Daniel 6:26 - MUKANDA USANDU WA ZAMBI 1975

²⁶ Ngunase shimbi ngwami, Mu yifuchi yeswe ya wanangana wami atu eswe akachikime ni woma kumeso ja Zambi ya Daniel, mumu iye Zambi ya mwono, katwama wa mutolo. Wanangana wenyi kechi kahasa kuwonwona; chiyulo chenyi kuchichi kasula.

Mukanda Wa Zambi 1970

²⁶ Ngunase Shimbi ngwami, mu wanangana wami weswe atu eswe evwe woma, alemese Zambi ya Daniel. “Iye kali Zambi ya mwono, mayula ndoo ku miaka yeswe. Wanangana wenyi kuuchi kasula, ndundo jenyi kujichi kahwa nichimwe.

Daniel 6:26 Iomraidhean Croise

Ezra 1:3

Mweswawo uliko hakachi ka yenu eswe atu jenyi, Zambi yenyi apwe hamwe nenyi akanduke ku Yerusaleme mu Yunda, atunge zuwo lia Yehova Zambi ya Izalele mu Yerusaleme (iye mwe Zambi lume).

Ezra 7:21

Ni yami mwene, mwe mwanangana Artasherke, ngunatumu shimbi kuli akwa kufunga upite sali lize lia Lwiji ngwami, Cheswacho sasendote Ezera mukwa kusonyeka shimbi ja Zambi ya mwilu mafupa kuli yenu, mwehenu, ni kuhona ka,

Miaso (Masamu) 119:120

Musunya wami kuunachikima ni woma wa yena. Woma ngunevu wa upatwilo we. Ayine

Miaso (Masamu) 146:10

Yehova kumakayula ku miaka ya mutolo. Zaione, Zambi ye kumakayula ku yisemuko yeswe. Halisenu Yehova!

Miaso (Masamu) 2:11

Vumbikenu Yehova ni woma. Wahililenu nikuchikima.

Miaso (Masamu) 29:10

Ku sanga lia meya Yehova Watwamine ngwe mwanangana. Ewa, katwama ngwe mwanangana wa mutolo.

Miaso (Masamu) 42:2

Mbunge yami kuyakwivwa pwila ya Zambi, mwe Zambi ya mwono. Tangwa lika munguheta ngukasoloke kumeso ja Zambi?

Izaya 66:2

Yehova kanambe ngwenyi, Yuma yino yeswe ya kulinga ni moko jami, kashika yuma yino yeswe niyami. Alioze mutu mungumutala, yono: mukwa kulikehesa, mukwa kumakuka mu Spiritu, yoze kakuchikimina liji liami.

Izaya 9:7

Kutanda cha chiyulo chenyi ni cha sambukila kuchichi kusula, ha ngunja ya David ni ha wanangana wenyi kuukolesa ni kuujikijisa ni upatwilo ni ululi chize ku tangwa lize ni ndo ku miaka yeswe. Tachi ja Yehova-wa-Tujita mujilinga chino chuma.

Jeremia 10:10

Alioze Yehova iye Zambi wamwenemwene, iye Zambi ya mwono ni mwanangana wa mutolo. Ha kutenuka chenyi hashi hakunyika. Ha ufwatulo wenyi mavungu kahashile kujikiza.

Daniel 2:44

Ha matangwa ja mianangana aze Zambi ya mwilu makakolesa umwe wanangana uze kuuchi kanonga. Chipwe chiyulo chawo kechi kachiswanyisa kuli atu eka. Muukafwenya mawanangana ano akwo ni kwasulisa, alioze wene muukakola wa mutolo,

Daniel 3:29

Kashika ngunakolesa shimbi ngwami, Nyi vungu limwe, hanji munyachi umwe, hanji limi limwe mahanjika chimwe chuma cha kulimika ni Zambi ya Shadrake, ni Meshake, ni Abedenego, makaapapulula kwoko ni kulu ni mazuwo jo maapuzula. Mumu kukushi niumwe zambi mukwo yoze mahasa kupulula chocho.

Daniel 4:3

Yilayi yenyi yinene, yikomokeso yenyi ya ndundo. Wanangana wenyi wa mutolo; chiyulo chenyi chakola chize ku chisemuko ndo ku chisemuko.

Daniel 4:34

Ku songo Iia matangwa, yami Nabukanezore nahetwile meso jami kwilu, mba mana jami janguhilukile nawa. Nafumanyishine mwe Chitunda nikumuhalisa nikulemesa yoze watwama ni mwono ndo ku miaka yeswe ngwami, Mumu chiyulo chenyi chapwa cha mutolo, ni wanangana wenyi walinduluka chize ku chisemuko ndo ku chisemuko.

