Daniel 4:23 - MUKANDA USANDU WA ZAMBI 1975

²³ Mba haze enu mwanangana nwamwene kalayi, kanda musandu, kanahulumuka mwilu nikwamba ngwenyi, Pakulenu mutondo nukawenyeke, alioze hichikenu shina lia miji mu mavu, lia kukasa ni chikungo cha utale ni unengu, hakachi ka mwambu wisu wa mu musenge. Akawule ni mume wa mwilu, akende ni tushitu a mu yambu ndo tungonde shimbiali amupalike—

Mukanda Wa Zambi 1970

²³ Vulie mwanangana! Muze te nunatale, umwe kanganda ka mwilu yahulumuka, yamba ngwenyi: ‘Nungunenu we mutondo, nuwonone, alioze hichikenu chimbunji mu mavu. Nuchikase ni chimwe chijingo cha utale ni chikwo cha unengu, nuchihichike mu munda mukachi ka yambu. Mume ukasotokele hali mutu yono, akabwe hamwe ni tushitu a mu yambu miaka shimbiali.’

Daniel 4:23 Iomraidhean Croise

Daniel 4:26

Mba chize atumine kuhichika shina lia miji ya mutondo, chocho wanangana wenu muukola kuli yenu chize ku tangwa lize mununyingika ngwenu, Malilu, o kakuyula.

Daniel 5:21

Yamuhuma hakachi ka atu, ni manyonga jenyi yalumuka ngwe a kashitu, ni wendelo wenyi yiupwa hakachi ka yimbulu a mu yambu. Yamulisa mwambu ngwe ngombe, ni mujimba wenyi wawulile ni mume wa mwilu, ndo hasa chinyingi ngwenyi, Zambi Chitunda kakuyula wanangana wa atu; kakusaho kuyula mweswawo mapala.

Daniel 8:13

Mba nevwile umwe musandu kanahanjika, ni musandu mukwo kanambe kuli yoze waliangile kuhanjika ngwenyi, Usolwelo uno wa mulambu wa kulumba wa matangwa eswe, ni Utanguko wa kupwisa hululu, ni kuhana zuwo lisandu ni mbunga ayiliate, wa shimbu lika?