Daniel 6:27 - MUKANDA USANDU WA ZAMBI 1975

²⁷ Kakupulula, kakulamwina, kakulinga yilayi ni yikomokeso mwilu ni hashi, yono mwene hanalamwina Daniel, ku tachi ja ndumba.

Mukanda Wa Zambi 1970

²⁷ Kakulamwina, kakupulula; kakulinga yipupu ni yilayi lilu ni hano hashi. Halamwina Daniel kuli tambwe.”

Daniel 6:27 Iomraidhean Croise

Jobe 36:15

Kakupulula akwa luyinda ni luyinda wo; ku lamba lio kakujikula matwi jo.

Miaso (Masamu) 145:13

Wanangana we wapwa wa mutolo. Chiyulo che chalinduluka ku yisemuko yeswe.

Miaso (Masamu) 18:48

Kakungupulula kuli akwa kole jami; ewa, kakunguzundula helu lia waze akungukatukila. Kuwakungupulula kuli mukwa kupupa.

Miaso (Masamu) 18:50

Iye kakuhana ulamwino unene kuli mwanangana wenyi; kakusolola utu wa zango lienyi kuli yoze hamuwayisa; kuli David ni ku munyachi wenyi ku miaka ya mutolo. Kuli Njimba mukwa lutwe. Samu lia David.

Miaso (Masamu) 32:7

Yena uli chiswamo chami, mukangufunga ku lamba. Kumukangujingilika ni miaso ya kungupulula. (Litulike.)

Miaso (Masamu) 35:17

Mwene, ndo mwiji muka mutala tuhu? Pulula kama mwono wami ku kwonwona cho. Pulula mwanami wa wika kuli ndumba.

Miaso (Masamu) 97:10

Yenu eswe nwakuzanga Yehova vwilenu lwaji yuma yipi. Kakufunga mwono wa asandu jenyi, kakwapulula ku kwoko lia chingulungulu.

Jeremia 10:10

Alioze Yehova iye Zambi wamwenemwene, iye Zambi ya mwono ni mwanangana wa mutolo. Ha kutenuka chenyi hashi hakunyika. Ha ufwatulo wenyi mavungu kahashile kujikiza.

Daniel 2:44

Ha matangwa ja mianangana aze Zambi ya mwilu makakolesa umwe wanangana uze kuuchi kanonga. Chipwe chiyulo chawo kechi kachiswanyisa kuli atu eka. Muukafwenya mawanangana ano akwo ni kwasulisa, alioze wene muukakola wa mutolo,

Daniel 4:31

Shimbu te maliji achili mu kanwa lia mwanangana, kwejile liji lia mwilu ngwo, Mwanangana Nabukanezore! Kuli yena liji lino lineza ngwami, Wanangana hiwakukatuka,

Daniel 4:34

Ku songo Iia matangwa, yami Nabukanezore nahetwile meso jami kwilu, mba mana jami janguhilukile nawa. Nafumanyishine mwe Chitunda nikumuhalisa nikulemesa yoze watwama ni mwono ndo ku miaka yeswe ngwami, Mumu chiyulo chenyi chapwa cha mutolo, ni wanangana wenyi walinduluka chize ku chisemuko ndo ku chisemuko.

Daniel 4:35

Akwa hashi eswe kapwa ngwe nichimwe; iye kakulinga upale wenyi hakachi ka akwa mwilu ni hakachi ka akwa hashi. Iya makwika kwoko lienyi, hanji mamwamba ngwenyi, Yika unalingi?

Daniel 6:20

Ha kukundama ku wina muze mwatwama Daniel, yatambika ni liji lia kupinda kuli Daniel ngwenyi, Daniel, kavumbi ka Zambi ya mwono, Zambi ye yoze wakumuvumbika matangwa eswe hahasa kukupulula kuli ndumba?

Yoano 4:48

Yesu kashika wambile kuli iye ngwenyi, Kunuchi kufuliela nichimwe shina munumona yilayi ni yipekesa.

Yilinga 4:30

shimbu muolola kwoko lie mukuhindwisa; hanga akalinge yilayi ni yipekesa ku jina lia Kavumbi ke musandu Yesu.

Hebreu 2:4

Zambi nikushindakenya nawa hamwe no, ni yilayi ni yipekesa, ni yipupu yeka ni yeka, ni kwanyina cha Spiritu Musandu, nilulita ni kupala chenyi mwene.

1 Samuel 17:26

David yamba kuli malunga aze amujingilikile ngwenyi, Yika malinga kuli lunga yoze mashiha yono Ka-Filistea nikuchiza luchoko yono kuli A-Izalele? Mumu yono chilima cha Ka-Filistea kuchi apwa akahase kutomba chizavu cha tujita twa Zambi ya mwono.