Daniel 4:34 - MUKANDA USANDU WA ZAMBI 1975

³⁴ Ku songo Iia matangwa, yami Nabukanezore nahetwile meso jami kwilu, mba mana jami janguhilukile nawa. Nafumanyishine mwe Chitunda nikumuhalisa nikulemesa yoze watwama ni mwono ndo ku miaka yeswe ngwami, Mumu chiyulo chenyi chapwa cha mutolo, ni wanangana wenyi walinduluka chize ku chisemuko ndo ku chisemuko.

Mukanda Wa Zambi 1970

³⁴ Mwanangana Nebukanezore yamba ngwenyi: “Muze te miaka shimbiali hiyabalika, yingutala kwilu, mba yingubwa nawa ni mana. Yingufumanyisa mwe Zambi Chitunda, yingulemesa ni kufumanyisa yoze watwama ni mwono ndoo ku miaka yeswe. “Iye makayula ku miaka yeswe; wanangana wenyi muukalinduluka ndoo ku miaka yeswe.

Daniel 4:34 Iomraidhean Croise

2 Samuel 22:31

Ha kutwala kuli Zambi jila yenyi yingunu. Liji lia Yehova lia kweseka kulu, iye lukepwe wa waze aswama mul i iye.

1 Sango Ja Mianangana 29:10

Kashika David yahalisa Yehova kumeso ja chikungulwila nikwamba ngwenyi, Ufumane, Yehova Zambi ya kalamba ketu Izalele ndo ku miaka yeswe ya mutolo.

1 Sango Ja Mianangana 29:13

Kashika yena Zambi yetu tunakusakwilila nikuhalisa jina lie lia uhenya.

Jobe 1:21

Uselesele natuhukile mu jimo lia mama; uselesele munguhiluka. Yehova wapele; Yehova hachiza—jina lia Yehova likafumane.

Miaso (Masamu) 10:16

Yehova iye mwanangana ndo ku miaka ya mutolo. Mavungu hanakuwu mu chifuchi chenyi.

Miaso (Masamu) 102:24

Nambile ngwami, Zambi yami kanda unguchizaho hakachi ni hakachi ka matangwa jami, miaka ye kuyili ndusu yisemuko yeswe.

Miaso (Masamu) 107:15

Kachi atu mahalisa Yehova te, mumu ha utu wa zango lienyi ni yitanga yenyi ya kukomwesa kuli ana ja atu.

Miaso (Masamu) 107:22

Amutambule yitapo ya kusakwila. Akambulule yitanga yenyi ni miaso.

Miaso (Masamu) 107:31

Kachi atu mahalisa Yehova te, mumu ha utu wa zango lienyi, ni yitanga yenyi ya kukomwesa kuli ana ja atu.

Miaso (Masamu) 107:8

Kachi atu mahalisa Yehova te, mumu ha utu wa zango lienyi, ni yitango yenyi ya kukomwesa kuli ana ja atu.

Miaso (Masamu) 111:7

Yitanga ya moko jenyi umwenemwene ni upatwilo. Yambo yenyi yeswe kuyakola.

Miaso (Masamu) 121:1

Munguhetula meso jami ku milundu, nyi? Kulihi mukukatuka chize cha kungukwasa?

Miaso (Masamu) 123:1

Kuli yena munguhetula meso jami; yena kuwatwama mu malilu.

Miaso (Masamu) 145:13

Wanangana we wapwa wa mutolo. Chiyulo che chalinduluka ku yisemuko yeswe.

Miaso (Masamu) 146:10

Yehova kumakayula ku miaka ya mutolo. Zaione, Zambi ye kumakayula ku yisemuko yeswe. Halisenu Yehova!

Miaso (Masamu) 50:14

Lambulenu kuli Zambi chitapo cha kusakwila. Fwetenu yilakenyo yenu kuli mwe Chitunda.

Miaso (Masamu) 66:7

Iye kayula ni ngolo jenyi ndo ku miaka ya mutolo. Meso jenyi kakutala akwa mavungu; akwa kukolema kanda alinangamisa.(Litulike.)

Miaso (Masamu) 7:17

Kumunguhalisa Yehova nikulita ni ululi wenyi; kumungwimba uhaliso ku jina lia Yehova mwe Chitunda. Kuli Njimba mukwa lutwe. Ha Ngitite. Samu lia David.

