Daniel 6:4 - MUKANDA USANDU WA ZAMBI 1975

⁴ Kashika akwa lutwe ni yilolo afupile chitela cha kusuma nacho Daniel ha kutwala ku wanangana. Alioze kawanyine chitela, hanji kapalia, mumu aye mukwa jika; kawanyine kulweza hanji kapalia muli iye.

Mukanda Wa Zambi 1970

⁴ Kashika miata waze akwo ni akwa kuyula yaafupila Daniel mulonga ku milimo yenyi ya wanangana, alioze kaauwanyine ko, mumu Daniel wabwile mukwa ululi. Kalingile ko chibi nichimwe, hanji chimwe Chuma cha uhenge.

Daniel 6:4 Iomraidhean Croise

Ubutukilo 41:38

Falau yamba kuli tuvumbi twenyi ngwenyi, Mutuhasa kuwana mukwo walifwa ni yono? Spiritu ya Zambi katwama muli iye.

Ubutukilo 43:18

O yevwa woma mumu haatwala mu zuwo lia José. Yamba ngwo, Hatuneha muno mumu ha mbongo jize ahilwishile mu njeke jetu jila yitangu. Kashika anatutambila mulonga hanga atukwate hamwe ni yimbulu jetu, tukapwe tupinji.

Yishima 29:27

Mukwa uhenge kapwa chizelwokeso kuli mukwa ululi; yoze walulama mu ndako jenyi kapwa chizelwokeso kuli chingulungulu.

Longeshi 4:4

Namwene kuhondangana cheswe ni utotombo weswe ni ha chino mutu kakumuvwila ukwa kuli akwo. Chino nawa chapwa chamokomoko ngwe kuhanga ye fuji.

Jeremia 18:18

Henaho ambile ngwo, Tuyenu tukatwame punga Jeremia. Mumu shimbi kuyichi kutokela sasendote, hanji chiyulo kuli mukwa mana, hanji liji kuli profeta. Tuyenu tukamulambe ni limi. Kanda tupanjika ku maliji jenyi niamwe.

Jeremia 18:23

Alioze yena Yehova unanyingika kutaka cho cheswe cha kungushiha. Kanda ukonekena uhenge wo; kanda ujimuna shili yo ku meso je. Anunguke kumeso je; ukaapatwile ha tangwa lia utenu we.

Jeremia 20:10

Mumu ngunevu anji nikuyevweta. Mwongo uliko kweswe kwa kujingilika! Masepa jami eswe kakwamba ngwo, Lituneye! Tulituneye! Mba kakutalatala ngulimbuke ngwo, Hanji mongoloka, mba mutuhasa kumukumba ni kumufwetesa.

Jeremia 29:7

Wahisenu chihunda kuze hinanutuma ngwe njize nukachilembele kuli Yehova mumu nyi muchiwaha ni yenu munuwaha.

Daniel 3:8

Kashika ha mwaka uze amwe A-Kaletea yaya ni kusuma A-Yunda ni kole.

Daniel 5:12

mumu awanyine muli yono Daniel (mwanangana wamulukile Belteshazare) Spiritu mupema Wahiana, ni yinyingi, ni mana a kulumbununa yilota, ni kujimbula yijimbikilo, ni kupatula yuma yikalu. Kashika sanyika Daniel, mba makulweza ulumbunwiso.

Daniel 6:22

Zambi yami watumanga mungelo wenyi kuyika makanwa ja ndumba. Kangulemekene mumu hanguwana chishi kapalia kumeso jenyi. Chipwe kumeso ja yenu mwanangana chalingile chipi nichimwe.

Mateu 26:4

Atwamine punga hanga akakwate Yesu ni kalimbalimba, akamushihe.

Mateu 27:18

Mumu wanyingikine ngwenyi, Hamukunjika mumu ha lufwachinda.

Luka 20:20

O amulayilile, atumine ngendeshi, waze aliongele kupwa akwa ululi, hanga akamulimbe ni kuhanjika chenyi, hanga akahase kumukunjika ku chiyulo ni poko ya nguvulu.

Luka 20:26

O kahashile kumuhangulula ha liji kumeso ja atu; o akomokene ha kumbululo lienyi, aholele kulungunga kwo.

Luka 22:2

Ni asasendote akwa lutwe ni akwa kusonyeka afupile ngwe chize mahasa kumushiha; mumu evwile woma wa atu.

Yoano 19:4

Pilatu watuhukile cheka nawa, ngwenyi, Talenu, ngunamuneha haze kuli yenu, hanga nunyingike chawanyine chitela nichimwe muli iye.

2 Korintu 11:12

Alioze chize nakulinga, chizechene mungukachilinga hanga ngukajike jila ya waze akuzanga kulisamba; hanga muze akulisamba, akaawane chizechene ngwe yetu.

Filipu 2:15

hanga nukapwe kunushi chitela, kunushi chipi, ana a Zambi, kunushi kapalia mukachi ka chisemuko cha uhenge, cha kupiya, hakachi ko nwakupanguka hano hashi ngwe temo.

1 Timoteu 5:14

Kashika ngunazange twamishi a mapwo ni miaka yikepe akaye ulo, akaseme ana, akayule yuma ya mu zuwo, kanda akahana unjililo kuli mukwa kulimika akatúke.

Titu 2:8

kuhanjika chingunu, chize kuchishi kuhasa kuhia; hanga akavwise sonyi mweswe malimika, se keshi chuma chipi nichimwe cha kwamba hali yetu.

1 Petulu 2:12

Pwenu ni kwenda chenu ngwe chinate hakachi ka akwa mavungu: hanga chipwe manuhanjika ngwe akwa kulinga yipi, ku yitanga yenu yipema yize akumona, akachichimieke Zambi ha tangwa lia kukala ni lia kwononona.

1 Petulu 3:16

Pwenu ni mbunge yipema: hanga ha chize manwamba chipi ngwe akwa kulinga yipi, akevwe sonyi, waze akusaula kwenda chenu chipema muli Kristu.

Akwa Kuyula 14:4

Tato ni naye kanyingikine ngwo, Chuma chino chinakatuka kuli Yehova, mumu iye te kanafupu unjililo kuli A-Filistea. Ha mwaka uze A-Filistea te kanayulu A-Izalele.

1 Samuel 12:4

O ambile ngwo, Kwatwiyile, chipwe kutupinjisa, chipwe kutambula chimwe kuli umwe mutu.

1 Samuel 18:14

David walingile ni mana mu majila jenyi eswe, mba Yehova wapwile hamwe nenyi.

1 Samuel 22:14

Ahimeleke yakumbulula kuli mwanangana ngwenyi, Mba hakachi ka tuvumbi twenu eswe, mutu wa jika iya ngwe tatenu-weno David, kanda kapitau ka akwa kufunga mwanangana, kanda mulemu mu zuwo lienu?