Daniel 5:23 - MUKANDA USANDU WA ZAMBI 1975

²³ alioze hinwalizundula kulimika ni Mwene wa mwilu. Yikwachilo ya mu zuwo lienyi hinwaneha kumeso jenu, ni yenu ni alemu jenu, ni mapwo jenu ni *akonkubina jenu hinwanwinamo vinyu. Hinwahalisa mazambi a prata, ni oru, ni unengu, ni utale, ni mutondo, ni mawe, aze keshi kumona, chipwe kwivwa, chipwe kunyingika; alioze Zambi yoze kali ni mwiku wenu, ni yoze kali ni chiyulo cha majila jenu eswe, kunwamulemesene.

Mukanda Wa Zambi 1970

²³ Yinulimika ni Mwene Zambi ya Mwilu muze nwanehene misenge ni yenga yize achijile mu zuwo lienyi ku Yerusaleme. Yenu, ni alemu jenu, ni miazovu jenu, ni mapwo akwo yinunwina mo, ni kufumanyisa mazambi jenu akulinga ni oru, ni prata, ni unengu, ni utale, ni mitondo, ni mawe, waze keeshi kuhasa kumona chibwe kubanjika, ni waze kaanyingikine nichimwe. Alioze kunwalemesene ko Zambi yoze wakunubatwila kubwa ni mwono hanji kufwa, ni yoze wakunuyula mu yuma yeswe yize nwakulinga.

Daniel 5:23 Iomraidhean Croise

Ubutukilo 14:19

Yawahisa Apalama ngwenyi, Zambi Chitunda, Mwenya malilu ni hashi akawahise Apalama,

Ubutukilo 2:7

Yehova Zambi yawumba mutu wa ku fufuta ya mavu, yahwima mu mazulu jenyi mwiku wa mwono mba mutu yapwa mukwa mwono.

1 MIANANGANA 14:10

Chamwenemwene hiwakumba Endome mba mbunge ye hiyalifuza. Ulichichimieke nacho, alioze twama ku mahienu. Kuchi te mukalisupa ukalilemeke ukalimbuke, ni yena ni A-Yunda hamuwika?

Jobe 12:10

Mu kwoko lienyi mwatwama mwono wa akwa mwono eswe, ni mwiku wa atu eswe.

Jobe 31:4

Te kamwene majila jami? Kalwile mashimbo jami eswe?

Miaso (Masamu) 104:29

Musweka meso je, o malipikala. Mwatambula mwiku wo, o kumafwa, kumahiluka ku fufuta.

Miaso (Masamu) 115:16

Malilu o malilu a Yehova, alioze hashi hakunjika kuli ana ja atu.

Miaso (Masamu) 139:3

Kuwakunyingikisa jila yami ni kupomba chami. Unalijilila ni majila jami eswe.

Miaso (Masamu) 146:4

Mwiku wenyi wamukatuka, mahilukila ku mavu jenyi. Tangwa lio liene manyonga jenyi majimuka.

Yishima 20:24

Kwenda cha mutu chinakatuka kuli Yehova; kashika kuchi mahasa kunyingika jila yenyi?

Izaya 13:11

Mungukafwetesa akwa hashi ha yipi yo, mungukafwetesa yingulungulu ha uhenge wo. Mungukasulisa kulengumuka cha akwa kulizata, mungukanunguna kulifuza cha yiswi.

Izaya 14:13

Yiwamba mu mbunge ye ngwe, Mungukanduka ku malilu; mungusa ngunja yami helu lia matongonoshi a Zambi; mungutwama ha mulundu wa chikungulwila kuze kanda ku Norte.

Izaya 2:12

Mumu Yehova-wa-Tujita kali ni tangwa lia kulimika ni akwa kulengumuka ni akwa kulizata eswe, kulimika ni akwa kulifuza eswe ni kwanunguna,

Izaya 33:10

Yehova kanambe ngwenyi, Haliapwila mungukatuka, mungulizundula, mangunangamisa.

Izaya 37:19

Hambila mazambi jo mu kahia, mumu o hi mazambi ko. O apwile a kutunga ni moko ja atu, a mitondo ni mawe, kashika haonwona.

Izaya 37:23

Yoze hiwachoka iya? Yoze hiwashililika iya? Hiwakalumioka nikutala chikandu meso je kulimika neya? Ngwami, Kulimika ni mwe Musandu wa Izalele.

Izaya 42:5

Zambi Yehova, Tangi wa malilu kanda mukwa kwazazulula, yoze wazazulwile hashi ni yize yeswe yakwizaho, yoze wakuhana mwiku kuli atu eswe aliho, kakuhana Spiritu kuli akwa kwendelaho eswe, aye kanambe ngwenyi,

Jeremia 10:23

Yehova, ngunanyingika jila ya mutu kuyapwile ya kuli iye mwene; kuchatwamine muli mukwa kwenda kusongwela mashimbo jenyi.

