Daniel 5:11 - MUKANDA USANDU WA ZAMBI 1975

¹¹ Mwali mu wanangana we umwe lunga kali ni Spiritu ya mazambi asandu. Ha matangwa a tatenu, pangu, ni yinyingi, ni mana awanyine muli iye, ngwe mana a mazambi. Tatenu mwanangana Nabukanezore wamupwishile mukwa lutwe hakachi ka yimbanda, ni tahi, ni A-Kaletea, ni aprofeta,

Mukanda Wa Zambi 1970

¹¹ Mu wanangana we muli umwe lunga yoze uli ni mwiku wa mazambi a linanga. Muze tatenu abwile mwanangana, lunga yoze yasolola yinyingi yenyi ni mana jenyi ngwe ya mazambi. Tatenu, Nebukanezore, yamupwisa mwata wa akwa yipupu ni tahi ni akwa munanyi.

Daniel 5:11 Iomraidhean Croise

Ubutukilo 41:38

Falau yamba kuli tuvumbi twenyi ngwenyi, Mutuhasa kuwana mukwo walifwa ni yono? Spiritu ya Zambi katwama muli iye.

2 Samuel 14:17

Mba yami kavumbi kenu nambanga ngwami, Liji lia mwene wami mwanangana likapwe lia kuhwimisa. Mumu mwene wami mwanangana wapwa ngwe mungelo wa Zambi kusa chinyingi hakachi ka yipema ni yipi. Yehova Zambi yenu apwe hamwe ni yenu.

Ezekiel 28:3

Ewa, mana je ahiana aze a Daniel, nichimwe chijimbikilo chinakuswamina chakuhi;

Ezekiel 28:4

ku mana je ni yinyingi ye hiwazuka upite, hiwakunga oru ni prata mu mazuwo je a kuswekela upite.

Daniel 1:4

akweze keshi kapalia, apema chikolo, ni akwa kujama ni mana eswe, ni yinyingi, akwa kulongoloka, waze mahasa kuvumbika mu zuwo lia mwanangana, akaalongese je sona ni limi lia A-Kaletea.

Daniel 2:11

Chuma chino mwanangana kanafupu, chuma chikalu; niumwe mahasa kuchilweza kuli mwanangana ndo mazambi wika, waze katwamine hamwe ni atu a musunya.

Daniel 2:22

Kakufukula yuma yikalu ni yijimbikilo; kananyingika chize chili mu milima, pangu liatwama kuli iye.

Daniel 4:18

Chilota chino yami mwanangana Nabukanezore namwene. Kashika yena Belteshazare ungulumbunwinecho, mumu akwa mana eswe a mu wanangana wami kahashile kungulweza ulumbunwiso wacho. Alioze yena unahase mumu Spiritu ya mazambi asandu katwama muli yena.

Daniel 4:5

Natetele chilota cha kungukolesa woma. Shimbu napombele ha muhela, manyonga ni usolwelo wa mutwe wami yangunehenene mwongo.

Daniel 4:6

Kashika nahanyine shimbi angunehene akwa mana eswe a Babilonia angulumbunwine chilota chami.

Daniel 5:14

Hinevwa ha kutwala kuli yena ngwo, Spiritu ya mazambi uli nenyi, ni pangu, ni yinyingi, ni mana apema ahiana ayiwanyine muli yena.

Daniel 5:7

Mwanangana yasanyika ni liji lia tachi anehe tahi, ni A-Kaletea, ni aprofeta. Mwanangana yamba kuli akwa mana a mu Babilonia ngwenyi, Mweswawo matanga sona jino ni kungulweza ulumbunwiso wajo, mungumujika ni mazalo a ufungo, mazala lenge lia oru ha kota yenyi, mapwa mukwa kuyula wamuchitatu mu wanangana.

Yilinga 12:22

Atu akalumiokene ngwo, Liji lia zambi umwe, hi lia mutu ko.

Yilinga 14:11

Alioze muze mbunga amwene chize alingile Paulu, akololokele mu limi lia Laikoneya ngwo, Mazambi hanahulumuka kuli yetu ni kulifwa cha atu.

Yilinga 16:16

Shimbu mutuchiya kuma kwa kulembela, umwe mwanapwo ni Spiritu ya munanyi, watakanyine ni yetu, yoze wamwesene miata jenyi upite wunji ha kuhanjika munanyi.

Usolwelo 3:9

Mungukahana waze a ku sunangonga ya Satana, waze akwamba ngwo, Yetu tuli A-Yunda, ni hi A-Yunda ko, aiioze kanahanjika mahuza; mungulinga hanga akeze, akawayile kulutwe lia yiliato ye, makanyingika hingunakuzange.