Daniel 6:2 - MUKANDA USANDU WA ZAMBI 1975

² Helu lio hapwile akwa lutwe atatu hanga yilolo akakumbulule kuli ayo hanga yuma ya mwanangana yikende kanawa ni kutokesa chakuhi. Daniel wapwile hakachi ka wano atatu.

Mukanda Wa Zambi 1970

² Chikwo nawa, yatongola Daniel ni malunga aali akwo hanga abwe miata ja akwa kuyula, ni hanga atale yuma ya mwanangana.

Daniel 6:2 Iomraidhean Croise

Ezra 4:22

Nukanyame kanawa; kanda nuheha ni chuma chino kuchina hanji chipi muchiliwezela nikuhonesa mianangana.

Estere 7:4

Mumu hanatulanjisa, yami ni atu jami, akatukuwise, akatushihe, akaanongese. Nyi kachi atulanjishile tukapwe ndungo ja malunga ni a mapwo, kachi chahanjikile, chipwe mwe mukwa kole kahashile kukungulula kuli mwanangana kufulwa chino.

Yishima 26:6

Mweswe matuma lusango mu kwoko lia chihepuke kanalipatula molu jenyi; manwa upupilo.

Yishima 3:16

Yinyingi yapwa ngwe yoze uli ni mwono wunji mu kwoko lienyi lia chindume. Mu kwoko lienyi lia chimeso kali ni upite ni ulemu.

Daniel 5:16

Alioze hinevwa ngwo, Yena unahase kulumbununa ni kupatula yuma yikalu. Nyi muhasa kutanga je sona ni kungulweza ulumbunwiso wajo, mungukujika ni mazalo a ufungo, muzala lenge lia oru ha kota ye, muopwa mukwa kuyula wamuchitatu mu wanangana.

Daniel 5:29

Mba Beleshazare yatuma, yajika Daniel ni mazalo a Ufungo; yasa lenge lia oru ha kota yenyi; yatambika mutambi ha kutwala kuli iye, wa kumutongola mukwa kuyula wamuchitatu mu wanangana.

Daniel 5:7

Mwanangana yasanyika ni liji lia tachi anehe tahi, ni A-Kaletea, ni aprofeta. Mwanangana yamba kuli akwa mana a mu Babilonia ngwenyi, Mweswawo matanga sona jino ni kungulweza ulumbunwiso wajo, mungumujika ni mazalo a ufungo, mazala lenge lia oru ha kota yenyi, mapwa mukwa kuyula wamuchitatu mu wanangana.

Daniel 6:1

Chapemenene Dariu kusa ku chiyulo cha wanangana kulakaji lia yilolo ni makumi aali a yilolo akapwe kweswe ha wanangana.

Mateu 18:23

Kashika hanapwisa wanangana wa malilu ngwe umwe mwanangana yoze mazanga kulinga konta ni ndungo jenyi.

Luka 16:2

Iye wamutambikile, wambile kuli iye ngwenyi, Acho, chika ngunevu hali yena? Lumbununa uselo we, mumu kushi kuhasa kupwa kaselo nawa.

1 Korintu 4:2

Mba hali tuselo chatamba kwawana amwenemwene.

1 Samuel 2:30

Kashika Yehova Zambi ya Izalele kanambe ngwenyi, Chamwenemwene nambile ngwami, Munyachi we ni munyachi wa tatenu kumakenda kumeso jami ndo ku miaka ya mutolo. Alioze haliapwila Yehova kanambe ngwenyi, Chikapwe kusuku ni yami, mumu waze mangulemesa ni yami mungwalemesa, alioze waze mangulelesa kumakasauka.