Daniel 5:7 - MUKANDA USANDU WA ZAMBI 1975

⁷ Mwanangana yasanyika ni liji lia tachi anehe tahi, ni A-Kaletea, ni aprofeta. Mwanangana yamba kuli akwa mana a mu Babilonia ngwenyi, Mweswawo matanga sona jino ni kungulweza ulumbunwiso wajo, mungumujika ni mazalo a ufungo, mazala lenge lia oru ha kota yenyi, mapwa mukwa kuyula wamuchitatu mu wanangana.

Mukanda Wa Zambi 1970

⁷ Hohene mwe mwanangana yakololoka ngwenyi: “Sakenu akwa yipupu ni tahi.” Muze akwa mana waze heeza, yaalweza ngwenyi: “Yoze mahasa kutanga Chisoneko chino ni kungulumbunwina cho, mungumujika mahina a ufungo a wanangana, ni lubambu mulemu wa oru mu kota yenyi. Neye mabwa mu muhela wa muchitatu mu wanangana wami.”

Daniel 5:7 Iomraidhean Croise

Ubutukilo 41:8

Mu kwacha chimene mbunge yenyi yiyilipikala, yatuma kusanyika yimbanda eswe a mu Engitu, ni akwa mana eswe. Falau yaalweza chilota chenyi alioze niumwe kahashile kumulumbunwinacho wakuhi.

Estere 3:1

Kulutwe lia yino yuma mwanangana Ahashueru yalemesa Hamane mwana Ka-Agage Hamedata. Yamusenyesa kulutwe; yasa chitwamo chenyi helu lia alemu eswe aze apwile no.

Kutuhuka 7:11

Hohene Falau yatambika akwa mana, ni akwa tufutafuta, ni e yimbanda a mu Engitu, no nawa yalinga chizechene ni umbanda wo.

Yishima 1:9

mumu kumuyikapwa chipangula cha vumbi cha ha mutwe we ni malenge a uhenya a ha kota ye.

Mwaso Ubema Wahiana 1:10

Kumeso je kunapeme ni yuma ya uhenya, kota ye yinapeme ni kakanga.

Izaya 47:13

Jakuhwa ni yiyulo ye yinji; alimanyine akulamwine, waze akwa kufunjika malilu, akwa kutala matongonoshi, waze ha kumona kakweji mwaha kakukulweza yize muyiza kukuwana.

Jeremia 50:35

Yehova kanambe ngwenyi, Eze katana hali A-Kaletea, ni hali waze atwama mu Babilonia, ni hali alemu jenyi, ni akwa mana jenyi!

Ezekiel 16:11

Yingukusa yuma ya uhenya, yingusa makayi ha moko je, ni kalenge ha kota.

Daniel 1:20

Mu yikuma yeswe ya mana ni chinyingi mwanangana waahulile, yaawana hahiana kumi lia yisuho yimbanda eswe ni tahi eswe mu wanangana wenyi weswe.

Daniel 1:4

akweze keshi kapalia, apema chikolo, ni akwa kujama ni mana eswe, ni yinyingi, akwa kulongoloka, waze mahasa kuvumbika mu zuwo lia mwanangana, akaalongese je sona ni limi lia A-Kaletea.

Daniel 2:2

Henaho mwanangana yatuma kusanyika yimbanda, ni tahi, ni akwa tufutafuta, ni A-Kaletea akalumbunune kuli mwanangana yilota yenyi. O yeza, yamana kumeso ja mwanangana.

Daniel 2:27

Daniel yakumbulula kuli mwanangana ngwenyi, Niamwe akwa mana, hanji tahi, hanji yimbanda, hanji aprofeta mahasa kulweza kuli mwanangana chuma chino hanechi.

Daniel 2:48

Mba mwanangana yahana kuli Daniel ulemu unene ni yawana yinji yinene. Yamupwisa mukwa kuyula provincia yeswe ya Babilonia, ni mukwa lutwe hakachi ka akwa mana ja Babilonia.

Daniel 2:6

Alioze nyi munulweza chilota ni ulumbunwiso wacho mungunwaha yawana, ni kwononona, ni ulemu wunji. Kashika ngulwezenu chilota ni ulumbunwiso wacho.

Daniel 4:14

Yatambika mutambi ngwenyi, Pakulenu mutondo; sembenu mitango yawo; hululenu mafwo jawo; mwangenu mihuko yawo; tushitu amwangane mushi liawo; ni tujila amwangane ku mitango yawo.

Daniel 5:11

Mwali mu wanangana we umwe lunga kali ni Spiritu ya mazambi asandu. Ha matangwa a tatenu, pangu, ni yinyingi, ni mana awanyine muli iye, ngwe mana a mazambi. Tatenu mwanangana Nabukanezore wamupwishile mukwa lutwe hakachi ka yimbanda, ni tahi, ni A-Kaletea, ni aprofeta,

Daniel 5:15

Haliapwila haneha kumeso jami akwa mana, ni tahi, atange sona jino ni kungulweza ulumbunwiso wajo. Alioze kahashile kungulumbunwina chikuma chino.

Daniel 5:16

Alioze hinevwa ngwo, Yena unahase kulumbununa ni kupatula yuma yikalu. Nyi muhasa kutanga je sona ni kungulweza ulumbunwiso wajo, mungukujika ni mazalo a ufungo, muzala lenge lia oru ha kota ye, muopwa mukwa kuyula wamuchitatu mu wanangana.

Daniel 5:29

Mba Beleshazare yatuma, yajika Daniel ni mazalo a Ufungo; yasa lenge lia oru ha kota yenyi; yatambika mutambi ha kutwala kuli iye, wa kumutongola mukwa kuyula wamuchitatu mu wanangana.

Kwalula 22:17

mumu kumungununangamisa ni ulemu wunji, cheswacho munwamba kuli yami kumungulinga; kashika tweyenu, mwane, nungushingile wano atu.

Kwalula 22:7

Ni makulwana a Moape ni makulwana a Mindiane yakatuka nikumbata mu moko jo mivi ya kutaha; yaheta kuli Mbalau, yamwambulwila maliji a Mbalake.

Kwalula 24:11

Kashika, haliapwila, yako, uchinyine ku mahienu. Nanyonga ngwami, Mungukunangamisa ni ulemu wunji, ahoze kumanyi, Yehova hakumina ulemu.

1 Samuel 17:25

A-Izalele yamba ngwo, Hiwamona yoze lunga hakanduka? Pundu hakanduka mukutomba A-Izalele. Mweswawo mamushiha, mwanangana mamwaha upite wunji, mamwaha mwanenyi wa pwo kumbata, matusula munyachi wa tato mu Izalele.