Daniel 6:16 - MUKANDA USANDU WA ZAMBI 1975

¹⁶ Kashika mwanangana yahana liji, yaneha Daniel, yamunyasa mu wina wa ndumba. Mwanangana yamba kuli Daniel ngwenyi, Zambi ye akufunge, yoze wakumuvumbika matangwa eswe.

Mukanda Wa Zambi 1970

¹⁶ Mba mwanangana yahana Shimbi hanga akwate Daniel, yamwamba ngwenyi: “Zambi ye, yoze wakulingila ni mbunge yibema, akulamwine kama.” Hohene atu yaamumbila mu wina wa tambwe.

Daniel 6:16 Iomraidhean Croise

2 Samuel 3:39

Ni yami hinalela musono, chipwe nguli mwanangana wa kuwayisa ni maji. Wano malunga ana ja Zeluia angukalila naye. Yehova akafwetese mwe chingulungulu nikulita ni ungulungulu wenyi.

Jobe 5:19

Makupulula kasambano ku lamba, kashimbiali kechi kutayiza chipi kukukundama.

Yishima 29:25

Kuvwila woma atu muchineha kambwila; alioze mweswe mafuliela Yehova matwama kanawa.

Izaya 41:10

ngwami, Kanda wivwa woma, nguli hamwe ni yena, kanda ulishimwoka, nguli Zambi ye. Kumungukutakamisa, kumungukukwasa, kumungukuzundula ni kwoko liami lia chindume lia ululi.

Izaya 43:2

Ha kupalika mu meya mungukapwa hamwe ni yena, ndusu mu njiji, kujichi kakukumba. Ha kwenda mu kahia kuchi kawema; mulengi wako kuuchi kakulalisa.

Jeremia 26:14

Alioze ha kutwala kuli yami, mu moko jenu nguli. Lingenu cheswacho chanupemena.

Jeremia 38:5

Mwanangana Zedekia yamba ngwenyi, Mu moko jenu ali, mumu mwanangana kahashile kulinga nichimwe cha kulimika ni yenu.

Jeremia 38:6

Chocho yanda Jeremia, yamusa mu wina wa Malekia mwana wa mwanangana wa kuswekelamo meya, uze uli mu yize ya tulayi. Yasoselamo Jeremia ni mihipu. Kumwapwile meya mu wina, shina malowa wika, mba Jeremia yatwema mu malowa.

Jeremia 39:17

Alioze Yehova kanambe ngwenyi, Mungukupulula ha tangwa lize; kechi kakukunjika kuli malunga waze wakwavwila woma.

Daniel 3:15

Nyi numutá, muze munwivwa liji Iia chitavwi, ni lundembo, ni kalialia, ni chisaji cha kusa, ni ngaita, ni milali yeswe ya yisaji, nukafulamane nukawayile kaponya yono hinalinga, chipema. Alioze nyi kunusolo kuwayila, manunyasa haliapwila mu lutengo wa kahia ka kulengenya, mba mwe zambi yoze mahasa kunulamwina ku moko jami iya?

Daniel 3:17

Nyi chapwa chocho, Zambi yetu yoze twakulingila mahasa kutupulula ku lutengo wa kahia ka kulengenya, mba kumakatupulula ku kwoko lia yenu mwanangana nawa.

Daniel 3:28

Nabukanezore yamba ngwenyi, Zambi ya Shadrake, ni Meshake, ni Abedenego afumane, yoze hatuma mungelo wenyi, hapulula tuvumbi twenyi akwa kujikijila hali iye, waze alelesele shimbi ya mwanangana nikwecha mijimba yo, mumu kasolo kulingila umwe zambi shina Zambi yo, chipwe kumuwayila.

Daniel 6:20

Ha kukundama ku wina muze mwatwama Daniel, yatambika ni liji lia kupinda kuli Daniel ngwenyi, Daniel, kavumbi ka Zambi ya mwono, Zambi ye yoze wakumuvumbika matangwa eswe hahasa kukupulula kuli ndumba?

Daniel 6:7

Akwa lutwe eswe a mu wanangana, ni tupitau, ni yilolo, ni tuliamanga, ni anguvulu, hitwanyonga hamuwika ngwetu, Chatamba yenu mwanangana kusa shimbi ni kukolesa koki ya kwamba ngwenu, Mweswe malemba kuli umwe zambi hanji kuli umwe mutu ha shimbu lia makumi atatu a matangwa, shina kuli yenu mwanangana, amunyase mu wina wa ndumba.

Yilinga 24:27

Alioze muze miaka yiali yamanunukine, Porshiu Fesetu wasalakanyine Fwelishia; ni Fwelishia nikuzanga kuwahisa A-Yunda, wahichikile Paulu wa kukasa.

Yilinga 25:11

Kachi ngunakalinga chipi chimwe, kachi ngunakavulumuna chuma chimwe cha kutela kufwa, kachi chichi kuchina kufwa; alioze kachi kuchishiko nichimwe cha ku yuma yize anangusumu, niumwe mahasa kungwecha kuli ayo; ngunalikunjika kuli Sesare.

Yilinga 25:9

Alioze Fesetu, nikuzanga kuwahisa A-Yunda, wakumbulwile kuli Paulu ngwenyi, Mukakanduka ku Yerusaleme akakupatwileko kumeso jami ha yino yuma, nyi?

A-ROMA 13:3

Mumu akwa kuyula keshi kwavwila woma ha kulinga yitanga yipema, alioze ha kulinga yipi. Mba unazange kupwa kushi woma kuli mukwa kuyula, nyi? Linga yipema, mba mukapwa ni uhaliso kuli iye.

2 Korintu 1:10

yoze watupulwile ku kufwa chipwa haha, ewa kumakapulula; hali iye hitunase kutalatala chetu ngwetu, Hindu kumakatupulula;