A-Yunda, chize chanupemena mu jina lia mwanangana, nukachijikile ni kazeya ka mwanangana. Mumu shimbi ja kusoneka mu jina lia mwanangana nikujikila ni kazeya ka mwanangana niumwe mahasa kujalumuna.

Miaso (Masamu) 94:21

Kakukungulukila mukulimika ni mwono wa mukwa ululi, nikuhisa manyinga aze anasambe.

Izaya 10:1

Lamba kuli waze akukolesa shimbi ja uhenge, ni akwa kusoneka waze akusonyeka upinjiso,

Daniel 5:28

PERESE, hanahandununa wanangana we, hanauhana kuli A-Media ni A-Persia.

Daniel 6:12

Mba yakundama ni kwamba kumeso ja mwanangana ha kutwala ku shimbi yize ya koki ngwo, Mwanangana, kunwasonekene jina lienu ha shimbi yimwe ya koki ngwenu, Mutu mweswe malemba kuli umwe zambi hanji umwe mutu ha makumi atatu a matangwa shina kuli yenu mwanangana, amunyase mu wina wa ndumba? Mwanangana yakumbulula ngwenyi, Chuma chinakolo nikulita ni shimbi ja A-Media ni A-Persia jize kechi kuhasa kujishiha.

Daniel 6:15

Henaho wano malunga yalitesa yeza kuli mwanangana ngwo, Nyingikenu mwanangana, shimbi ya A-Media ni A-Persia ngwetu, Shimbi yimwe ya koki, hanji chiyulo cha mwanangana, kechi kahasa kuchalumuna.

Mateu 24:35

Lilu ni hashi kumuyikahwa, alioze maliji jami kechi kahwa nichimwe.