Daniel 5:8 - MUKANDA USANDU WA ZAMBI 1975

⁸ Akwa mana eswe a mwanangana anjilile, alioze kahashile kutanga je sona, hanji kulweza kuli mwanangana ulumbunwiso wajo.

Mukanda Wa Zambi 1970

⁸ Akwa kuyula ja mwanangana yaakundama, alioze niumwe wahashile kutanga che Chisoneko ni kulweza mwanangana ulumbunwiso wacho.

Daniel 5:8 Iomraidhean Croise

Ubutukilo 41:8

Mu kwacha chimene mbunge yenyi yiyilipikala, yatuma kusanyika yimbanda eswe a mu Engitu, ni akwa mana eswe. Falau yaalweza chilota chenyi alioze niumwe kahashile kumulumbunwinacho wakuhi.

Izaya 47:9

Yino yuma yiali muyiza kuli yena susumuku, ha tangwa limuwika; ngwami, kufwisa ana ni utwamishi muyikushata liakulu; chipwe uli ni umbanda unene, ni tachi jinji ja wanga we.

Jeremia 50:35

Yehova kanambe ngwenyi, Eze katana hali A-Kaletea, ni hali waze atwama mu Babilonia, ni hali alemu jenyi, ni akwa mana jenyi!

Daniel 2:27

Daniel yakumbulula kuli mwanangana ngwenyi, Niamwe akwa mana, hanji tahi, hanji yimbanda, hanji aprofeta mahasa kulweza kuli mwanangana chuma chino hanechi.

Daniel 4:18

Chilota chino yami mwanangana Nabukanezore namwene. Kashika yena Belteshazare ungulumbunwinecho, mumu akwa mana eswe a mu wanangana wami kahashile kungulweza ulumbunwiso wacho. Alioze yena unahase mumu Spiritu ya mazambi asandu katwama muli yena.

Daniel 4:4

Yami Nabukanezore napwile mu zuwo liami kanawa lume; nawahililile ni milimo yami mu palasiu.

Daniel 4:7

Kashika yimbanda, ni tahi, ni A-Kaletea, ni aprofeta yeza; yingwalweza che chilota, alioze kahashile kungulumbunwinacho.

Daniel 5:15

Haliapwila haneha kumeso jami akwa mana, ni tahi, atange sona jino ni kungulweza ulumbunwiso wajo. Alioze kahashile kungulumbunwina chikuma chino.