Jeremia 48:26

Muzengewese mumu walifujile kulimika ni Yehova, kashika Moape makalifwita mu yisaza yenyi, mba iye nawa mamuyunga.

Jeremia 50:28

Halakanenu! Kanachina akombokele ku chifuchi cha Babilonia akambulule mu Zaione kukala cha Yehova Zambi yetu, ha kukala chize alingile ku tembele yenyi.

Jeremia 50:29

Sanyikenu ngashi alimike ni Babilonia, waze eswe akunana uta. Muselekenu, niumwe kanda omboka. Mufwetesenu nikulita ni yitanga yenyi; lingenu kuli iye chize iye halinga; mumu hahamwisa Yehova, mwe Musandu wa Izalele.

Ezekiel 28:17

Mbunge ye yalifujile mumu ha upeme we; wapihishile mana je mumu ha uhenya we. Nakunyashine hashi; nakufukwile kumeso ja mianangana akakuhulikile meso jo.

Ezekiel 28:2

Mwana mutu, amba kuli mukwa kuyula Teru ngwe, Mwene Yehova kanambe ngwenyi, Mumu mbunge ye yinulengumuka hiwamba ngwe, Nguli umwe Zambi, ngunatwama ha chitwamo cha mazambi hakachi ka kalunga-lwiji; hindu uli mutu tuhu, hi uli zambi ko— chipwe unalimono ngwe mana je a umwe zambi.

Ezekiel 28:5

Ku mana je anji a kusepa hiwokesa upite we, mba mbunge ye yinalengumuka ni upite we—

Ezekiel 31:10

Kashika Mwene Yehova kanambe ngwenyi, Se watunjile kwilu nikusa songo liawo mu malelwa, ni kulengumuka mu mbunge mumu ha Chizundamo chawo,

Daniel 11:12

Muze hakwata che chihuji, mbunge yenyi muyikazunduka, mba makanunguna makumi a tununu, hindu kechi kakumba.

Daniel 4:37

Kashika yami Nabukanezore ngunahalisa Mwanangana wa mwilu, ni kumwalakana, ni kumulemesa; mumu yitanga yenyi yinalulama, ni ndako jenyi jinalite; kanahase kukehesa waze eswe akwenda nikulilengela.

Daniel 8:11

Yalitohesa chipwe ndo kuli Mukwa-Kuyula ye mbunga. Yamuchiza mulambu wa kulumba wa matangwa eswe, wapuzwile zuwo lienyi lisandu.

Habakuke 2:4

Mbunge yenyi yinalifuzu; kuyalulamine muli iye. Alioze mukwa ululi kumenda ku Ufulielo wenyi.

Yilinga 17:25

chipwe keshi kumulingila ni moko ja atu ngwe anahono chuma chimwe, se iye mwene kakuhana kuli eswe mwono, ni mwiku, ni yuma yeswe;

1 Korintu 8:4

Kashika ha kutwala ku kulia cha yuma yize hanayitambula yitapo ku mahamba, tunanyingika hamba hi chimwe ko hano hashi, ni Zambi mukwo wakuhi niumwe, shina umuwika.

1 Timoteu 3:6

hi yoze ko hafuliela shimbu likepe, kuchina ha kulifuza malimbuka mu uhie wa Ndiapu.

Hebreu 4:13

Ni chuma chize kuchishi kumoneka kuli iye chakuhi nichimwe; aiioze yuma yeswe yapwa ya uselesele, ya kufukuka kumeso ja yoze mutukamulumbunwina yuma yeswe.

Usolwelo 9:20

Mba masalila ja atu aze kaashihile ni lamba lino, kalikonyekeneko ha yitanga ya moko jo, hanga kechi kawayila andemoniu, ni mahamba ja oru, ni ja prata, ni ja kengelia, ni ja mawe, ni ja mitondo; waze kahashileko chipwe kumona, chipwe kwivwa, chipwe kwenda:

Akwa Kuyula 16:23

Mba miata ja A-Filistea akungulukile mukulambula chitapo chinene kuli zambi yo Ndagone nikuwahilila, mumu ambile ngwo, Zambi yetu hanakunjika mukwa kole yetu Samasone mu moko jetu.

1 Samuel 17:26

David yamba kuli malunga aze amujingilikile ngwenyi, Yika malinga kuli lunga yoze mashiha yono Ka-Filistea nikuchiza luchoko yono kuli A-Izalele? Mumu yono chilima cha Ka-Filistea kuchi apwa akahase kutomba chizavu cha tujita twa Zambi ya mwono.

1 Samuel 17:36

Yami kavumbi kenu nashihile ndumba ni ursu, eswe aali, mba yono chilima cha Ka-Filistea mapwa ngwe umwe hakachi ko se hatomba chizavu cha tujita twa Zambi ya mwono.