Daniel 6:10 - MUKANDA USANDU WA ZAMBI 1975

¹⁰ Daniel muze hanyingika ngwenyi, Hasa jina ku mukanda uze, yaya ku zuwo lienyi kuze te kali ni njanela mu chipatulo cha mwilu ya washi ya kutalikisa ku Yerusaleme. Yazondama ha makungunwa jenyi ni kulemba ni kusakwila kuli Zambi yenyi katatu ha tangwa chizechene ngwe wapwile nikulinga kulu.

Mukanda Wa Zambi 1970

¹⁰ Muze Daniel hevwa ngwo, mwanangana hasoneka jina lienyi mu mukanda wa Shimbi, yaya ku mahienyi. Mu chibatulo cha zuwo lienyi cha kwilu yimubwa tupenda waze te atala ku Yerusaleme. Kwenako asele makungunwa hashi ni kulemba Mwene Zambi yisuho yitatu tangwa ha tangwa, nikulita ni ndako yenyi.

Daniel 6:10 Iomraidhean Croise

1 Yitanga Ya Mianangana 8:30

Panjika ku kuliumba cha kavumbi ke ni ku kuliumba cha atu je A-Izalele muze matemba nikutalikisa kuno. Panjika muze mwilu watwama, ni ha kupanjika, utokonekene kama.

1 Yitanga Ya Mianangana 8:38

mba kulemba cheswacho cha mutu umwe, hanji cha atu je eswe A-Izalele, mutu mweswe ha kunyingika chilungo chenyi, ni chinyengo chenyi, te cheswacho makumba, nikuzoza moko jenyi ku zuwo lino,

1 Yitanga Ya Mianangana 8:44

Nyi kachi atu je maya ku jita ni akwa kole jo, jila yeswayo mukaatuma, no malemba kuli Yehova nikutalikisa ku limbo lino hiwatongola ni ku zuwo hinatunga ha jina lie,

1 Yitanga Ya Mianangana 8:54

Mba muze Solomone hamana kulemba yuma yino yeswe ni kuliumba kuli Yehova, yakatuka kulutwe Ha chilumbilo cha Yehova kuze te haliumbila ha makungunwa jenyi ni moko jenyi a kuzoza kwilu.

2 Sango Ja Mianangana 6:13

(Mumu Solomone te hatunga ndondelo ya unengu, kusuha chayo mbandu jitano, kutoha chayo mbandu jitano, Chizundamo chayo mbandu jitatu; hayisa muchima lia yize. Yamanaho, mba yaliumba ha makungunwa jenyi kumeso ja chikungulwila cheswe cha A-Izalele, nikuzoza moko jenyi kwilu.)

2 Sango Ja Mianangana 6:38

nyi mahiluka kuli yena ni mbunge jo jeswe, ni mwono wo weswe, mu chifuchi cha ufunge wo kuze haatwala funge, akalembe nikutalikisa ku chifuchi cho chize wahanyine kuli tulamba two, ni ku limbo lize hiwatongola, ni ku zuwo lino hinatunga ha jina lie,

Ezra 9:5

Ha ola ya mulambu wa ngoloshi nakatukile ku kulilelesa chami, ni chikuto ni hina ya kusonya. Nazondamine ha makungunwa jami nikwolola moko jami kuli Yehova Zambi yami.

Nehemia 6:11

Yingwamba ngwami, Te nguli mutu wa kuchina? Mutu wapwa ngwe yami machinyina mu tembele kulamwina mwono wenyi, iya jina lienyi? Chichi kunjilamo.

Miaso (Masamu) 34:1

Mungufumanyisa Yehova ha miaka yeswe; uhaliso wenyi muutwama mu kanwa liami tangwa ha tangwa.

Miaso (Masamu) 5:7

Alioze yami, mu kulumbama cha utu wa zango lie mungunjila mu zuwo lie, mba ni woma wa yena munguwayila nikutalikisa ku tembele ye yisandu.

Miaso (Masamu) 55:17

Ha chingoloshi, ni ha chimene, ni ha mwalwa mungulinyenga ni mikuma, mba iye mevwa liji liami.

Miaso (Masamu) 86:3

Mwene, nguvwile vumbi mumu kuli yena nakuteta tangwa lieswe nganganga.

Miaso (Masamu) 95:6

Tatuyenu tukawayile nikulihetamisa. Tukafukame kumeso ja Yehova Tangi yetu.

Daniel 6:13

O yamba kumeso ja mwanangana ngwo, Auze Daniel wa kuli njize a ku Yunda kanupanjikile, chipwe enu mwanangana, chipwe shimbi yize ya koki nwasonekene jina, alioze kakulemba katatu ha tangwa.

Daniel 9:4

Nalembele kuli Yehova Zambi yami ni kushikisa ngwami, Mwene, mwe Zambi munene kole ni woma; yena kuwakufunga usendo ni utu wa zango kuli waze akukuzanga ni kufunga shimbi je,

Yona 2:4

Yingwamba ngwami, Hangumbila kumeso je; hindu mungutala nawa ku tembele ye yisandu.

