Daniel 4:22 - MUKANDA USANDU WA ZAMBI 1975

²² mutondo uno, yenu mwanangana; hinwatatuka hinwakola. Unene wenu watatuka, hiwaheta kwilu, ni chiyulo chenu hichaya ndo ku masongo a hashi.

Mukanda Wa Zambi 1970

²² “Vulie mwanangana! Yenwene nuli mutondo uno. Nunatolomoka, nuli ni tachi. Usuhwe wenu hiwaheta ndoo kwilu, chiyulo chenu hichaya ndoo ku masongo ja hashi.

Daniel 4:22 Iomraidhean Croise

Ubutukilo 11:4

Yamba ngwo, Tuyenu tutunge limbo, ni kaposhi songo lienyi likahete mwe mwilu, tukapwe ni jina kuchina mutumwangana mwamwa hashi heswe.

Ubutukilo 28:12

Yalota, kumanyi yamona ndalo ya kumika hashi, songo liayo liaheta ndo mwilu, angelo a Zambi nikukanduka nikuhulumuka.

2 Samuel 12:7

Natane yamba kuli David ngwenyi, Mwe lunga, yena. Yehova mwe Zambi ya Izalele kanambe ngwenyi, Nakuzujilile maji ukapwe mwanangana wa Izalele. Nakupulwile kuli Saulu.

2 Sango Ja Mianangana 28:9

Alioze kwapwileko umwe profeta wa Yehova jina lienyi Odede. Aye yaya kupatwiza tujita ha kuheta ku Samaria. Yamba kuli ayo ngwenyi, Ivwenu; Yehova Zambi ya tulamba twenu watenukine ni A-Yunda, kashika yaakunjika mu moko jenu, mba yenu hinwaashiha ni ufwatulo umwe wa kuheta mwilu.

Miaso (Masamu) 108:4

Mumu utu wa zango lie Wahiana helu lia malilu. Umwenemwene we unahete ndo ku malelwa.

Miaso (Masamu) 36:5

Utu wa zango lie uli mwilu, Yehova. Kushishika che chaheta ndo ku malelwa.

Jeremia 27:5

yami mwene ni tachi jami jinene ni kwoko liami lia kuzoza hinatanga hashi, ni atu, ni tushitu waze ali hashi, mba nakuyihana kuli mweswe munguzanga kumwahayo.

Ezekiel 17:3

ngwe, Mwene Yehova kanambe ngwenyi, Pupa umwe munene wa mapulwa anene ni tonga jisuku, kali ni mangona anji a ulombo weka ni weka, yeza ku Lebano, yandako mutango wa ku songo lia musedru.

Daniel 2:21

Iye kakwalumuna miaka ni tungonde; kakuchiza mianangana; kakumika mianangana. Kakuhana mana kuli akwa mana; kakuhana yinyingi kuli waze yuma muyialumbunuka.

Daniel 4:11

Mutondo yiutatuka, yiukola ndo songo liawo yiliheta kwilu, yilimoneka hashi heswe.

Daniel 4:21

mafwo jawo apema, ni mihuko yawo ya kulumbama, yapwile ya kulia eswe, ni tushitu a mu yambu awanyine chihuhumuke mushi liawo, ni tujila a mu tetela atwamine mu mitango yawo—

Daniel 4:29

Kulutwe lia kumi lia tukweji ni tukweji aali wapwile ni kwolola molu ha fulumba lia palasiu ya wanangana wa Babilonia,

Daniel 4:36

Haze hene mana jami anguhilukile nawa, ni ku ulemu wa wanangana wami, ulamba ni uhenya wanguhilukile nawa. Tuliamanga twami ni alemu jami angufupile nawa; angukolesele mu wanangana wami, ni ulemu ukwo anguwezelele helu.

Mateu 14:4

Mumu Yoano wambile kuli iye ngwenyi, Kuchalitele ni shimbi kupwa nenyi.

Usolwelo 18:5

mumu milonga yenyi hiyaheta ndo mwilu, ni Zambi hanewuluka yitanga ya uhenge wenyi.