Daniel 4:30 - MUKANDA USANDU WA ZAMBI 1975

³⁰ mba mwanangana yamba ngwenyi, Ayino, ngwami, ye Babilonia yinene ya kutunga yami mwene ni ndundo jami ja ngolo yikapwe zuwo lia wanangana ni uhenya wa wanangana wami nawa.

Mukanda Wa Zambi 1970

³⁰ nikwamba ngwenyi: “Ayenu, Babilone cho kutohwa! Limbo lino lia wanangana nalitungile hanga ngusolole tachi ni ndundo jami, ni uhenya ni ulamba wami.”

Daniel 4:30 Iomraidhean Croise

Ubutukilo 10:10

Uputukilo wa wanangana wenyi Mbapele, ni Ereke, ni Akate, ni Kalenehe mu chifuchi cha Shinare.

Estere 1:4

shimbu masolola upite wa wanangana wenyi wa uhenya, ni ulemu wa ulamba wenyi wahiana matangwa anji—ngwe kulakaji ni makumi nake a matangwa.

Miaso (Masamu) 104:1

Mbunge yami fumanyisa Yehova. Yehova Zambi yami uli munene chikolo; unazala uhenya ni ulamba.

Miaso (Masamu) 49:20

Mutu yoze kanatwama ku ulemu hindu keshi ni mana, kapwa ngwe tushitu aze akufwa.

Miaso (Masamu) 73:8

Kakulenya; mu ungulungulu kakuvulwoka yuma ya kupinjisa. Kakuhanjika cha kulivwimba.

Yishima 11:2

Muze kulengumuka hicheza, ni sonyi nawa mujiza, alioze mana katwama ni akwa kulikehesa.

Yishima 16:18

Kulengumuka kuchakutetekela kunonga. Mbunge ya kulizata yatwala ku kulimbuka.

Yishima 29:23

Kulengumuka cha mutu muchimulimbwisa; alioze mukwa kulikehesa mazuka ulemu.

Izaya 13:19

Babilonia, uhenya wa yifuchi yeswe, ulamba ni kulengumuka cha A-Kaletea, kumuyikapwa ngwe Sondome ni Ngomora muze Zambi wayinungwine.

Ezekiel 29:3

Hanjika ukambe ngwe, Mwene Yehova kanambe ngwenyi, Kunalimika ni yena, Falau mwanangana wa Engitu, mwe ndragau yoze wapomba hakachi ka njiji jenyi, yoze kakwamba ngwenyi, Lwiji wami lume, namutangile hali yami mwene.

Daniel 4:31

Shimbu te maliji achili mu kanwa lia mwanangana, kwejile liji lia mwilu ngwo, Mwanangana Nabukanezore! Kuli yena liji lino lineza ngwami, Wanangana hiwakukatuka,

Habakuke 1:11

Mba kakupalika ngwe fuji, kakuhiana; akwa uhie hatenga tachi jo zambi yo.

Luka 14:11

Mumu mweswawo malinangamisa kumakamijlelesa; ni yoze malilelesa kumakamunangamisa.

Luka 14:9

Mba yoze wanulakenyene eswe aali, meza kuli yena ngwenyi, Lisekule hali yono; hohene muputuka ni sonyi kutambula chitwamo cha kusula.

1 Korintu 10:31

Chipwe kashika munulia, hanji mununwa, hanji cheswacho munulinga, lingenu yuma yeswe ha uhenya wa Zambi.

1 Petulu 5:5

Chizechene twanuke, zeyelenu kuli makulwana, ewa, yenu eswe lijichikenu ni muya wa kulikehesa, hanga nukalivumbike umwe ni mukwo ni mukwo: mumu Zambi kakulimika ni akwa kulizelula, aiioze kakuhana vumbi kuli akwa kulikehesa.

Usolwelo 14:8

Ni mukwo, mungelo wamuchiali, wakawile, ngwenyi, Babilonia yinene hiyapuzuka, hiyapuzuka, yize yanwishine mavungu eswe vinyu ya ufwatulo wa utanji wenyi.

Usolwelo 16:19

Ni limbo Hapulikile yihanda yitatu; ni membo ja mavungu apuzukile: ewulukile Babilonia kumeso ja Zambi, mukunwaha musenge wa vinyu ya ufwatulo wa utenu wenyi.

Usolwelo 17:5

Ni ha huma lienyi, jina linasonewa ngwo, Chijimbikilo, Babilonia yinene, NAYE YA YIKOI NI YA YIZELWOKESO YA HASHI.

Usolwelo 18:10

Mamana kusuku mumu ha woma wa kupinda chenyi, ngwo, Mama yami! Mama yami! Lie limbo linene! Babilonia lie limbo lia ngolo! Mumu susumuku upatwilo we hiuneza.

Usolwelo 18:21

Mba mungelo wa ngolo wanjile liwe ngwe liwe linene ha kutwa nalio, walinyashine mu kalunga-lwiji, ngwenyi, Chocho ni tachi kumakanyasa hashi Babilonia, lie limbo linene, ni kechi kaliwana nawa nichimwe.