Marku 3:3

Iye yamba kuli mutu yoze wapwile ni kwoko lia kusosewa ngwenyi, Katuka, umane mukachi.

Luka 14:26

Kachi mutu meza kuli yami, keshi kuvwila kole tato, ni naye, ni mukwo-pwo, ni anenyi, ni ayayo, ni ana-akwo, ni mandumbu jenyi, ewa, ni mwono wenyi mwene nawa, kahashile kupwa kambaji kami.

Luka 22:41

Iye wasosolokele kuli ayo chipinji ngwe kukonga cha liwe; iye waliumbile ha makungunwa nikulemba ngwenyi,

Yilinga 10:9

Muze hikwacha shimbu wano apwile mu jila, machikundama ku limbo, Petulu wakandukile helu lia zuwo mukulemba, ngwe ha ola amuchisambano:

Yilinga 2:15

Mumu wano kazengeweleko, ngwe yenu nunashinginyeka; mumu hapwa ola yamuchitatu lume ya mwalwa;

Yilinga 20:24

Alioze chishi kunyonga mwono wami ngwe chuma chilemu kuli yami mwene, hanga ngukamanunune jila yami ni uwahililo, ni uvumbiko uze natambwile kuli Mwene Yesu, kushindakenya chikolo sango lipema lia vumbi lia Zambi.

Yilinga 20:36

Muze te hamba yino yuma, waliumbile makungunwa, walembele hamwe no eswe.

Yilinga 21:5

Alioze muze te hitwatwama matangwa, twakatukile, twayile mu wenyi wetu; o eswe ni akwo-mapwo ni ana, atushinjikilile ndo haze lia limbo, mba nikuliumba makungunwa ha ngenge ya kalunga twalembele, twalishikile umwe ni mukwo ni mukwo;

Yilinga 3:1

Achi, Petulu ni Yoano akandukile hamuwika ku tembele ha ola ya kulemba, ye ola yamuchilivwa.

Yilinga 4:29

Haliapwila, Mwene, tala kama kwomisa cho: hana kama kuli ndungo je akahanjike liji lie ni hamu lieswe,

Yilinga 5:20

Yénu, nukamane mu tembele, nukahanjike kuli atu maliji eswe a mwono uno.

Yilinga 5:29

Alioze Petulu ni apostolo aakumbulwile, ngwo, Chatutamba kwononoka kuli Zambi, hi kuli atu ko.

Yilinga 7:60

Mba waliumbile makungunwa, wakololokele ni liji linene ngwenyi, Mwene, kanda uatwika mulonga uno. Muze te hamba chino wayile tulo.

Yilinga 9:40

Alioze Petulu Watuhwishile eswe, waliumbile makungunwa jenyi, walembele; iye, nikutewulukila ku mujimba, wambile ngwenyi, Tavwita, hinduka. Iye walawile meso, ni muze amwene Petulu Watwamine.

Efesu 3:14

Ha chikuma chino nakuumba makungunwa jami kuli Tato ya Mwene wetu Yesu Kristu,

Filipu 1:14

Ni anji ahiana a kuli mandumbu nikulikolela kuli Mwene ha makana jami, kanahiana kuhamuka mukuhanjika liji lia Zambi ni woma wakuhi.

Filipu 1:20

Nikulita ni usona wami, ni kutalatala chami, ngwami, Ku nichimwe chichi kevwa sonyi, alioze ni hamu lieswe, chizechene ngwe matangwa eswe, haliapwila nawa Kristu mamutomesa mu mujimba wami, chipwe ku mwono, chipwe ku kufwa.

Filipu 4:6

Kanda nukalipikala ha nichimwe; alioze ha yuma yeswe ku kulemba ni kuliumba hamwe ni kusakwila, kwita chenu akachinyingike kuli Zambi.

Kolosu 3:17

Cheswacho munulinga, chipwe ha liji, chipwe ha chitanga, lingenu yuma yeswe mu jina lia Mwene Yesu, muli iye Sakwilenu kuli Zambi kanda mwe Tata.

Hebreu 13:15

Kuli iye kashika tulambulenu chitapo cha uhaliso kuli Zambi matangwa eswe, chenacho mihuko ya mivumbo yetu yize yakwalakana jina lienyi.

Hebreu 4:16

Tukundamenu kashika ni hamu ku ngunja ya vumbi, hanga tukatambule keke, tukawane vumbi lia kutukwasa ha mwaka wa chikala.

Usolwelo 2:10

Kanda ukevwa woma wa yuma yize munuyivwila lamba: Ndiapu mambila amwe a kuli yenu mu zuwo lia ususu, hanga akanweseke, mba munukapwa ni luyinda kumi lia matangwa. Pwako mukwa jika ndo ku kufwa, mba mungukakwaha chipangula cha mwono.

Usolwelo 2:13

Ngunanyingika kuze yena watwama, kuze ngunja ya Satana yili; ni yena wakulalaminya ku jina liami, kwalikalile Ufulielo wami, chipwe ha matangwa ja Andipa, chela chami wa jika, yoze amushihile hakachi kenu, kuze atwama Satana.