Daniel 4:7 - MUKANDA USANDU WA ZAMBI 1975

⁷ Kashika yimbanda, ni tahi, ni A-Kaletea, ni aprofeta yeza; yingwalweza che chilota, alioze kahashile kungulumbunwinacho.

Mukanda Wa Zambi 1970

⁷ Muze tahi, ni akwa yipupu, ni akwa mana eswe heeza, yingwaawila chilota chami, alioze kaahashile ko kungulumbunwina cho.

Daniel 4:7 Iomraidhean Croise

Ubutukilo 41:24

Nona jahuhuka yijilia nona jipema. Nachambulula kuli yimbanda alioze kukushi niumwe unahase kungulumbunwinacho.

Ubutukilo 41:8

Mu kwacha chimene mbunge yenyi yiyilipikala, yatuma kusanyika yimbanda eswe a mu Engitu, ni akwa mana eswe. Falau yaalweza chilota chenyi alioze niumwe kahashile kumulumbunwinacho wakuhi.

Miaso (Masamu) 37:35

Hingunamono yingulungulu ni ndundo jinene nikutanda ngwe mutondo wa wisu mu mavu jawo.

Izaya 44:25

Mukwa kufuwisa yinyingi ya akwa mahuza, kakuhepwisa tahi, kakuhilwisa kunyima akwa mana, nikupwisa mana jo uhepuke;

Ezekiel 31:3

Mungukutesa ngwe musedru mu Lebano ni mitango ya tachi ni chihuhumuke cha usaki, ni chizundamo chinene, songo liawo hakachi ka malelwa.

Daniel 1:4

akweze keshi kapalia, apema chikolo, ni akwa kujama ni mana eswe, ni yinyingi, akwa kulongoloka, waze mahasa kuvumbika mu zuwo lia mwanangana, akaalongese je sona ni limi lia A-Kaletea.

Daniel 2:10

A-Kaletea yakumbulula mwanangana ngwo, Kuheshi umwe mutu hashi yoze mahasa kulinga chino mwanangana kanambe. Mumu niumwe mwanangana munene, wa ngolo, hafupa chuma chipwa haha kuli umwe chimbanda, hanji tahi, hanji Ka-Kaletea.

Daniel 2:27

Daniel yakumbulula kuli mwanangana ngwenyi, Niamwe akwa mana, hanji tahi, hanji yimbanda, hanji aprofeta mahasa kulweza kuli mwanangana chuma chino hanechi.

Daniel 2:7

O yakumbulula kamuchiali ngwo, Mwanangana alweze chilota kuli yetu tuvumbi twenu mba mutuchilumbununa.

Daniel 3:8

Kashika ha mwaka uze amwe A-Kaletea yaya ni kusuma A-Yunda ni kole.

Daniel 4:18

Chilota chino yami mwanangana Nabukanezore namwene. Kashika yena Belteshazare ungulumbunwinecho, mumu akwa mana eswe a mu wanangana wami kahashile kungulweza ulumbunwiso wacho. Alioze yena unahase mumu Spiritu ya mazambi asandu katwama muli yena.

Daniel 5:7

Mwanangana yasanyika ni liji lia tachi anehe tahi, ni A-Kaletea, ni aprofeta. Mwanangana yamba kuli akwa mana a mu Babilonia ngwenyi, Mweswawo matanga sona jino ni kungulweza ulumbunwiso wajo, mungumujika ni mazalo a ufungo, mazala lenge lia oru ha kota yenyi, mapwa mukwa kuyula wamuchitatu mu wanangana.

Daniel 5:8

Akwa mana eswe a mwanangana anjilile, alioze kahashile kutanga je sona, hanji kulweza kuli mwanangana ulumbunwiso wajo.