Miaso (Masamu) 9:2

Munguwahilila, mungulikwiza muli yena. Mungwimba uhaliso ku jina lie, yena mwe Chitunda.

Miaso (Masamu) 92:1

Chinapeme kusakwilila Yehova, nikwimbila uhaliso jina lie, mwe Chitunda.

Izaya 13:11

Mungukafwetesa akwa hashi ha yipi yo, mungukafwetesa yingulungulu ha uhenge wo. Mungukasulisa kulengumuka cha akwa kulizata, mungukanunguna kulifuza cha yiswi.

Izaya 2:11

Kumakalelesa meso ja atu a kulizata; kulengumuka cha atu kumakanunguna; Yehova wika kumakanangama ha tangwa lize.

Izaya 24:15

Kashika ni ku Chivumbuko Chichimiekenu Yehova; ni mu yifuchi ya ku mbaka Chichimiekenu jina lia Yehova Zambi ya Izalele.

Jeremia 10:10

Alioze Yehova iye Zambi wamwenemwene, iye Zambi ya mwono ni mwanangana wa mutolo. Ha kutenuka chenyi hashi hakunyika. Ha ufwatulo wenyi mavungu kahashile kujikiza.

Lungungu 3:38

Yipema ni yikalu kuyakatukile mu kanwa lia mwe Chitunda?

Daniel 12:7

Nevwile lunga yoze wa mazalo a linyu, uli helu lia meya a lwiji, muze hazoza kwoko lienyi lia chindume ni kwoko lienyi lia chimeso kwilu, walishingile ni yoze watwama ni mwono ku miaka ya mutolo ngwenyi, Kumuchi kapwa ha mwaka, ni miaka yiali, ni chihanda cha mwaka. Muze hamana kumakwona tachi ja atu asandu, mba yuma yino yeswe muyihwa.

Daniel 2:44

Ha matangwa ja mianangana aze Zambi ya mwilu makakolesa umwe wanangana uze kuuchi kanonga. Chipwe chiyulo chawo kechi kachiswanyisa kuli atu eka. Muukafwenya mawanangana ano akwo ni kwasulisa, alioze wene muukakola wa mutolo,

Daniel 4:2

Ngunamono chipema ngunulweze yilayi ni yikomokeso yize Zambi Chitunda halinga kuli yami.

Daniel 4:26

Mba chize atumine kuhichika shina lia miji ya mutondo, chocho wanangana wenu muukola kuli yenu chize ku tangwa lize mununyingika ngwenu, Malilu, o kakuyula.

Daniel 4:3

Yilayi yenyi yinene, yikomokeso yenyi ya ndundo. Wanangana wenyi wa mutolo; chiyulo chenyi chakola chize ku chisemuko ndo ku chisemuko.

Daniel 4:32

mba makuhuma hakachi ka atu, ni wendelo we muukapwa hakachi ka tushitu a mu yambu. Muolia mwambu ngwe ngombe, mba tungonde shimbiali makakupalika ndo hiwalilongesa, mwe Chitunda kakuyula mu wanangana wa atu ni kuuhana kuli mweswawo mapala.

Daniel 4:36

Haze hene mana jami anguhilukile nawa, ni ku ulemu wa wanangana wami, ulamba ni uhenya wanguhilukile nawa. Tuliamanga twami ni alemu jami angufupile nawa; angukolesele mu wanangana wami, ni ulemu ukwo anguwezelele helu.

Daniel 5:18

Enu mwanangana, Zambi Chitunda yahana kuli tatenu Nabukanezore wanangana, ni unene, ni uhenya, ni ulamba;

Daniel 5:21

Yamuhuma hakachi ka atu, ni manyonga jenyi yalumuka ngwe a kashitu, ni wendelo wenyi yiupwa hakachi ka yimbulu a mu yambu. Yamulisa mwambu ngwe ngombe, ni mujimba wenyi wawulile ni mume wa mwilu, ndo hasa chinyingi ngwenyi, Zambi Chitunda kakuyula wanangana wa atu; kakusaho kuyula mweswawo mapala.

