Daniel 6:22 - MUKANDA USANDU WA ZAMBI 1975

²² Zambi yami watumanga mungelo wenyi kuyika makanwa ja ndumba. Kangulemekene mumu hanguwana chishi kapalia kumeso jenyi. Chipwe kumeso ja yenu mwanangana chalingile chipi nichimwe.

Mukanda Wa Zambi 1970

²² Zambi yami katumanga kanganda kenyi wa mwilu hanga abakike makanwa ja tambwe achine kungulemeka. Kalinganga chino mumu kananyingika ngwenyi, nguli mukwa kusamba ni mumu chanuvulumwine ko yenu mwanangana.”

Daniel 6:22 Iomraidhean Croise

Ubutukilo 40:15

Mumu angwiyile ku chifuchi cha A-Hepreu. Chipwe kuno chalingile nichimwe chakungu-neha muno mu wina.

2 Samuel 22:7

Mu luyinda wami natambikile kuli Yehova, natetele kuli Zambi yami. Mu tembele yenyi wevwile liji liami; muteto wami wanjilile mwe mu matwi jenyi.

1 Yitanga Ya Mianangana 13:28

Yaya, yawana mujimba wenyi wa kumbila mu jila ni chimbulu ni ndumba kanamana hakamwihi ni mujimba alioze ndumba kalile mujimba chipwe kushiha chimbulu.

2 Sango Ja Mianangana 32:21

Mba Yehova yatuma mungelo akapatule yitakame akwa hamu eswe, ni tusongo, ni tupitau mu chilombo cha mwanangana wa Asuria. Chocho yahiluka ni sonyi ku chifuchi chenyi. Mba ha kuheta ku zuwo lia zambi yenyi, waze asemukine ku mujimba wenyi mwene yamushihilako ni katana.

Miaso (Masamu) 118:28

Yena uli Zambi, yami mungukusakwilila. Uli Zambi yami, mungukunangamisa.

Miaso (Masamu) 26:6

Mungusanyisa moko jami nikusamba; chocho mungujinga ku chilumbilo cha yena Yehova;

Miaso (Masamu) 31:14

Hindu nafulielele yena Yehova. Nambile ngwami, Yena uli Zambi yami.

Miaso (Masamu) 34:7

Mungelo wa Yehova kakutunga chilombo chenyi cha kujingilika waze akumuvwila woma, kakwapulula.

Miaso (Masamu) 38:21

Kanda ungwehuka Yehova. Zambi yami kanda umana kusuku ni yami.

Miaso (Masamu) 84:11

Mumu Yehova Zambi iye tangwa; iye lukepwe. Yehova mahana vumbi ni ulemu. Nichimwe chuma chipema mamina waze akwenda ni ululi.

Izaya 3:10

Ambulwila akwa ululi ngwe, Muchipwa kawape no, mumu makalia mihuko ya yitanga yo.

Izaya 63:9

Mu huli lio lieswe iye wamwene huli, mba mungelo wa kumeso jenyi waalamwinyine. Ni zango lienyi ni keke yenyi waakulile; waazundwile, waambachile matangwa eswe a shakulu.

Jeremia 37:18

Jeremia yamba nawa kuli mwanangana Zedekia ngwenyi, Chipi chika nalinga kuli yenu, hanji tuvumbi twenu, hanji akwa vungu lino, nukanguse mu zuwo lia ususu?

Daniel 3:28

Nabukanezore yamba ngwenyi, Zambi ya Shadrake, ni Meshake, ni Abedenego afumane, yoze hatuma mungelo wenyi, hapulula tuvumbi twenyi akwa kujikijila hali iye, waze alelesele shimbi ya mwanangana nikwecha mijimba yo, mumu kasolo kulingila umwe zambi shina Zambi yo, chipwe kumuwayila.

Daniel 6:20

Ha kukundama ku wina muze mwatwama Daniel, yatambika ni liji lia kupinda kuli Daniel ngwenyi, Daniel, kavumbi ka Zambi ya mwono, Zambi ye yoze wakumuvumbika matangwa eswe hahasa kukupulula kuli ndumba?

