Daniel 4:2 - MUKANDA USANDU WA ZAMBI 1975

² Ngunamono chipema ngunulweze yilayi ni yikomokeso yize Zambi Chitunda halinga kuli yami.

Mukanda Wa Zambi 1970

² Banjikenu sango ja yikomokeso ni yilayi yize mwe Zambi Chitunda hangulweza.

Daniel 4:2 Iomraidhean Croise

Jobe 7:14

ena wakungukolesa woma ni yilota, wakungupinjisa ni usolwelo,

Miaso (Masamu) 51:14

Zambi, Zambi ya ulamwino wami, ungupulule ku mutonga wa manyinga, mba limi liami mulikembila ululi we ni liji linene.

Miaso (Masamu) 65:9

Wakunangisa hashi nikuhinjilaho meya; wakuwahisaho chikolo. Lwiji wa Zambi kazala ni meya; wakwaaha tiliku muze hiwalulika hashi chocho.

Miaso (Masamu) 66:16

Tweyenu nwivwe, enu eswe nwavwila woma Zambi, mba mungulumbununa yize halinga ha mbunge yami.

Miaso (Masamu) 71:18

Zambi, muze mungupwa kashinakaji ni kambu jitoma, kanda ungwehuka kama ndo hinambujola tachi je ku chisemuko chize muchizaho, ndundo je kuli waze eswe mezaho.

Daniel 2:1

Ha mwaka wamuchiali wa kuyula cha Nabukanezore, mwe Nabukanezore watetele yilota; kashika Spiritu yenyi yilifwita, kahashile kuya tulo.

Daniel 3:26

Nabukanezore yakundama ku chikolo cha lutengo wa kahia ka kulengenya, yamba ngwenyi, Shadrake, ni Meshake, ni Abedenego, tuvumbi twa Zambi Chitunda, tuhukenu, nwize kuno! Mba Shadrake, ni Meshake, ni Abedenego yatuhuka mu kahia.

Daniel 4:17

Upatwilo uno wa ku shimbi ja tulayi; chiyulo chino cha ku liji lia asandu hanga akwa mwono akanyingike, mwe Chitunda kakuyula mu wanangana wa atu, kakuuhana kuli mweswawo mapala; kakusa alelu chikolo hakachi ka atu akauyule.

Daniel 4:24

ulumbunwiso kuli yenu mwanangana, uno: Chino cheza hali mwene wami mwanangana, shimbi ya mwe Chitunda,

Daniel 4:25

akanuhume hakachi ka atu; wendelo wenu muukapwa hakachi ka tushitu a mu yambu; makanulisa mwambu ngwe ngombe, munukawula ni mume wa mwilu, ndo tungonde shimbiali hanupalika, nukanyingike mwe Chitunda kakuyula mu wanangana wa atu nikuuhana kuli mweswawo mapala.

Daniel 4:34

Ku songo Iia matangwa, yami Nabukanezore nahetwile meso jami kwilu, mba mana jami janguhilukile nawa. Nafumanyishine mwe Chitunda nikumuhalisa nikulemesa yoze watwama ni mwono ndo ku miaka yeswe ngwami, Mumu chiyulo chenyi chapwa cha mutolo, ni wanangana wenyi walinduluka chize ku chisemuko ndo ku chisemuko.

Daniel 5:18

Enu mwanangana, Zambi Chitunda yahana kuli tatenu Nabukanezore wanangana, ni unene, ni uhenya, ni ulamba;

Daniel 6:27

Kakupulula, kakulamwina, kakulinga yilayi ni yikomokeso mwilu ni hashi, yono mwene hanalamwina Daniel, ku tachi ja ndumba.

Daniel 7:25

Kumakahanjika maliji anene a kulimika ni mwe Chitunda, makapinjisa asandu ja mwe Chitunda. Makahala kwalumuka miaka ni shimbi, no makaakunjika kuli iye ndo ku mwaka, ni miaka yiali, ni chihanda cha mwaka.

Yoano 4:48

Yesu kashika wambile kuli iye ngwenyi, Kunuchi kufuliela nichimwe shina munumona yilayi ni yipekesa.

Yoshua 7:19

Henaho Yoshua yamba kuli Akane ngwenyi, Mwanami lemesa Yehova Zambi ya Izalele, ukashikise kuli iye. Ngwambulwile chize walinga. Kanda unguswekelacho.