Daniel 6:20

Ha kukundama ku wina muze mwatwama Daniel, yatambika ni liji lia kupinda kuli Daniel ngwenyi, Daniel, kavumbi ka Zambi ya mwono, Zambi ye yoze wakumuvumbika matangwa eswe hahasa kukupulula kuli ndumba?

Daniel 7:14

Yamwaha chiyulo, ni uhenya, ni wanangana, hanga akwa mavungu eswe ni minyachi yeswe, ni malimi eswe akamulingile. Chiyulo chenyi chiyulo cha mutolo, kuchichi kahwa. Wanangana wenyi uze kuuchi kanonga.

Daniel 7:27

Alioze wanangana ni chiyulo ni unene wa mawanangana kushi lia lilu lieswe kumakakunjika kuli atu ja asandu ja mwe Chitunda. Wanangana wo kumuukapwa wanangana wa mutolo, mba akwa yiyulo yeswe kumakaavumbika ni kwaononokena.

Hosea 1:10

Hindu kwalula cha A-Izalele muchipwa ngwe masekeseke a ku kalunga-lwiji aze kechi kuhasa kwaeseka hanji kwaalula, mba kuze ambile kuli ayo ngwo, Hi nuli atu jami ko, kwenako mamba kuli ayo ngwo, Nuli ana ja Zambi ya mwono.

Malaki 3:6

Mumu yami Yehova chishi kwalumuka, kashika enu ana ja Yakomba kanunongesele.

Mateu 6:13

Kanda ukatutwala kama ku cheseko, alioze tupulule kama kuli mwe mupi. Mumu we wanangana, ni je tachi, ni we uhenya, yeswe niye ndo ku miaka yeswe. Amene.

Luka 1:33

iye kumakayula akwa zuwo lia Yakomba ku miaka ya mutolo; ni wanangana wenyi kuuchi kuhwa.

Luka 12:5

Alioze mungunutoweza yoze nukamuvwile woma, muvwilenu woma, yoze kulutwe lia kushiha, akwete chiyulo cha kumbila mu Ngehena; ewa, ngunambe kuli yenu ngwami, muvwilenu woma yoze!

Yilinga 17:25

chipwe keshi kumulingila ni moko ja atu ngwe anahono chuma chimwe, se iye mwene kakuhana kuli eswe mwono, ni mwiku, ni yuma yeswe;

A-ROMA 9:26

Mba kumuchikapwa muma muze achambile kuli ayo ngwo, Yenu hi nuli atu jami ko, muze mwene kumakaavuluka ngwo, Nuli ana a Zambi ya mwono.

Shimbi 5:26

Iya uliko kuli eswe evwile liji lia Zambi ya mwono anahanjika ni liji Unatuhuka mukachi ka ke kahia, ngwe yetu hitwevwa, hindu achili ni mwono?

1 Tesalonika 1:9

Mumu ayo ene kakwambujola ha kutwala kuli yetu, kunjila chize twapwile nacho kuli yenu; ni ngwe chize nwatewulukilile kuli Zambi nikwehuka mahamba, mukulingila Zambi ya mwono, wamwenemwene,

Hebreu 12:29

Mumu Zambi yetu iye kahia kakulalisa.

Tiangu (Jake) 1:17

Kuhana cheswe chipema ni yawana yeswe yingunu kuyakuhulumuka kwilu, kuli mwe Tato ya pangu, muli iye kumushi kwalumuka, chipwe Chizulie cha kutewuluka.

Usolwelo 11:15

Mungelo wamuchishimbiali wembile chitavwi chenyi; kwapwile maliji anene mwilu, ngwo, Wanangana wa hano hashi hiwapwa wa Mwene wetu, ni wa Kristu yenyi: iye kumakayula ndo ku miaka yeswe ya mutolo.

Usolwelo 4:10

makumi aali a makulwana ni makulwana awana mafulamana kumeso ja yoze mukwa mwono ndo ku miaka yeswe ya mutolo, mambila yipangula yo kulutwe lia ngunja, ngwo,

Usolwelo 5:14

Ni akwa mwono awana ambile ngwo, Amene; ni makulwana afulamanyine, awayilile.

1 Samuel 17:26

David yamba kuli malunga aze amujingilikile ngwenyi, Yika malinga kuli lunga yoze mashiha yono Ka-Filistea nikuchiza luchoko yono kuli A-Izalele? Mumu yono chilima cha Ka-Filistea kuchi apwa akahase kutomba chizavu cha tujita twa Zambi ya mwono.

1 Samuel 17:36

Yami kavumbi kenu nashihile ndumba ni ursu, eswe aali, mba yono chilima cha Ka-Filistea mapwa ngwe umwe hakachi ko se hatomba chizavu cha tujita twa Zambi ya mwono.