Daniel 4:31 - MUKANDA USANDU WA ZAMBI 1975

³¹ Shimbu te maliji achili mu kanwa lia mwanangana, kwejile liji lia mwilu ngwo, Mwanangana Nabukanezore! Kuli yena liji lino lineza ngwami, Wanangana hiwakukatuka,

Mukanda Wa Zambi 1970

³¹ Muze te machihanjika, mwilu yimwiza liji ngwo: “Mwanangana Nebukanezore, banjika ku maliji jami! Chiyulo cha wanangana we haliabwila hakuchiza cho.

Daniel 4:31 Iomraidhean Croise

Ubutukilo 14:18

Melekizeteke mwanangana wa Saleme yaneha mbolo ni vinyu, iye te sasendote ya Zambi Chitunda.

Jobe 20:23

Zambi makamutuma utenu wenyi usasu; makamunokesawo ngwe kulia chenyi hanga akazalise jimo lienyi nawo.

Miaso (Masamu) 145:13

Wanangana we wapwa wa mutolo. Chiyulo che chalinduluka ku yisemuko yeswe.

Yishima 29:23

Kulengumuka cha mutu muchimulimbwisa; alioze mukwa kulikehesa mazuka ulemu.

Izaya 14:27

Mumu Yehova-wa-Tujita hapala, mba iya machilelesa? Hazoza kwoko lienyi, mba iya malihilwisa?

Daniel 12:7

Nevwile lunga yoze wa mazalo a linyu, uli helu lia meya a lwiji, muze hazoza kwoko lienyi lia chindume ni kwoko lienyi lia chimeso kwilu, walishingile ni yoze watwama ni mwono ku miaka ya mutolo ngwenyi, Kumuchi kapwa ha mwaka, ni miaka yiali, ni chihanda cha mwaka. Muze hamana kumakwona tachi ja atu asandu, mba yuma yino yeswe muyihwa.

Daniel 4:24

ulumbunwiso kuli yenu mwanangana, uno: Chino cheza hali mwene wami mwanangana, shimbi ya mwe Chitunda,

Daniel 4:26

Mba chize atumine kuhichika shina lia miji ya mutondo, chocho wanangana wenu muukola kuli yenu chize ku tangwa lize mununyingika ngwenu, Malilu, o kakuyula.

Daniel 4:30

mba mwanangana yamba ngwenyi, Ayino, ngwami, ye Babilonia yinene ya kutunga yami mwene ni ndundo jami ja ngolo yikapwe zuwo lia wanangana ni uhenya wa wanangana wami nawa.

Daniel 4:32

mba makuhuma hakachi ka atu, ni wendelo we muukapwa hakachi ka tushitu a mu yambu. Muolia mwambu ngwe ngombe, mba tungonde shimbiali makakupalika ndo hiwalilongesa, mwe Chitunda kakuyula mu wanangana wa atu ni kuuhana kuli mweswawo mapala.

Daniel 4:34

Ku songo Iia matangwa, yami Nabukanezore nahetwile meso jami kwilu, mba mana jami janguhilukile nawa. Nafumanyishine mwe Chitunda nikumuhalisa nikulemesa yoze watwama ni mwono ndo ku miaka yeswe ngwami, Mumu chiyulo chenyi chapwa cha mutolo, ni wanangana wenyi walinduluka chize ku chisemuko ndo ku chisemuko.

Daniel 5:20

Alioze muze mbunge yenyi yalizachile, ni Spiritu yenyi yakalile akende nikulengumuka, mba yamuchiza ku ngunja ya wanangana wenyi, ni uhenya wenyi yamutambulawo.

Daniel 5:28

PERESE, hanahandununa wanangana we, hanauhana kuli A-Media ni A-Persia.

Daniel 6:27

Kakupulula, kakulamwina, kakulinga yilayi ni yikomokeso mwilu ni hashi, yono mwene hanalamwina Daniel, ku tachi ja ndumba.

Mateu 3:17

Ni liji liatuhukile mu malilu ngwo, Yono mwe Mwanami, ngunamuzange chikolo, muli iye ngunawahilila.

Luka 12:20

Alioze Zambi ngwenyi, Chihepuke, ufuku uno kumatambula mwono we kuli yena; ni yuma yize hiunalulika, yaya muyipwa?

Yoano 12:28

Tata, chichimieka jina lie. Kashika liji liatuhukile mwilu ngwo, Hingunalichichimieka, kumungukalichichimieka cheka nawa.

1 Tesalonika 5:3

Mumu muze mamba ngwo, Sambukila, kutwama kawape, hohene kwenyeka muchitulumuka hali ayo ngwe kufumbajala hali pwo yoze uli ni ufumba; no kechi komboka nichimwe.

Usolwelo 16:7

Mba nevwile chilumbilo chinambe ngwenyi, Ewa, Mwene Zambi ya Ndundo-Jeswe, upatwilo we wamwenemwene ni wa ululi.

1 Samuel 13:14

Alioze haliapwila wanangana we kuuchi kulinduluka. Yehova halifupila mutu umwe malita ni mbunge yenyi. Yehova hamutongola akayule atu jenyi, mumu yena kwalingile chize Yehova wakwambile.

1 Samuel 15:23

Mumu kukolema kuchapwa ngwe mulonga wa umbanda, ni upama kuwapwa ngwe uhenge ni kukombelela. Ena hiunalitunu liji lia Yehova; kashika aye hanalitunu yena. Kuchi kupwa mwanangana.