Daniel 4:19 - MUKANDA USANDU WA ZAMBI 1975

¹⁹ Aho Daniel, jina lienyi likwo Belteshazare, yatatajala shimbu linene, ni manyonga jenyi yamuvwisa woma. Mwanangana yamba ngwenyi, Belteshazare, chilota chino ni ulumbunwiso wacho kanda chikuvwisa woma. Belteshazare yakumbulula ngwenyi, Mwene wami, chilota chino chikapwe kuli waze akunuvwila kole, ni ulumbunwiso wacho ukapwe kuli akwa kole jenu.

Mukanda Wa Zambi 1970

¹⁹ Ha chino Daniel, yoze te akuvuluka nawa ngwo Belteshazare, yevwa woma unji, te kahashile ko kuhanjika liji nilimwe. Mwanangana yamwamba ngwenyi: “Belteshazare, kanda wivwa woma wa chilota ni we ulumbunwiso wacho.” Belteshazare ngwenyi: “Vulie mwanangana! Kachi che chilota ni we ulumbunwiso wacho yibwe kama kuli akwa kole jenu, hi kuli yenu ko.

Daniel 4:19 Iomraidhean Croise

Ubutukilo 31:35

Rakele yamba kuli tato ngwenyi, Mwane, kanda utenuka chakatukile kumeso je mumu ndako ya mapwo yangukwata. Iye yafupa alioze kawanyine mahamba.

Ubutukilo 32:18

Mba muwamba ngwe, Wano eswe a kavumbi kenu Yakomba, te mulambu anatumu kuli yena Esau mwene wami. Iye kanatukaula kunyima.

Ubutukilo 40:12

José yamba kuli iye ngwenyi, Ulumbunwiso wacho uno; ngwami, Mitango yitatu matangwa atatu.

1 Yitanga Ya Mianangana 18:7

Shimbu Obadia machiya jila yenyi Eliya yatakana nenyi Obadia yanyingika Eliya yafulamana hashi ngwenyi, Yenu au mwata wami Eliya?

Kutuhuka 32:32

Chipwe chocho, nyi muhasa kukonekena mulonga wo—alioze nyi ka, ngunakulembe ngwami, Ungujimune kama ku mukanda we wasonekene.

Jeremia 29:7

Wahisenu chihunda kuze hinanutuma ngwe njize nukachilembele kuli Yehova mumu nyi muchiwaha ni yenu munuwaha.

Jeremia 4:19

Mbunge yamie—mbunge yamie— ngunalifwichi ni yikola. Mama yami—mbungeie— Mbunge yami yinalipupula; Chahashile kuhwima mumu ngunevu liji lia chitavwi, we mutambi wa jita.

Daniel 1:7

Unuku wa lutwe waalukile majina: Daniel yamuluka ngwenyi, Belteshazare; Hanania yamuluka ngwenyi, Shadrake; Mishaele yamuluka ngwenyi, Meshake; ni Azaria yamuluka ngwenyi, Abedenego.

Daniel 2:26

Mwanangana yamba kuli Daniel, jina lienyi likwo Belteshazare, ngwenyi, Yena muhasa kungulweza chilota chize namwene, ni ulumbunwiso wacho nyi?

Daniel 2:37

Enu mwanangana, mwe mwanangana wa mianangana, kuli yenu Zambi ya mwilu hananwehe wanangana, ni ndundo, ni ngolo, ni uhenya;

Daniel 4:24

ulumbunwiso kuli yenu mwanangana, uno: Chino cheza hali mwene wami mwanangana, shimbi ya mwe Chitunda,

Daniel 5:12

mumu awanyine muli yono Daniel (mwanangana wamulukile Belteshazare) Spiritu mupema Wahiana, ni yinyingi, ni mana a kulumbununa yilota, ni kujimbula yijimbikilo, ni kupatula yuma yikalu. Kashika sanyika Daniel, mba makulweza ulumbunwiso.

Daniel 5:18

Enu mwanangana, Zambi Chitunda yahana kuli tatenu Nabukanezore wanangana, ni unene, ni uhenya, ni ulamba;

Daniel 5:19

mba ha unene uze hamwaha akwa mavungu eswe, ni minyachi yeswe, ni malimi eswe achikimine ni woma kumeso jenyi. Mweswe yazanga kushiha, yamushiha; mweswe yazanga kufunga ni mwono, yamufunga ni mwono. Mweswe yazanga kunangamisa, yamunangamisa; mweswe yazanga kununguna, yamununguna.

Daniel 7:15

Ha kutwala kuli yami Daniel, Spiritu yami muchima yalifwita, ni usolwelo wa mutwe wami wanguvwishile woma.

Daniel 7:28

Kuno kwasula che chikuma, alioze ha kutwala kuli yami Daniel, manyonga jami anguvwishile woma wunji, ni ku meso jami kwalumukine, alioze nafungile chikuma mu mbunge yami.

Daniel 8:27

Mba yami Daniel nalezumukine, napombele nikuyiza matangwa. Mba nakatukile nikulingalinga milimo ya mwanangana, alioze usolwelo wangushimine; kuwangulumbunukine.

Habakuke 3:10

Milundu yakumwene, yevwile woma. Meya a tachi apukumukine; kalunga-lwiji watetele nikuzundula moko jenyi kwilu.

1 Samuel 1:15

Hana yakumbulula ngwenyi, Ka mwata. Nguli pwo wa chinyengo. Chanwine vinyu, chipwe kunwa chikwo chisasu, alioze hinazukwila mbunge yami kumeso ja Yehova.

1 Samuel 24:8

Kulutwe David yakatuka nawa, vatuhuka mu chivwenge, yasanyika Saulu ngwenyi, Mwene wami, mwanangana! muze Saulu watalile kunyima David yahetamina hashi nikumulemesa.

1 Samuel 26:15

David yamba kuli Abenere ngwenyi, Te hi uli lunga ko, nyi? Iya walita ni yena mu Izalele? Nyi chocho, kuchi te kwalayilile mwanangana iye mwene we? Mumu umwe mutu wanjilanga mukushiha mwanangana mwene we.

1 Samuel 3:17

Eli ngwenyi, Chuma chize Yehova hakulweza, chika? Ngunaliumbu, kanda unguswekelacho. Nyi munguswekela chimwe cha yize yeswe Yehova hakulweza—Zambi akakulingecho nikuwezaho nawa.