Daniel 6:7 - MUKANDA USANDU WA ZAMBI 1975

⁷ Akwa lutwe eswe a mu wanangana, ni tupitau, ni yilolo, ni tuliamanga, ni anguvulu, hitwanyonga hamuwika ngwetu, Chatamba yenu mwanangana kusa shimbi ni kukolesa koki ya kwamba ngwenu, Mweswe malemba kuli umwe zambi hanji kuli umwe mutu ha shimbu lia makumi atatu a matangwa, shina kuli yenu mwanangana, amunyase mu wina wa ndumba.

Mukanda Wa Zambi 1970

⁷ Yetu akwa lutwe eswe a mu wanangana: miata a tujita, ni akwa kuyula yifuchi, ni milopo jo, ni akwo eswe, hitwanyonga ngwetu, chipema yenu mwanangana nuse Shimbi ya tachi ngwenu, mutu mumwe mahasa kwita chimwe Chuma kuli umwe zambi chibwe umwe mutu shina kuli yenu ha matangwa makumi atatu. Mweswawo matangula Shimbi yino chatamba kumumbila mu wina wa tambwe.

Daniel 6:7 Iomraidhean Croise

Miaso (Masamu) 10:9

Kakutwama ku tenga ngwe ndumba mu chivwenge chenyi. Kakujikinyina mukwa luyinda. Kakukwata mukwa luyinda muze mamutanjilikila wanda wenyi.

Miaso (Masamu) 2:2

Mianangana a hashi kakulilonga; akwa kuyula kakutwama punga ya kulimika ni Yehova ni yoze amuwayishile ni maji kuli iye, ngwo,

Miaso (Masamu) 59:3

Mumu kakujikinyina mwono wami. Akwa ndundo kakungukungulukila. Kuchapwile ha mulonga wami, hanji ha shili yami, Yehova.

Miaso (Masamu) 59:5

Chipwe yena Yehova Zambi-wa-Tujita, Zambi ya Izalele, katuka uliwane ni akwa mavungu eswe. Kanda uvwila vumbi waze yivulumunyi akwa Utanguko.(Litulike.)

Miaso (Masamu) 62:4

Kakutwama punga chuma chimuwika akamunungune ku upeme wenyi. Kakuwahilila ni mahuza. Kakuwahisa ni makanwa, alioze muchima kakutuka.(Litulike.)

Miaso (Masamu) 83:5

Mumu halitesa ni mbunge yimuwika. Kakukolesa usendo wa kulimika ni yena.

Miaso (Masamu) 94:20

Ngunja ya ungulungulu yize yakutaka uhuka ngwe shimbi, muyihasa kulifutula hamuwika ni yena, nyi?

Daniel 2:4

A-Kaletea yamba kuli mwanangana mu limi lia A-Seria ngwo, Vulie, mwanangana. Nulweze chilota chenu kuli yetu tuvumbi twenu mba mutuchilumbununa.

Daniel 3:11

hi mweswawo kafulamanyine ni kuwayila mamunyasa mu lutengo wa kahia ka kulengenya.

Daniel 3:2

Mba mwanangana Nabukanezore yatuma kukungulula yilolo, ni tupitau, ni anguvulu, ni tuliamanga, ni akwa kufunga mbongo, ni sopi, ni ngaji, ni akwa kuyula eswe a mu provincia eze ku tangwa lia kutumbikila kaponya, yoze mwanangana Nabukanezore hamika.

Daniel 3:27

E yilolo, ni tupitau, ni anguvulu, ni tuliamanga ja mwanangana yakunguluka, yamona chize kahia kukapwile ni tachi nijimwe ha mijimba ya malunga wano. Kambu ja ha mitwe yo kujapapiwile; mahina jo kapihile, chipwe vumba lia kahia kuliapwile hali ayo ni he hakehe.

Daniel 3:6

Mweswawo kafulamanyine ni kuwayila, mamunyasa haze hene mu lutengo wa kahia ka kulengenya.

Daniel 6:16

Kashika mwanangana yahana liji, yaneha Daniel, yamunyasa mu wina wa ndumba. Mwanangana yamba kuli Daniel ngwenyi, Zambi ye akufunge, yoze wakumuvumbika matangwa eswe.

Daniel 6:22

Zambi yami watumanga mungelo wenyi kuyika makanwa ja ndumba. Kangulemekene mumu hanguwana chishi kapalia kumeso jenyi. Chipwe kumeso ja yenu mwanangana chalingile chipi nichimwe.

Mika 6:5

Enu atu jami, iwulukenu chize Mbalake mwanangana wa Moape watakile, ni chize Mbalau mwana Mbeore wamukumbulwile; ni chize chanuwanyine chize ku Shitime ndo ku Ngilingali hanga nukanyingike yilinga ya ulamwino wa Yehova.

Nahume 2:12

Mwe ndumba wapapulwile ya kulumbama hali ana jenyi; wawondele kulia hali yihwo jenyi; wazalishile yivwenge yenyi ni yifwo ya kushiha; wazalishile mena jenyi ni musunya wa kupapulula.

Mateu 12:14

Alioze A-Fwariseu atuhukile, amutwamine punga chize mahasa kumwonwona.

Mateu 26:4

Atwamine punga hanga akakwate Yesu ni kalimbalimba, akamushihe.

Marku 15:1

Haze hene ha chimenemene, asasendote akwa lutwe hamwe ni makulwana ni akwa kusonyeka, ni akwa kuyula, yatwama punga, yakasa Yesu, yamutwala, yamukunjika kuli Pilatu.

Yoano 12:10

Alioze asasendote akwa lutwe atwamine punga, hanga akashihe Lazaru nawa;