Daniel 5:5 - MUKANDA USANDU WA ZAMBI 1975

⁵ Haze hene minwe ya kwoko lia mutu yiyisoloka nikusoneka ha ndambo ya kushingula ya ha yishimi ya palasiu ya mwanangana, hatalanganyi ni ndeya. Mwanangana kanamono shimbu kwoko mulisoneka.

Mukanda Wa Zambi 1970

⁵ Susumuku yikusoloka kwoko lia mutu, yilibutuka kusoneka ku mbango ya zuwo lia mwanangana, kuze te kunatemukina ndeya kuhiana. Mwe mwanangana yamona kwoko lize te linasoneka.

Daniel 5:5 Iomraidhean Croise

Jobe 20:5

Mazazo ja yingulungulu kakuhiha; kuwahilila cha yitanganyanyi chapwa cha kashimbu kakehe wika?

Yishima 29:1

Yoze makwata pami ha kumukanjisa kanjikanji, mamwonwona susumuku ni ulamwino wakuhi.

Jeremia 50:43

Mwanangana wa Babilonia wevwile lufuma wo mba moko jenyi ahongele ni upekepeke. Kulifwita chamukwachile; yikola ngwe ya pwo ha kufumbajala.

Daniel 4:31

Shimbu te maliji achili mu kanwa lia mwanangana, kwejile liji lia mwilu ngwo, Mwanangana Nabukanezore! Kuli yena liji lino lineza ngwami, Wanangana hiwakukatuka,

Daniel 4:33

Haze hene liji lino liamanunukine hali Nabukanezore. Amuhumine hakachi ka atu; yalia mwambu ngwe ngombe; mujimba wenyi wawulile ni mume wa mwilu ndo kambu jenyi jasuhile ngwe mangona a pupa, ni yala yenyi ngwe yala ya kajila.

Daniel 5:15

Haliapwila haneha kumeso jami akwa mana, ni tahi, atange sona jino ni kungulweza ulumbunwiso wajo. Alioze kahashile kungulumbunwina chikuma chino.

Daniel 5:4

Yanwa vinyu ni kuhalisa mazambi a oru ni prata, ni unengu, ni utale, ni mutondo, ni mawe.

Daniel 5:6

Ku meso ja mwanangana kwalumukine ngwe chitofwi; manyonga jenyi amuvwishile woma; molu jenyi apekumukine; makungunwa jenyi aliwakaminyine.

Daniel 5:8

Akwa mana eswe a mwanangana anjilile, alioze kahashile kutanga je sona, hanji kulweza kuli mwanangana ulumbunwiso wajo.

Kolosu 2:14

se hanajimuna chisoneko cha shimbi ja kutuhisa, chize chalimikine ni yetu: iye hanachichiza lume, nikuchihachila ha kulusu.