Daniel 6:23 - MUKANDA USANDU WA ZAMBI 1975

²³ Mba mwanangana wawahililile chikolo, yahana liji achize Daniel mu wina. Chocho yachiza Daniel mu wina, nikamwe kachilonda kakawanyine hali iye mumu hafuliela Zambi yenyi.

Mukanda Wa Zambi 1970

²³ Mwanangana yawahilila kuhiana, yahana Shimbi ngwenyi: “Chizenu Daniel mu wina.” No yaamuchiza mo, yaamona mujimba wenyi walambulambu weswe, tambwe kaamulemekene nichimwe, mumu Daniel yajikijila hali Zambi.

Daniel 6:23 Iomraidhean Croise

1 Yitanga Ya Mianangana 5:7

Ha kwivwa maliji a Solomone Hirame yawahilila chikolo ngwenyi, Yehova afumane musono mumu kuli David hahana mwana wa mana kuyula vungu lino linene.

1 Sango Ja Mianangana 5:20

Zambi yaakwasa kulimika no mba yakumba A-Hagri ni waze eswe apwile no, mumu hakachi ka jita yateta kuli Zambi mba iye wapanjikile mumu amufulielele.

2 Sango Ja Mianangana 20:20

Yahinduka chimenemene, yaya ku puya ya Tekoa, mba shimbu machituhuka Yehosofate yamana, yamba ngwenyi, Enu A-Yunda ni yenu A-Yerusaleme ngwivwenu. Jikijilenu hali Yehova Zambi yenu, chocho munukola; fulielenu aprofeta jenyi, chocho yuma yenu muyiwaha.

Miaso (Masamu) 18:21

Mumu hingunafungu majila ja Yehova, chehukile Zambi yami ni ungulungulu.

Miaso (Masamu) 37:40

Yehova kakwakwasa nikwapulula. Kakwapulula kuli yingulungulu; kakwalamwina mumu haswama muli iye. Samu lia David, lia kwiwulula.

Kutuhuka 18:9

Yetoru yawahilila mumu ha utu weswe alingile Yehova kuli A-Izalele, mumu iye te haapulula ku moko ja A-Engitu.

Yishima 18:10

Jina lia Yehova liapwa kaposhi mukolo; mukwa ululi machinyinamo mba mamufungila mwilu.

Izaya 26:3

Yoze majikijisa manyonga jenyi hali yena, mumufunga mu uhwimino wika, mumu kanakufuliela.

Daniel 3:17

Nyi chapwa chocho, Zambi yetu yoze twakulingila mahasa kutupulula ku lutengo wa kahia ka kulengenya, mba kumakatupulula ku kwoko lia yenu mwanangana nawa.

Daniel 3:25

Aye yamba ngwenyi, Alioze ngunamono malunga awana keshi kukasa, kanende mwe muchima lia kahia. Kevwile yikola, ni kusoloka cha wamuchiwana chapwa ngwe umwe mwana zambi.

Daniel 6:14

Mwanangana ha kwivwa maliji wano walifwichile chikolo mu mbunge. Wasele manyonga jenyi kupulula Daniel, ni kuhondangana ndo kunjila cha tangwa akamulamwine.

Daniel 6:18

Mba mwanangana yaya ku zuwo lienyi, yapalikisa ufuku weswe ni kulitwamina kulia; kamunehenene yisaji ya miaso; tulo kaamwene.

Marku 9:23

Yesu wambile kuli iye ngwenyi, Kachi muhasa kufuliela, yuma yeswe muyihasa kupwa kuli yoze mafuliela.

Hebreu 11:33

waze ku Ufulielo akanganyine mawanangana, alingile ululi, azukile yilakenyo, ajikile makanwa ja ndumba,