Daniel 6:24 - MUKANDA USANDU WA ZAMBI 1975

²⁴ Mwanangana yatuma, mba waze asumine Daniel, yaaneha, yaanyasa mu wina wa ndumba—ayo, ni ana jo, ni mapwo jo. Shimbu kanda achiheta ha mashima a wina ndumba yaakwata ni kupalwola yifwaha yo tuyipinji.

Mukanda Wa Zambi 1970

²⁴ Mba mwanangana yahana Shimbi ngwenyi, akwate eswe waze anakeza ni kwambulula Daniel. Atu yaambila mu wina wa tambwe hamwe ni mapwo jo ni ana jo. Shimbu te kanda achiheta ha mashima ja wina, tambwe yookela mu tetela, yaabatwola yifwaha yo yipinji yipinji.

Daniel 6:24 Iomraidhean Croise

1 MIANANGANA 14:6

Alioze ana ja waze yingalwe kaashihile, nikulita ni chize chasonewene mu mukanda wa shimbi ja Mose, chize Yehova watumine ngwenyi, Kanda ashiha yisemi mumu hali ana, chipwe kanda ashiha ana mumu hali yisemi. Mutu mweswe mafwila mulonga wenyi mwene.

Estere 7:10

Chocho yasukika Hamane ha mutondo iye te halulika hali Mordekai. Mba ufwatulo wa mwanangana yiutula.

Estere 9:10

wano kumi lia ana a malunga a Hamane mwana Hamedata mukwa kole wa A-Yunda, yaashiha. Alioze ku upite kakwachileko.

Estere 9:25

Alioze muze chuma chahetele kuli mwanangana aye yatuma shimbi mu mikanda hanga kutaka chino chipi Hamane atakila A-Yunda chikahiluke ha mutwe wenyi mwene, hanga iye ni anenyi a malunga akaasukike ha mitondo.

Miaso (Masamu) 54:5

Kuli akwa kole jami makaahilwisa chipi. Ukaonwone kama mu umwenemwene we.

Yishima 11:8

Kakupulula mukwa ululi ku lamba lienyi; alioze chingulungulu kumakamusalakanamo.

Yishima 19:9

Chela cha mahuza kechi kasamba; mukwa kuhanjika mahuza manonga.

Izaya 38:13

Nakuteta angukwase ndo ni kucha cha tangwa; alioze aye ngwe ndumba kakumakwona yifwaha yami; hakachi ka mwalwa ni ufuku kuwakungusutula.

Jeremia 34:17

Kashika Yehova kanambe ngwenyi, Kunwononokene kuli yami kwambujola utuswilo, mutu mweswe kuli usoko wenyi ni kuli mwenyembo wenyi. Kashika yami mungutusula hali yenu katana, ni chilungo, ni kapunga. Chocho kanambe Yehova. Kumunukapwa chuma cha lwaji ku mavungu eswe a hashi.

Daniel 3:22

Mumu ha kukola cha shimbi ya mwanangana lutengo wasasaminyine kuhiana, kashika mulengi wa kahia washihile akwa kunyasa Shadrake, ni Meshake, ni Abedenego.

Shimbi 24:16

Kanda ashiha yisemi mumu hali ana, chipwe kanda ashiha ana mumu hali yisemi. Ashihe mutu ni mutu ha mulonga wenyi mwene.