Daniel 4:4 - MUKANDA USANDU WA ZAMBI 1975

⁴ Yami Nabukanezore napwile mu zuwo liami kanawa lume; nawahililile ni milimo yami mu palasiu.

Mukanda Wa Zambi 1970

⁴ “Te ngunatwama kwami nee mu zuwo liami lia wanangana ni uwahililo mumu ha yuma yami yinji.

Daniel 4:4 Iomraidhean Croise

Izaya 56:12

Kakwamba ngwo, Tuyenu tukafupe vinyu, tukalikuchise ni kunwa chisasu; ni hamene mulipwa ngwe musono nawa, kuwaha chahiana.

Jeremia 48:11

Moape hahwima chize ku ukweze wenyi mba kenguluka ngwe vinyu. Kamutehwine ku chikwachilo ni chikwachilo chipwe kuya ku unjize. Kashika kuyema chenyi kali nacho ni haliapwila ni lupembo wenyi kalumukine.

Ezekiel 28:17

Mbunge ye yalifujile mumu ha upeme we; wapihishile mana je mumu ha uhenya we. Nakunyashine hashi; nakufukwile kumeso ja mianangana akakuhulikile meso jo.

Ezekiel 29:3

Hanjika ukambe ngwe, Mwene Yehova kanambe ngwenyi, Kunalimika ni yena, Falau mwanangana wa Engitu, mwe ndragau yoze wapomba hakachi ka njiji jenyi, yoze kakwamba ngwenyi, Lwiji wami lume, namutangile hali yami mwene.

Daniel 2:11

Chuma chino mwanangana kanafupu, chuma chikalu; niumwe mahasa kuchilweza kuli mwanangana ndo mazambi wika, waze katwamine hamwe ni atu a musunya.

Daniel 4:19

Aho Daniel, jina lienyi likwo Belteshazare, yatatajala shimbu linene, ni manyonga jenyi yamuvwisa woma. Mwanangana yamba ngwenyi, Belteshazare, chilota chino ni ulumbunwiso wacho kanda chikuvwisa woma. Belteshazare yakumbulula ngwenyi, Mwene wami, chilota chino chikapwe kuli waze akunuvwila kole, ni ulumbunwiso wacho ukapwe kuli akwa kole jenu.

Daniel 5:8

Akwa mana eswe a mwanangana anjilile, alioze kahashile kutanga je sona, hanji kulweza kuli mwanangana ulumbunwiso wajo.

Zefania 1:12

Ha mwaka uze mungupolongoza mu Yerusaleme ni ndeya. Mungulamba kastigu malunga waze anenguluka ni kutoha; waze akwamba mu mbunge jo ngwo, Chipwe chipema, chipwe chipi, Yehova kechi kalinga nichimwe.