Daniel 6:20 - MUKANDA USANDU WA ZAMBI 1975

²⁰ Ha kukundama ku wina muze mwatwama Daniel, yatambika ni liji lia kupinda kuli Daniel ngwenyi, Daniel, kavumbi ka Zambi ya mwono, Zambi ye yoze wakumuvumbika matangwa eswe hahasa kukupulula kuli ndumba?

Mukanda Wa Zambi 1970

²⁰ Muze haheta ko, yatambika ni kunenganyana ngwenyi: “Daniel, kavumbi ka Zambi ya mwono! Zambi yoze wakulingila matangwa eswe ni mbunge yimuwika hakulamwina kama kuli tambwe, nyi?”

Daniel 6:20 Iomraidhean Croise

Ubutukilo 18:14

Chuma chimwe muchipwa chikomokeso kuli Yehova nyi? Ha kangonde wa kutesa kumungwiza nawa kuli yena muze mwaka hiwaheta mba Sara makasema mwana.

1 Sango Ja Mianangana 16:11

Fupenu Yehova ni tachi jenyi. Fupenu meso jenyi matangwa eswe.

Miaso (Masamu) 119:112

Hingunase mbunge yami kumanununa yiyulo ye ku miaka ya mutolo, ndusu ndo ku songo. Sameke

Miaso (Masamu) 146:2

Shimbu nguli ni mwono munguhalisa Yehova. Shimbu nguchiliho mungwimba uhaliso kuli Zambi yami.

Miaso (Masamu) 73:23

Chipwe chocho nguli hamwe ni yena matangwa eswe, wakukwata kwoko liami lia chindume.

Jeremia 32:17

Mwene Yehova! Yena watangile malilu ni hashi ni ndundo je jinene ni kwoko lie lia kuzoza. Nichimwe chuma muchikukalila naye.

Daniel 3:15

Nyi numutá, muze munwivwa liji Iia chitavwi, ni lundembo, ni kalialia, ni chisaji cha kusa, ni ngaita, ni milali yeswe ya yisaji, nukafulamane nukawayile kaponya yono hinalinga, chipema. Alioze nyi kunusolo kuwayila, manunyasa haliapwila mu lutengo wa kahia ka kulengenya, mba mwe zambi yoze mahasa kunulamwina ku moko jami iya?

Daniel 3:17

Nyi chapwa chocho, Zambi yetu yoze twakulingila mahasa kutupulula ku lutengo wa kahia ka kulengenya, mba kumakatupulula ku kwoko lia yenu mwanangana nawa.

Daniel 6:16

Kashika mwanangana yahana liji, yaneha Daniel, yamunyasa mu wina wa ndumba. Mwanangana yamba kuli Daniel ngwenyi, Zambi ye akufunge, yoze wakumuvumbika matangwa eswe.

Daniel 6:19

Ha kuvumbuka cha tangwa, mwanangana yakatuka, yaya kapupushi ku wina wa ndumba.

Daniel 6:26

Ngunase shimbi ngwami, Mu yifuchi yeswe ya wanangana wami atu eswe akachikime ni woma kumeso ja Zambi ya Daniel, mumu iye Zambi ya mwono, katwama wa mutolo. Wanangana wenyi kechi kahasa kuwonwona; chiyulo chenyi kuchichi kasula.

Daniel 6:27

Kakupulula, kakulamwina, kakulinga yilayi ni yikomokeso mwilu ni hashi, yono mwene hanalamwina Daniel, ku tachi ja ndumba.

Hosea 12:6

Chocho yena, ku tachi ja Zambi ye, hiluka, lalaminya ku zango ni upatwilo wa kulita; mba matangwa eswe twaminyina Zambi ye.

Kwalula 11:23

Yehova yamba kuli Mose ngwenyi, Te kwoko lia Yehova hiliahiha nyi? Haliapwila munyingika shina mungumanununa liji liami, nyi shina ka.

Luka 1:37

Mumu ni Zambi nichimwe machisa kenu.

Luka 18:1

Iye wahanjikile nawa chishima kuli ayo, ngwe chaatamba kulemba matangwa eswe, kanda akalezumuka;

Yilinga 6:4

Alioze yetu mutunyongonona kulemba ni ku uvumbiko wa liji.

A-ROMA 2:7

mahana mwono wa mutolo kuli waze akunyongonona nikulinga yipema nikufupa uhenya, ni ulemu, ni ungunu;

2 Korintu 1:10

yoze watupulwile ku kufwa chipwa haha, ewa kumakapulula; hali iye hitunase kutalatala chetu ngwetu, Hindu kumakatupulula;

Kolosu 4:2

Nyongononenu ni kulemba, ni kulámo hamwe nikusakwila.

2 Timoteu 1:12

Ha chikuma chino nawa, nakwivwa lamba lia yino yuma; alioze chishi kwivwa sonyi; mumu ngunanyingika yoze hingunamufuliela; ngunakunuka ngwami, Kanahase kufunga chize hingunamukunjika ndo tangwa lize.

Hebreu 7:25

Kashika kanahase nawa kulamwina ndo ku songo, waze akukundama kuli Zambi mu jina lienyi, se matangwa eswe katwama ni mwono mukwahakwila.

Tiangu (Jake) 1:25

Alioze yoze matala kanawa mu shimbi yingunu ya utuswilo, mba manyongononamo, se iye kapwile mukwa kwivwa ni kuvulama, aiioze mukwa kulinga chitanga, yono kumakawaha ha kulinga chenyi.

Yuda 1:24

Haliapwila kuli yoze mahasa kunufunga hanga kunuchi kutalinga, ni kunumanyisa kulutwe lia uhenya wenyi ni kulikwiza kunushi kapalia.