Daniel 5:29 - MUKANDA USANDU WA ZAMBI 1975

²⁹ Mba Beleshazare yatuma, yajika Daniel ni mazalo a Ufungo; yasa lenge lia oru ha kota yenyi; yatambika mutambi ha kutwala kuli iye, wa kumutongola mukwa kuyula wamuchitatu mu wanangana.

Mukanda Wa Zambi 1970

²⁹ Ha shimbu lizeliene mwanangana Belshazare yahana Shimbi kuli tuvumbi twenyi hanga ajike Daniel mahina a ufungo a wanangana, ni lubambu mulemu wa oru mu kota yenyi. Yamusa mu muhela wa muchitatu wa wanangana wenyi.

Daniel 5:29 Iomraidhean Croise

Ubutukilo 41:42

Falau yachiza kazeya kenyi ka chijikilo ku kwoko lienyi, yamusa ha kwoko lia José. Yamujika ni uzalo wa hina lipema litoma. Yasa lenge lia oru ha kota yenyi.

Estere 10:3

Mumu mwe Ka-Yunda Mordekai wali hachile kuli mwanangana Ahashueru ni chiyulo, munene hakachi ka A-Yunda. Amutayijile hakachi ka usoko wenyi ha kufupa kuwahisa atu jenyi ni kuhanjika sambukila ku munyachi wenyi weswe.

Yishima 1:9

mumu kumuyikapwa chipangula cha vumbi cha ha mutwe we ni malenge a uhenya a ha kota ye.

Daniel 2:48

Mba mwanangana yahana kuli Daniel ulemu unene ni yawana yinji yinene. Yamupwisa mukwa kuyula provincia yeswe ya Babilonia, ni mukwa lutwe hakachi ka akwa mana ja Babilonia.

Daniel 5:16

Alioze hinevwa ngwo, Yena unahase kulumbununa ni kupatula yuma yikalu. Nyi muhasa kutanga je sona ni kungulweza ulumbunwiso wajo, mungukujika ni mazalo a ufungo, muzala lenge lia oru ha kota ye, muopwa mukwa kuyula wamuchitatu mu wanangana.

Daniel 5:7

Mwanangana yasanyika ni liji lia tachi anehe tahi, ni A-Kaletea, ni aprofeta. Mwanangana yamba kuli akwa mana a mu Babilonia ngwenyi, Mweswawo matanga sona jino ni kungulweza ulumbunwiso wajo, mungumujika ni mazalo a ufungo, mazala lenge lia oru ha kota yenyi, mapwa mukwa kuyula wamuchitatu mu wanangana.

Daniel 6:2

Helu lio hapwile akwa lutwe atatu hanga yilolo akakumbulule kuli ayo hanga yuma ya mwanangana yikende kanawa ni kutokesa chakuhi. Daniel wapwile hakachi ka wano atatu.