Daniel 6:26

Ngunase shimbi ngwami, Mu yifuchi yeswe ya wanangana wami atu eswe akachikime ni woma kumeso ja Zambi ya Daniel, mumu iye Zambi ya mwono, katwama wa mutolo. Wanangana wenyi kechi kahasa kuwonwona; chiyulo chenyi kuchichi kasula.

Daniel 7:14

Yamwaha chiyulo, ni uhenya, ni wanangana, hanga akwa mavungu eswe ni minyachi yeswe, ni malimi eswe akamulingile. Chiyulo chenyi chiyulo cha mutolo, kuchichi kahwa. Wanangana wenyi uze kuuchi kanonga.

Daniel 7:27

Alioze wanangana ni chiyulo ni unene wa mawanangana kushi lia lilu lieswe kumakakunjika kuli atu ja asandu ja mwe Chitunda. Wanangana wo kumuukapwa wanangana wa mutolo, mba akwa yiyulo yeswe kumakaavumbika ni kwaononokena.

Daniel 9:14

Kashika Yehova hanatufungila kuji-ni-tomo lino, hatukokelalio; mumu Yehova Zambi yetu iye mukwa ululi mu yitanga yeswe yize halinga, ni yetu kutwononokene ku liji lienyi.

Yona 1:14

Kashika atetele kuli Yehova ngwo, Tunaliumbu kuli yena Yehova, tunaliumbu kanda ututayiza kutoka mumu ha mwono wa yono. Kanda ututwika manyinga a kusamba, mumu yena Yehova hiwalinga chize chinakupemena.

Mika 4:7

Yilema mungukaapwisa masalila, ni waze aambilile mungukaapwisa vungu lia tachi mba Yehova makapwa mwanangana wo mu mulundu wa Zaione chize ku mwakono ndo ku miaka yeswe.

Luka 1:33

iye kumakayula akwa zuwo lia Yakomba ku miaka ya mutolo; ni wanangana wenyi kuuchi kuhwa.

Luka 18:13

Alioze mukwa kufwetesa lijimu kanamana kusuku, katayile chipwe kuhetula meso jenyi kwilu, alioze walambile ha pambo lienyi, nikupihilila, ngwenyi, Zambi, nguvwile kama keke, yami mwe chivulumunyi.

Yoano 5:26

Mumu chizechene ngwe mwe Tata mwono akwete muli iye mwene, chocho nawa wahanyine kuli mwe Mwana nawa kupwa ni mwono muli iye mwene.

Shimbi 32:4

Iye Liwe. Yitanga yenyi yingunu, mumu majila jenyi eswe ja ululi. Iye Zambi ya jika; keshi uhenge; mukwa pundu, mukwa umwenemwene.

1 Timoteu 1:17

Haliapwila kuli Mwanangana wa mutolo, keshi kuhasa kupola, keshi kumoneka, mwe Zambi umuwika, ulemu ni uhenya ukapwe ndo ku miaka yeswe ya mutolo. Amene.

1 Timoteu 6:16

Iye wika keshi kufwa, katwama mu pangu lize keshi kuhasa kukundamako; mutu niumwe kamumwene, chipwe mahasa kumumona, ka: ulemu ni ndundo ja mutolo jikapwe kuli iye. Amene.

Usolwelo 10:6

Walishingile ni yoze mukwa mwono ndo ku miaka yeswe ya mutolo, yoze watangile lilu, ni yuma yize yilimo, ni hashi, ni yuma yize yiliho, ni kalunga-lwiji, ni yuma yize yilimo, ngwenyi, Kukuchi kapwa kushimbula nawa.

Usolwelo 11:15

Mungelo wamuchishimbiali wembile chitavwi chenyi; kwapwile maliji anene mwilu, ngwo, Wanangana wa hano hashi hiwapwa wa Mwene wetu, ni wa Kristu yenyi: iye kumakayula ndo ku miaka yeswe ya mutolo.

Usolwelo 4:10

makumi aali a makulwana ni makulwana awana mafulamana kumeso ja yoze mukwa mwono ndo ku miaka yeswe ya mutolo, mambila yipangula yo kulutwe lia ngunja, ngwo,

Usolwelo 4:9

Muze akwa mwono machichimieka, nikulemesa, nikusakwila yoze watwama ha ngunja, yoze mukwa mwono ndo ku miaka yeswe ya mutolo,