Daniel 4:35 - MUKANDA USANDU WA ZAMBI 1975

³⁵ Akwa hashi eswe kapwa ngwe nichimwe; iye kakulinga upale wenyi hakachi ka akwa mwilu ni hakachi ka akwa hashi. Iya makwika kwoko lienyi, hanji mamwamba ngwenyi, Yika unalingi?

Mukanda Wa Zambi 1970

³⁵ Kakutala akwa hashi ngwe Chuma chamokomoko. Tunganda twa mwilu ni akwa hashi eswe kaali mu chiyulo chenyi. Niumwe mahasa kukinda upale wenyi hanji kumuhula chize analingi.

Daniel 4:35 Iomraidhean Croise

Jobe 23:13

Alioze keshi kwalumuka, mba iya mahasa kumutembula? Cheswacho mazanga, kumakachilinga.

Jobe 34:29

Nyi mahola iya mamuhisa? Nyi mafuka meso jenyi iya mamumona? Chipwe vungu chipwe mutu, iya?—

Jobe 40:2

Mukwa kuhamika mahasa kulitachika ni Mukwa-Ndundo-Jeswe? Mweswe malihangujola ni Zambi machikumbulula.

Jobe 42:2

Ngunanyingika unahase kulinga yuma yeswe, nichimwe chuma muchifuwa chize mupala kulinga.

Jobe 9:4

Iye mukwa mbunge ya mana, mukwa kutakana ni ndundo. Yoze wakwata nenyi pami mba yatwama kanawa, iya?

Miaso (Masamu) 115:3

Alioze Zambi yetu mwilu ali. Hanalingi chize chamuwahila.

Miaso (Masamu) 135:6

Yehova hanalingi cheswacho chamuwahila, ni mwilu, ni hashi, ni mu tulunga-lwiji, ni muma mweswe mwajotoka.

Miaso (Masamu) 33:14

Kuma kwenyi kwa kutwama kakutala aze eswe atwama hano hashi;

Miaso (Masamu) 39:5

Kumanyi, hiwatenga mwono wami ngwe wakweseka ni kwoko. Miaka ya mwono wami yapwa nichimwe kumeso je. Chamwenemwene mutu mweswe chipwe wa ngú, kapwa wamokomoko.(Litulike.)

Miaso (Masamu) 49:1

Ivwenu chuma chino, enu mavungu eswe. Panjikenu, enu eswe nwatwama hano hashi.

Yishima 21:30

Mana a kulimika ni Yehova, hanji malinjekela, hanji yiyulo yakuhi.

Longeshi 8:4

Mumu liji lia mwanangana tachi likwete. Iya mamuhula ngwo, Yika unalingi?

Izaya 19:17

Akwa chifuchi cha Yunda makòlesa mwongo A-Engitu. Mweswe mamulwezacho mevwa woma mumu ha chikuma chize Yehova-wa-Tujita hapala hali ayo.

Izaya 26:9

Mbunge yami kuyakukuvwila usona ha ufuku; spiritu yami muchima kuyakukufupa ni tachi. Mumu muze upatwilo we muupwa hashi, mba akwa muno-muze malilongesa ululi.

Izaya 43:13

Yami Zambi, ni ndo ku songo Yami Nguli. Niumwe mahasa kupulula ku kwoko liami. Nakulinga, mba niumwe mangukwika.

Daniel 6:27

Kakupulula, kakulamwina, kakulinga yilayi ni yikomokeso mwilu ni hashi, yono mwene hanalamwina Daniel, ku tachi ja ndumba.

Yona 1:14

Kashika atetele kuli Yehova ngwo, Tunaliumbu kuli yena Yehova, tunaliumbu kanda ututayiza kutoka mumu ha mwono wa yono. Kanda ututwika manyinga a kusamba, mumu yena Yehova hiwalinga chize chinakupemena.

Yilinga 11:17

Nyi Zambi waahele chawana chimuwika watuhele yetu nawa, muze twafulielele Mwene Yesu Kristu, mba yami iya munguhasa kukanda Zambi?

Yilinga 4:28

mukulinga cheswacho kwoko lie ni mana je afunjikile Shimbu-kanda.

Yilinga 5:39

alioze kachi chinakatuka kuli Zambi, kunuchi kahasa kuchonwona; kuchina hanji manuwana nunalitachika ni Zambi.

Yilinga 9:5

Iye wambile ngwenyi, Mwene, yena iya? Wakumbulwile ngwenyi, Yami Yesu, yoze wakumuhungumiona, chikalu hali yena kutwa yishindo ku musongolwela.

1 Korintu 10:22

Shina mutwihia Mwene ku ukwa, nyi? Tunakangana kuhiana iye, nyi?

1 Korintu 2:16

Mumu iya hananyingika kunyonga cha Mwene hanga akamufumbe? Alioze kunyonga cha Kristu tuli nacho yetu.

Efesu 1:11

Muli iye nawa hanatupwisa chihinga, se atufunjikile shimbu te miaka kanda yipwa, nikulita ni kupala cha yoze wakulingisa yuma yeswe nikulita ni mana ja upale wenyi;

Yoshua 2:2

Achilwezele kuli mwanangana wa Yeriku ngwo, Talenu, amwe malunga A-Izalele haneza ufuku wa musono mukwendesa chifuchi.

1 Samuel 3:18

Kashika Samuel yamulweza ye yeswe. Kamuswekelele nichimwe. Eli ngwenyi, Iye Yehova, akalinge chize chamupemena.