Daniel 5:2 - MUKANDA USANDU WA ZAMBI 1975

² Ha kunwa ye vinyu Beleshazare yatuma kuneha yikwachilo ya oru ni prata, yize tato Nabukanezore hachiza ku tembele mu Yerusaleme hanga mwanangana ni alemu jenyi, ni mapwo jenyi, ni *akonkubina jenyi, anwinemo.

Mukanda Wa Zambi 1970

² Muze te ananu, mwe Belshazare yahana Shimbi ande misenge ya oru ni prata ni yenga yize tato Nebukanezore anjile mu zuwo lia Zambi mu Yerusaleme. Mwe mwanangana yahana Shimbi yino hanga anwine mo iye mwene ni e alemu jenyi, ni mwata mwali, ni mapwo jenyi akwo.

Daniel 5:2 Iomraidhean Croise

2 Samuel 9:7

David yamba kuli iye ngwenyi, Kanda wivwa woma, mumu pundu mungukulinga vumbi mumu hali tatenu Jonatas. Mungukwaha minda yeswe ya kakenu Saulu. Kumuolia ku mesa yami matangwa eswe.

1 MIANANGANA 24:13

Mba yachizako upite weswe wa zuwo lia Yehova, ni wa zuwo lia mwanangana. Yateta yipinji yikwachilo yeswe ya oru yize Solomone mwanangana wa Izalele walingile mu tembele ya Yehova, nikulita ni liji lia Yehova.

1 MIANANGANA 25:15

Ni yikombelo, ni mbasia, ni yeswe yapwile ya oru, ni yeswe yapwile ya prata, kapitau ka tulayi yayimbata.

2 Sango Ja Mianangana 11:20

Kulutwe lienyi yambata Maka mwana Absalome. Yasema nenyi Abija, ni Atai, ni Ziza, ni Shelomite.

2 Sango Ja Mianangana 15:16

Ni Maka nawa, naye ya mwanangana Asa, yamuchiza ku wanangana mumu ha kulinga kaponya wa lwaji wa Ashera Kashika Asa yateta kaponya kenyi ni kumufwenyona fufuta ni kumwocha ku chitwetwe Kendrone.

2 Sango Ja Mianangana 36:10

Ha kwalumuka cha mwaka mwanangana Nabukanezore yatuma, yamutwala ku Babilonia, hamuwika ni yikwachilo yipema ya zuwo lia Yehova. Yapwisa yayo Zedekia mwanangana wa Yunda ni Yerusaleme.

2 Sango Ja Mianangana 36:18

Ni yikwachilo yeswe ya mu zuwo lia Zambi, yinene ni yikepe, ni upite wa mu zuwo lia Yehova, ni upite wa mwanangana ni alemu jenyi—ayo yeswe yayimbata ku Babilonia.

Ezra 5:14

Chikwo nawa yikwachilo ya oru ni prata ya mu zuwo lia Zambi, yize te Nabukanezore hachiza mu tembele mu Yerusaleme nikuyitwala ku tembele mu Babilonia, Siru wayichijile mu tembele ya Babilonia wayikunjikile kuli umwe jina lienyi Sheshabazare nikumupwisa mukwa kuyula.

Jeremia 27:7

Mavungu eswe mamulingila, ni mwanenyi, ni mujikulu wenyi ndo mwaka wa chifuchi chenyi hiwaheta, mba mavungu anji ni mianangana anene mamupwisa kapinji ko.

Jeremia 50:35

Yehova kanambe ngwenyi, Eze katana hali A-Kaletea, ni hali waze atwama mu Babilonia, ni hali alemu jenyi, ni akwa mana jenyi!

Jeremia 52:19

Yambata nawa misenge, ni yikombelo, ni mbasia, ni ndeho, ni yikwachilo ya ndeya, ni yenga ya insensu, ni misenge ya milambu ya kunwa. Yize yeswe yapwile ya oru kapitau ka tulayi yambata ngwe oru, ni yize yapwile ya prata yambata ngwe prata.

Daniel 1:2

Mwene yakunjika Jehoakime mwanangana wa Yunda kuli iye, hamwe ni yikwachilo yimwe ya mu zuwo lia Zambi. Yayineha ku chifuchi cha Shinare, ku zuwo lia zambi yenyi. Yasa yikwachilo mu zuwo lia kutulikila upite wa zambi yenyi.

Daniel 5:11

Mwali mu wanangana we umwe lunga kali ni Spiritu ya mazambi asandu. Ha matangwa a tatenu, pangu, ni yinyingi, ni mana awanyine muli iye, ngwe mana a mazambi. Tatenu mwanangana Nabukanezore wamupwishile mukwa lutwe hakachi ka yimbanda, ni tahi, ni A-Kaletea, ni aprofeta,

Daniel 5:13

Yaneha Daniel kumeso ja mwanangana. Mwanangana yamba kuli Daniel ngwenyi, Yena uli mwe Daniel, umwe wa njize aze a ku Yunda, mwanangana tata wachijile ku Yunda.

Daniel 5:18

Enu mwanangana, Zambi Chitunda yahana kuli tatenu Nabukanezore wanangana, ni unene, ni uhenya, ni ulamba;

Daniel 5:23

alioze hinwalizundula kulimika ni Mwene wa mwilu. Yikwachilo ya mu zuwo lienyi hinwaneha kumeso jenu, ni yenu ni alemu jenu, ni mapwo jenu ni *akonkubina jenu hinwanwinamo vinyu. Hinwahalisa mazambi a prata, ni oru, ni unengu, ni utale, ni mutondo, ni mawe, aze keshi kumona, chipwe kwivwa, chipwe kunyingika; alioze Zambi yoze kali ni mwiku wenu, ni yoze kali ni chiyulo cha majila jenu eswe, kunwamulemesene.

Daniel 5:3

Mba yaneha yikwachilo ya oru yize achijile ku tembele, lie zuwo lia Zambi mu Yerusaleme; ni mwanangana, ni alemu jenyi, ni mapwo jenyi, ni *akonkubina jenyi anwinyinemo.

Daniel 5:30

Ufuku uze wene Beleshazare mwanangana wa Kaletea amushihile.

Daniel 5:4

Yanwa vinyu ni kuhalisa mazambi a oru ni prata, ni unengu, ni utale, ni mutondo, ni mawe.

Kwalula 7:79

Mulambu wenyi wapwile panda limuwika lia prata, pezu yalio ya kulakaji lia shekele ni makumi atatu a shekele; mbasia yimuwika ya prata ya makumi shimbiali a shekele nikulita ni shekele ya muma musandu. Yeswe ni yiali ya tò ya wunga wafufunuka, wa kuchinga ni maji, ukapwe mulambu wa wunga.