Daniel 5:13 - MUKANDA USANDU WA ZAMBI 1975

¹³ Yaneha Daniel kumeso ja mwanangana. Mwanangana yamba kuli Daniel ngwenyi, Yena uli mwe Daniel, umwe wa njize aze a ku Yunda, mwanangana tata wachijile ku Yunda.

Mukanda Wa Zambi 1970

¹³ Ha shimbu lizeliene, atu yaatwala Daniel ku meso ja mwanangana. Mba mwe mwanangana yamuhula ngwenyi: “Yena Daniel, wa mu Yuda, yoze tata mwe mwanangana anehene kuno, nyi?

Daniel 5:13 Iomraidhean Croise

Ezra 10:16

Chocho atu ja ku unjize yachilinga. Mwe sasendote Ezera ni amwe akwa lutwe mu minyachi ya atato nikulita ni mazuwo ja atato, eswe ku majina jo yaahandununa. Yatwama no ha tangwa litangu lia kakweji wamuchikumi akasope che chikuma.

Ezra 10:7

Yatambika mutambi ndusu mu Yunda ni mu Yerusaleme kuli atu eswe a ku unjize akakungulukile ku Yerusaleme.

Ezra 4:1

Achi muze akwa kole ja A-Yunda ni A-Mbenjamine evwile ngwo, Atu ja ku unjize kanatungila tembele Yehova Zambi ya Izalele,

Ezra 6:16

A-Izalele, ni asasendote, ni A-Levi, ni akwo a ku unjize afungile ni chiseke chiwanyino cha kutumbikila ku usandu zuwo lino lia Zambi.

Daniel 1:1

Ha mwaka wamuchitatu wa kuyula cha Jehoakime mwanangana wa Yunda, Nabukanezore mwanangana wa Babilonia yeza ku Yerusaleme, yayiseleka.

Daniel 1:2

Mwene yakunjika Jehoakime mwanangana wa Yunda kuli iye, hamwe ni yikwachilo yimwe ya mu zuwo lia Zambi. Yayineha ku chifuchi cha Shinare, ku zuwo lia zambi yenyi. Yasa yikwachilo mu zuwo lia kutulikila upite wa zambi yenyi.

Daniel 1:21

Mba Daniel walindulukile ndusu ndo mwaka utangu wa mwanangana Siru.

Daniel 1:6

Hakachi ka wano kwapwile Daniel, ni Hanania, ni Mishaele, ni Azaria a ku munyachi wa Yunda.

Daniel 2:25

Kashika Arioke yatwala Daniel kuli mwanangana fuji. Yamba kuli iye ngwenyi, Hinawana hakachi ka njize ja ku Yunda umwe lunga mahasa kulweza kuli mwanangana we ulumbunwiso.

Daniel 2:48

Mba mwanangana yahana kuli Daniel ulemu unene ni yawana yinji yinene. Yamupwisa mukwa kuyula provincia yeswe ya Babilonia, ni mukwa lutwe hakachi ka akwa mana ja Babilonia.

Daniel 5:11

Mwali mu wanangana we umwe lunga kali ni Spiritu ya mazambi asandu. Ha matangwa a tatenu, pangu, ni yinyingi, ni mana awanyine muli iye, ngwe mana a mazambi. Tatenu mwanangana Nabukanezore wamupwishile mukwa lutwe hakachi ka yimbanda, ni tahi, ni A-Kaletea, ni aprofeta,

Daniel 5:14

Hinevwa ha kutwala kuli yena ngwo, Spiritu ya mazambi uli nenyi, ni pangu, ni yinyingi, ni mana apema ahiana ayiwanyine muli yena.

Daniel 5:18

Enu mwanangana, Zambi Chitunda yahana kuli tatenu Nabukanezore wanangana, ni unene, ni uhenya, ni ulamba;

Daniel 5:2

Ha kunwa ye vinyu Beleshazare yatuma kuneha yikwachilo ya oru ni prata, yize tato Nabukanezore hachiza ku tembele mu Yerusaleme hanga mwanangana ni alemu jenyi, ni mapwo jenyi, ni *akonkubina jenyi, anwinemo.

Daniel 6:13

O yamba kumeso ja mwanangana ngwo, Auze Daniel wa kuli njize a ku Yunda kanupanjikile, chipwe enu mwanangana, chipwe shimbi yize ya koki nwasonekene jina, alioze kakulemba katatu ha tangwa.

Daniel 8:1

Ha mwaka wamuchitatu wa chiyulo cha mwanangana Beleshazare, usolwelo wasolokele kuli yami Daniel, kulutwe lia uze wasolokele hatangu.

Daniel 8:27

Mba yami Daniel nalezumukine, napombele nikuyiza matangwa. Mba nakatukile nikulingalinga milimo ya mwanangana, alioze usolwelo wangushimine; kuwangulumbunukine.

Yoano 7:1

Kulutwe lia yino yuma, Yesu wendele mu Ngalileya; mumu kazangile kwenda mu Yundeya, mumu A-Yunda afupile kumushiha.

Yoano 7:3

Ana-akwo kashika ambile kuli iye ngwo, Katuka kuno, uye ku Yundeya, hanga tumbaji twe nawa akamone yitanga ye, yize wakulinga;