Daniel 4:5 - MUKANDA USANDU WA ZAMBI 1975

⁵ Natetele chilota cha kungukolesa woma. Shimbu napombele ha muhela, manyonga ni usolwelo wa mutwe wami yangunehenene mwongo.

Mukanda Wa Zambi 1970

⁵ Alioze yingulota chimwe chilota cha woma unji, yingumona Usolwelo wa mwongo muze te ngunabombo.

Daniel 4:5 Iomraidhean Croise

Ubutukilo 41:1

Muze miaka yiali hiyahwa Falau yalota. Mu chilota chenyi kanamana ku lwiji.

Daniel 1:7

Unuku wa lutwe waalukile majina: Daniel yamuluka ngwenyi, Belteshazare; Hanania yamuluka ngwenyi, Shadrake; Mishaele yamuluka ngwenyi, Meshake; ni Azaria yamuluka ngwenyi, Abedenego.

Daniel 2:1

Ha mwaka wamuchiali wa kuyula cha Nabukanezore, mwe Nabukanezore watetele yilota; kashika Spiritu yenyi yilifwita, kahashile kuya tulo.

Daniel 2:3

Mwanangana yamba kuli ayo ngwenyi, Nateta, Spiritu yami yinalifwichi ngukanyingike chilota chami.

Daniel 4:10

Usolwelo wa mutwe wami shimbu nguchili ha muhela, uno: namwene, kumanyi, umwe mutondo hakachi ka hashi, Chizundamo chawo chisuku chikolo.

Daniel 4:13

Yingumona mu usolwelo wa mutwe wami ha muhela wami, kalayi kanda musandu kanahulumuka mwilu.

Daniel 4:15

Alioze hichikenu shina lia miji mu mavu nukalikase ni chikungo cha utale ni unengu hakachi ka mwambu wisu wa musenge. Akawule ni mume wa mwilu; akende ni tushitu mu yambu ya hashi.

Daniel 4:19

Aho Daniel, jina lienyi likwo Belteshazare, yatatajala shimbu linene, ni manyonga jenyi yamuvwisa woma. Mwanangana yamba ngwenyi, Belteshazare, chilota chino ni ulumbunwiso wacho kanda chikuvwisa woma. Belteshazare yakumbulula ngwenyi, Mwene wami, chilota chino chikapwe kuli waze akunuvwila kole, ni ulumbunwiso wacho ukapwe kuli akwa kole jenu.

Daniel 5:10

Mwe mwazovu wejile ku zuwo lia muzumbu mumu ha maliji a mwanangana ni alemu jenyi. Mwazovu yamba ngwenyi, Vulie mwanangana! Manyonga je kanda akuvwisa woma. Kanda walumuka ku meso chocho.

Daniel 5:11

Mwali mu wanangana we umwe lunga kali ni Spiritu ya mazambi asandu. Ha matangwa a tatenu, pangu, ni yinyingi, ni mana awanyine muli iye, ngwe mana a mazambi. Tatenu mwanangana Nabukanezore wamupwishile mukwa lutwe hakachi ka yimbanda, ni tahi, ni A-Kaletea, ni aprofeta,

Daniel 7:1

Ha mwaka utangu wa Beleshazare mwanangana wa Babilonia, Daniel watetele chilota ni usolwelo wa mu mutwe wenyi shimbu te kanapombo ha muhela wenyi. Henaho wasonekene chilota chenyi ni kwambulula ulumbunwiso wa chikuma.

Daniel 7:28

Kuno kwasula che chikuma, alioze ha kutwala kuli yami Daniel, manyonga jami anguvwishile woma wunji, ni ku meso jami kwalumukine, alioze nafungile chikuma mu mbunge yami.