Daniel 4:9 - MUKANDA USANDU WA ZAMBI 1975

⁹ Ena Belteshazare, chimbanda wa lutwe, mungukulweza chilota chize namwene mumu ngunanyingika Spiritu ya mazambi asandu uli nenyi, kashika nichimwe chijimbikilo muchikukala naye; ungulumbunwinecho.

Mukanda Wa Zambi 1970

⁹ Belteshazare, mwata wa tahi, ngunanyingika ngwami, mwiku wa mazambi a linanga uli muli yena, yena Unanyingika yijimbikilo yeswe. Chino che chilota chami. Ngulweze ulumbunwiso wacho.

Daniel 4:9 Iomraidhean Croise

Ubutukilo 41:38

Falau yamba kuli tuvumbi twenyi ngwenyi, Mutuhasa kuwana mukwo walifwa ni yono? Spiritu ya Zambi katwama muli iye.

Izaya 33:18

Mbunge ye muyikazewula ha we mwongo ngwe, Mukwa kwalula kuli ali? Mukwa kupezalisa lijimu kuli ali? Mukwa kwalula tuposhi kuli ali?

Izaya 54:14

Mukajikijila mu ululi, mukatwama kusuku ni upinjiso, mumu kuchi kwivwa woma; mukatwama kusuku ni mwongo mumu kuuchi kakukundama.

Ezekiel 17:23

He ha kunangama cha mulundu wa Izalele mungukautumba hanga ukasokese mitango, ni kwima mihuko ukapwe musedru upema. Mushi liawo milali yeswe ya tushitu makatwama; mu chihuhumuke cha mitango yawo milali yeswe ya tujila makatunga yaswa yo.

Ezekiel 28:3

Ewa, mana je ahiana aze a Daniel, nichimwe chijimbikilo chinakuswamina chakuhi;

Daniel 1:20

Mu yikuma yeswe ya mana ni chinyingi mwanangana waahulile, yaawana hahiana kumi lia yisuho yimbanda eswe ni tahi eswe mu wanangana wenyi weswe.

Daniel 2:47

Mwanangana yamba kuli Daniel ngwenyi, Pundu, Zambi ye mwe Zambi ya mazambi, ni Mwene wa mianangana; kapwa nawa mukwa kujimbula yijimbikilo se yena hiwahasa kujimbula chijimbikilo chino.

Daniel 2:48

Mba mwanangana yahana kuli Daniel ulemu unene ni yawana yinji yinene. Yamupwisa mukwa kuyula provincia yeswe ya Babilonia, ni mukwa lutwe hakachi ka akwa mana ja Babilonia.

Daniel 4:18

Chilota chino yami mwanangana Nabukanezore namwene. Kashika yena Belteshazare ungulumbunwinecho, mumu akwa mana eswe a mu wanangana wami kahashile kungulweza ulumbunwiso wacho. Alioze yena unahase mumu Spiritu ya mazambi asandu katwama muli yena.

Daniel 4:5

Natetele chilota cha kungukolesa woma. Shimbu napombele ha muhela, manyonga ni usolwelo wa mutwe wami yangunehenene mwongo.

Daniel 4:8

Ha kusula Daniel yeza kumeso jami—yoze amulukile Belteshazare mumu hali zambi yami, iye kali ni Spiritu ya mazambi asandu—yingumulweza chilota chami ngwami,

Daniel 5:11

Mwali mu wanangana we umwe lunga kali ni Spiritu ya mazambi asandu. Ha matangwa a tatenu, pangu, ni yinyingi, ni mana awanyine muli iye, ngwe mana a mazambi. Tatenu mwanangana Nabukanezore wamupwishile mukwa lutwe hakachi ka yimbanda, ni tahi, ni A-Kaletea, ni aprofeta,

1 Samuel 4:8

Lamba lietu! iya matupulula ku moko ja wano mazambi a ndundo? E mazambi wano ene alambile A-Engitu ni yilungo yeswe mu puya.