Daniel 4:17 - MUKANDA USANDU WA ZAMBI 1975

¹⁷ Upatwilo uno wa ku shimbi ja tulayi; chiyulo chino cha ku liji lia asandu hanga akwa mwono akanyingike, mwe Chitunda kakuyula mu wanangana wa atu, kakuuhana kuli mweswawo mapala; kakusa alelu chikolo hakachi ka atu akauyule.

Mukanda Wa Zambi 1970

¹⁷ Uno we ubatwilo wa tunganda twa mwilu, akwa kulimwisa. Ha chino atu eswe a kuma kweswe anyingike ngwo, Zambi Chitunda kakuyula mawanangana eswe ja atu; nawa ngwo, mahasa kwaahana kuli waze anazange, chibwe atu alelu kuhiana.’ ”

Daniel 4:17 Iomraidhean Croise

1 Yitanga Ya Mianangana 21:25

Kukwapwile umwe wa kulifwa ni Ahabe. Walilanjishile kulinga chipi kumeso ja Yehova, ni pwo lienyi Jezebele wamusongojolele nawa.

2 Sango Ja Mianangana 28:22

Ha miaka ya kupinda chenyi (yono mwene mwanangana Ahaze) yatangula kuhiana shimbi ja Yehova.

Miaso (Masamu) 103:19

Yehova hanakolesa ngunja yenyi mwilu. Wanangana wenyi unayulu helu lia eswe.

Miaso (Masamu) 12:8

Yingulungulu kanapalieka sali ni sali, muze malemesa luchisa hakachi ka ana ja atu. Kuli Njimba mukwa lutwe. Samu lia David.

Miaso (Masamu) 9:16

Atu kakunyingika Yehova mu upatwilo uze kakupatula; mwe chingulungulu hakwachika mu yitanga ya moko jenyi mwene. (Pukuna. Litulike.)

Kutuhuka 9:16

Alioze chamwenemwene mumu ha chikuma chino hinakwaha mwono, ngukakulweze tachi jami, hanga jina liami akaliambujole hashi heswe.

Izaya 6:3

Umwe watambikile kuli mukwo ni mukwo ngwo, Yehova-wa-Tujita aye musandu, musandu, musandu. Hashi heswe hanazala ni uhenya wenyi.

Izaya 6:8

Yingwivwa liji lia Mwene ngwenyi, Iya mungutuma? Yoze matuyilako iya? Mba yingwamba ngwami, Yami uno; ngutume yami.

Ezekiel 25:17

Mungukahala milonga hali ayo chikolo ni kastigu ya ufwatulo. Henaho makanyingika yami nguli Yehova muze mungukala milonga hali ayo.

Ezekiel 7:24

Waze ahiana kupiha hakachi ka mavungu mungwaneha akazuke mazuwo jo. Mungukasulisa tachi jo ja kulengumuka, ni yihela yo yisandu mayijilula.

Daniel 11:21

Mukwiza kumusalakana umwe mukwa kusauka, te uhenya wa wanangana kamuhelewo, alioze makeza ha mwaka wa kuhwima ni kuzuka wanangana ni kupepieka.

Daniel 2:21

Iye kakwalumuna miaka ni tungonde; kakuchiza mianangana; kakumika mianangana. Kakuhana mana kuli akwa mana; kakuhana yinyingi kuli waze yuma muyialumbunuka.

Daniel 4:2

Ngunamono chipema ngunulweze yilayi ni yikomokeso yize Zambi Chitunda halinga kuli yami.

Daniel 4:25

akanuhume hakachi ka atu; wendelo wenu muukapwa hakachi ka tushitu a mu yambu; makanulisa mwambu ngwe ngombe, munukawula ni mume wa mwilu, ndo tungonde shimbiali hanupalika, nukanyingike mwe Chitunda kakuyula mu wanangana wa atu nikuuhana kuli mweswawo mapala.

Daniel 7:25

Kumakahanjika maliji anene a kulimika ni mwe Chitunda, makapinjisa asandu ja mwe Chitunda. Makahala kwalumuka miaka ni shimbi, no makaakunjika kuli iye ndo ku mwaka, ni miaka yiali, ni chihanda cha mwaka.

A-ROMA 13:1

Mutu mweswe akazeyele kuli waze ali ni poko ya kuyula: mumu mukwa kuyula wakuhi niumwe shina wa kuli Zambi; ni akwa kuyula aze aliko hanaaselacho kuli Zambi.

1 Korintu 1:28

ni yuma yilelu ya hano hashi, ni yuma yamokomoko, Zambi hanatongola, ewa, ni yuma yize yakuhi, hanga akahwise yuma yize kuyili:

1 Timoteu 5:21

Shimbi ngunakwehe kumeso ja Zambi ni Kristu Yesu ni angelo a kutongola, ufunge yino yuma, kanda upatula Shimbu-kanda, kanda ulinga nichimwe ni katonde.

Usolwelo 4:8

Akwa mwono awana, akwete umwe ni umwe mapulwa asambano, kanazala tò ni meso ha kujingilika ni muchima: o keshi kuhwima mwalwa ni ufuku, kakwamba ngwo, Musandu, musandu, musandu, Mwene Zambi ya Ndundo-Jeswe, yoze wapwile, kwali, meza kupwa.

1 Samuel 2:8

Kakuchiza chiswale ku fufuta; kakuchiza mukwa kuhona hakachi ka chichilila cha uto nikumunangamisa akatwame hakachi ka alemu, akaswane ngunja ya ulemu. Mumu manguji a hashi a mbala a Yehova, mba iye hakoleselaho he hashi.