Daniel 5:6 - MUKANDA USANDU WA ZAMBI 1975

⁶ Ku meso ja mwanangana kwalumukine ngwe chitofwi; manyonga jenyi amuvwishile woma; molu jenyi apekumukine; makungunwa jenyi aliwakaminyine.

Mukanda Wa Zambi 1970

⁶ Yalumuka ku meso, yevwa woma unji, yalekumuka mu makungunwa jenyi.

Daniel 5:6 Iomraidhean Croise

Miaso (Masamu) 22:14

Hinatehuka ngwe meya. Yifwaha yami yeswe hiyasengunuka. Mbunge yami yapwa ngwe sela, hiyasangunuka muchima lia jimo liami.

Miaso (Masamu) 69:23

Layisa meso jo akapupute. Mitanda yo yikachikime matangwa eswe.

Izaya 35:3

Takamisenu moko a upekepeke, kolesenu makungunwa aze keshi tachi.

Izaya 5:27

niumwe kanevu yikatalo, niumwe kanatalinga, niumwe kananongwoka, hanji kuya tulo; niumwe muya wakokoloka, niumwe lusapo wa haku wapatuka.

Jeremia 50:43

Mwanangana wa Babilonia wevwile lufuma wo mba moko jenyi ahongele ni upekepeke. Kulifwita chamukwachile; yikola ngwe ya pwo ha kufumbajala.

Ezekiel 21:7

Muze makuhula ngwo, Kuchi te unatu mikuma? ena muwamba ngwe, Mumu ha lusango. Muze makeza, mbunge yeswe muyisangunuka ni moko eswe mahonga; Spiritu yeswe muyilezumuka ni makungunwa eswe mapwa a upekepeke ngwe meya. Nyingikenu, kuchineza, mba kumuchikamanunuka. Chocho kanambe Mwene Yehova.

Ezekiel 7:17

Moko eswe hahonga; makungunwa eswe hazeya ngwe meya.

Daniel 2:1

Ha mwaka wamuchiali wa kuyula cha Nabukanezore, mwe Nabukanezore watetele yilota; kashika Spiritu yenyi yilifwita, kahashile kuya tulo.

Daniel 3:19

Henaho Nabukanezore yafuluka ni ufwatulo, ni meso jenyi alumukine kulimika ni Shadrake, ni Meshake, ni Abedenego. Yatuma kuweza kahia yisuho shimbiali helu lia kahia ka matangwa akwo.

Daniel 4:19

Aho Daniel, jina lienyi likwo Belteshazare, yatatajala shimbu linene, ni manyonga jenyi yamuvwisa woma. Mwanangana yamba ngwenyi, Belteshazare, chilota chino ni ulumbunwiso wacho kanda chikuvwisa woma. Belteshazare yakumbulula ngwenyi, Mwene wami, chilota chino chikapwe kuli waze akunuvwila kole, ni ulumbunwiso wacho ukapwe kuli akwa kole jenu.

Daniel 4:5

Natetele chilota cha kungukolesa woma. Shimbu napombele ha muhela, manyonga ni usolwelo wa mutwe wami yangunehenene mwongo.

Daniel 5:5

Haze hene minwe ya kwoko lia mutu yiyisoloka nikusoneka ha ndambo ya kushingula ya ha yishimi ya palasiu ya mwanangana, hatalanganyi ni ndeya. Mwanangana kanamono shimbu kwoko mulisoneka.

Daniel 7:28

Kuno kwasula che chikuma, alioze ha kutwala kuli yami Daniel, manyonga jami anguvwishile woma wunji, ni ku meso jami kwalumukine, alioze nafungile chikuma mu mbunge yami.

Nahume 2:10

Cheswe cha hululu! Cha kwenyeka ni kulumbula! Mbunge jinalezumuka ni makungunwa kanachikima. Misongo yakwata ku miongo yeswe; meso eswe analumuka a woma.

Hebreu 12:12

Kashika ololenu moko aze a upekepeke, ni makungunwa a kukokoloka.