Daniel 6:23

Mba mwanangana wawahililile chikolo, yahana liji achize Daniel mu wina. Chocho yachiza Daniel mu wina, nikamwe kachilonda kakawanyine hali iye mumu hafuliela Zambi yenyi.

Daniel 6:4

Kashika akwa lutwe ni yilolo afupile chitela cha kusuma nacho Daniel ha kutwala ku wanangana. Alioze kawanyine chitela, hanji kapalia, mumu aye mukwa jika; kawanyine kulweza hanji kapalia muli iye.

Daniel 6:7

Akwa lutwe eswe a mu wanangana, ni tupitau, ni yilolo, ni tuliamanga, ni anguvulu, hitwanyonga hamuwika ngwetu, Chatamba yenu mwanangana kusa shimbi ni kukolesa koki ya kwamba ngwenu, Mweswe malemba kuli umwe zambi hanji kuli umwe mutu ha shimbu lia makumi atatu a matangwa, shina kuli yenu mwanangana, amunyase mu wina wa ndumba.

Mika 7:7

Alioze ha kutwala kuli yami, mungutala kuli Yehova; mungutwaminyina Zambi ya ulamwino wami; Zambi yami mangwivwa.

Kwalula 20:16

Muze twatetele kuli Yehova, iye yevwa liji lietu, yatuma mungelo, yatuchiza ku Engitu; kumanyi ku Kandeshe tuli, ku limbo liatwama ku songo lia njiza je.

Mateu 27:46

Alioze ngwe ha ola yamuchilivwa Yesu wakololokele ni liji linene ngwenyi, Eli, Eli, lama sambatani? Acho chinalumbunuka ngwo, Zambi yami, Zambi yami, kuchi te wangwehuka?

Yilinga 12:11

Muze te Petulu halaula pundu, wambile ngwenyi, Haliapwila, ngunanyingika chamwenemwene Mwene hatuma mungelo wenyi mba hangupulula ku kwoko lia Heronde ni ku kulawoka cheswe cha atu ja A-Yunda.

Yilinga 24:16

Ha chikuma chino yami nawa nakulifumba, hanga ngukapwe ni mbunge yize kuyishi chitalingiso kumeso ja Zambi ni atu.

Yilinga 27:23

Mumu kamananga ku lumbu liami ufuku uno, mungelo wa Zambi, yoze wangupita, yoze nawa nakumulingila,

2 Korintu 1:12

Mumu kulisamba chetu chino ngwetu, Shindakenyo ya mbunge jetu, ngwe ni usandu ni kutuwika cha mbunge kumeso ja Zambi, hi ni mana ja musunya ko alioze ni vumbi lia Zambi, hitunende hano hashi, ni kuhiana kuli yenu.

2 Timoteu 4:17

Alioze Mwene wamanyine hamwe ni yami, iye wanguhele tachi; hanga ku kanwa liami akambujole liakulu sango lipema; hanga akwa mavungu eswe akevwe; angupulwile ku kanwa lia ndumba.

Hebreu 1:14

O eswe te hi maspiritu a kuvumbika ko, a kutumiwa mukuvumbika, mumu hali waze makahinga ulamwino, nyi?

Hebreu 11:33

waze ku Ufulielo akanganyine mawanangana, alingile ululi, azukile yilakenyo, ajikile makanwa ja ndumba,

1 Samuel 17:37

David yamba nawa ngwenyi, Yehova yoze wangupulwile ku tachi ja ndumba ni ku tachi ja ursu mangupulula nawa ku tachi ja yono Ka-Filistea. Saulu yamba kuli David ngwenyi, Yako. Yehova mapwa hamwe ni yena.

1 Samuel 26:18

Iye yamba ngwenyi, Mwene wami, kuchi te nwakunguhanga yami nguli kavumbi kenu? Yika nalinga? Uhie uka nguli nawo?