Daniel 4:26 - MUKANDA USANDU WA ZAMBI 1975

²⁶ Mba chize atumine kuhichika shina lia miji ya mutondo, chocho wanangana wenu muukola kuli yenu chize ku tangwa lize mununyingika ngwenu, Malilu, o kakuyula.

Mukanda Wa Zambi 1970

²⁶ Tunganda twa mwilu haahana Shimbi ngwo, ahichike chimbunji mu mavu. Chino chinalumbunuka ngwo, kumunukabwa nawa mwanangana muze hinwanyingika ngwenu, kuma Zambi kakuyula hashi heswe.

Daniel 4:26 Iomraidhean Croise

Daniel 2:18

nikwashinjila akalembele keke kuli mwe Zambi ya mwilu ha kutwala ku chijimbikilo chino, kuchina Daniel ni masepa jenyi akakuwe ni akwa mana akwo a mu Babilonia.

Daniel 2:19

Henaho chijimbikilo achijimbwile kuli Daniel mu usolwelo ha ufuku. Kashika Daniel yahalisa Zambi ya mwilu.

Daniel 2:37

Enu mwanangana, mwe mwanangana wa mianangana, kuli yenu Zambi ya mwilu hananwehe wanangana, ni ndundo, ni ngolo, ni uhenya;

Daniel 4:15

Alioze hichikenu shina lia miji mu mavu nukalikase ni chikungo cha utale ni unengu hakachi ka mwambu wisu wa musenge. Akawule ni mume wa mwilu; akende ni tushitu mu yambu ya hashi.

Daniel 4:23

Mba haze enu mwanangana nwamwene kalayi, kanda musandu, kanahulumuka mwilu nikwamba ngwenyi, Pakulenu mutondo nukawenyeke, alioze hichikenu shina lia miji mu mavu, lia kukasa ni chikungo cha utale ni unengu, hakachi ka mwambu wisu wa mu musenge. Akawule ni mume wa mwilu, akende ni tushitu a mu yambu ndo tungonde shimbiali amupalike—

Daniel 4:31

Shimbu te maliji achili mu kanwa lia mwanangana, kwejile liji lia mwilu ngwo, Mwanangana Nabukanezore! Kuli yena liji lino lineza ngwami, Wanangana hiwakukatuka,

Daniel 4:37

Kashika yami Nabukanezore ngunahalisa Mwanangana wa mwilu, ni kumwalakana, ni kumulemesa; mumu yitanga yenyi yinalulama, ni ndako jenyi jinalite; kanahase kukehesa waze eswe akwenda nikulilengela.

Daniel 5:20

Alioze muze mbunge yenyi yalizachile, ni Spiritu yenyi yakalile akende nikulengumuka, mba yamuchiza ku ngunja ya wanangana wenyi, ni uhenya wenyi yamutambulawo.

Daniel 5:21

Yamuhuma hakachi ka atu, ni manyonga jenyi yalumuka ngwe a kashitu, ni wendelo wenyi yiupwa hakachi ka yimbulu a mu yambu. Yamulisa mwambu ngwe ngombe, ni mujimba wenyi wawulile ni mume wa mwilu, ndo hasa chinyingi ngwenyi, Zambi Chitunda kakuyula wanangana wa atu; kakusaho kuyula mweswawo mapala.

Mateu 21:20

Muze tumbaji achimwene, akomokene ngwo, Kumanyi, nikawashi Chichize mukuyu hiwoma lume chau!

Mateu 5:34

Alioze yami ngunambe kuli yenu ngwami, Kanda nulishinga nichimwe; chipwe ni lilu, mumu ye ngunja ya Zambi;

Luka 15:18

Mungukatuka, munguya kuli tata, mungukamba kuli iye ngwami, Tata, hingunavulumuna mwilu ni kumeso je;

Luka 15:21

Mba mwanenyi wambile kuli iye ngwenyi, Tata, hingunavulumuna mwilu, ni kumeso je; kuchatele nawa kunguvuluka mwané.