Daniel 4:37 - MUKANDA USANDU WA ZAMBI 1975

³⁷ Kashika yami Nabukanezore ngunahalisa Mwanangana wa mwilu, ni kumwalakana, ni kumulemesa; mumu yitanga yenyi yinalulama, ni ndako jenyi jinalite; kanahase kukehesa waze eswe akwenda nikulilengela.

Mukanda Wa Zambi 1970

³⁷ “Haliabwila yami, Nebukanezore, ngunachichimieka ni kufumanyisa Mwanangana wa Mwilu. Yuma yeswe yize akulinga yili yamwenemwene ni yinalite. Mahasa kuhetamisa mweswawo wakwenda ni kulengumuka.”

Daniel 4:37 Iomraidhean Croise

2 Sango Ja Mianangana 33:19

Kulemba chenyi, ni chize Zambi wamukumbulwile, ni shili yenyi yeswe, ni Utanguko wenyi, ni yihela yize atungileko manangamo ni kumika Ashera ni tuponya a kwola shimbu kanda alilelesa, hanayisoneka mu mukanda wa akwa kumona.

Estere 6:10

Mba mwanangana yamba kuli Hamane ngwenyi, Tambuka Ukande mazalo ni kavwalu ngwe hiwamba ukalinge chizechene kuli Ka-Yunda Mordekai yoze watwama ku chikolo cha mwanangana. Nichimwe chuma kanda chikahona ku yuma yize yeswe hiwamba.

Miaso (Masamu) 119:75

Yehova, ngunanyingika ngwami, Upatwilo we wapwa wa ululi, chikwo nawa mu umwenemwene we wanguyindamishine.

Miaso (Masamu) 99:4

Tachi ja mwanangana jakuzanga upatwilo. Yena kuwakukolesa chize chinalite, kuwakupatula ni ululi muli Yakomba.

Kutuhuka 18:11

Haliapwila kungunanyingika ngwami, Yehova iye Wahiana tuzambi tweswe chipwe mu chuma chize alengumukine nacho.

Kutuhuka 8:4

E yula-ya-mbwota meza kunyina ni hali yenu, ni hali atu je, ni hali ngamba je eswe.

Izaya 23:9

Yehova-wa-Tujita hanachifunjika, akachise kulengumuka cha uhenya weswe, akalelese alemu eswe a hashi.

Izaya 5:16

Alioze Yehova-wa-Tujita kananangama ni upatwilo wa kulita, mwe Zambi Musandu hanalisolola musandu mu ululi.

Jeremia 50:29

Sanyikenu ngashi alimike ni Babilonia, waze eswe akunana uta. Muselekenu, niumwe kanda omboka. Mufwetesenu nikulita ni yitanga yenyi; lingenu kuli iye chize iye halinga; mumu hahamwisa Yehova, mwe Musandu wa Izalele.

Ezekiel 16:56

Mwanakwenu Sondome kapwile ngwe kashilikilo mu kanwa lie ha matangwa je a kulengumuka,

Ezekiel 16:63

hanga ukewuluke ukalitupieke, kanda upakula nawa kanwa lie mumu ha sonyi muze mungukakukonekena yize yeswe hiwalinga. Chocho kanambe Mwene Yehova.

Daniel 4:26

Mba chize atumine kuhichika shina lia miji ya mutondo, chocho wanangana wenu muukola kuli yenu chize ku tangwa lize mununyingika ngwenu, Malilu, o kakuyula.

Daniel 4:3

Yilayi yenyi yinene, yikomokeso yenyi ya ndundo. Wanangana wenyi wa mutolo; chiyulo chenyi chakola chize ku chisemuko ndo ku chisemuko.

Daniel 4:34

Ku songo Iia matangwa, yami Nabukanezore nahetwile meso jami kwilu, mba mana jami janguhilukile nawa. Nafumanyishine mwe Chitunda nikumuhalisa nikulemesa yoze watwama ni mwono ndo ku miaka yeswe ngwami, Mumu chiyulo chenyi chapwa cha mutolo, ni wanangana wenyi walinduluka chize ku chisemuko ndo ku chisemuko.

Daniel 5:4

Yanwa vinyu ni kuhalisa mazambi a oru ni prata, ni unengu, ni utale, ni mutondo, ni mawe.

Mateu 11:25

Ha mwaka uze Yesu wakumbulwile ngwenyi, Ngunakuhalisa Tata, Mwene wa lilu ni hashi, mumu wahengekele yino yuma kuli akwa mana ni akwa malinjekela, wayisolwele kuli ana-akemba.

Yilinga 17:24

Zambi yoze watangile hashi ni yuma yeswe yiliho, iye se kapwa Mwenya lilu ni hashi, keshi kutwama mu matembele a kutangiwa ni moko;

Shimbi 32:4

Iye Liwe. Yitanga yenyi yingunu, mumu majila jenyi eswe ja ululi. Iye Zambi ya jika; keshi uhenge; mukwa pundu, mukwa umwenemwene.

Usolwelo 15:3

O yemba mwaso wa Mose, ndungo ya Zambi, ni mwaso wa mwe Mwana-panga, ngwo, Yitanga ye yinene ni ya ku komwesa, Mwene Zambi ya Ndundo-Jeswe! Majila je amwenemwene ni a ululi, Mwanangana wa mavungu!

Usolwelo 16:7

Mba nevwile chilumbilo chinambe ngwenyi, Ewa, Mwene Zambi ya Ndundo-Jeswe, upatwilo we wamwenemwene ni wa ululi.

1 Samuel 2:3

Kanda nuhanjika nawa nikulengumuka kuhiana. Kanda nulivwimba mu makanwa jenu. Mumu Yehova iye Zambi ya yinyingi, iye kakupezalisa yitanga.