Daniel 4:14 - MUKANDA USANDU WA ZAMBI 1975

¹⁴ Yatambika mutambi ngwenyi, Pakulenu mutondo; sembenu mitango yawo; hululenu mafwo jawo; mwangenu mihuko yawo; tushitu amwangane mushi liawo; ni tujila amwangane ku mitango yawo.

Mukanda Wa Zambi 1970

¹⁴ Neye yambujola ni liji linene ngwenyi: ‘Nungunenu we mutondo, salulenu mitango yawo, hululenu mafwo jawo, mwangenu mihuko yawo. Hangenu tushitu waze akunamina mushi liawo ni tujila waze atwama ko.

Daniel 4:14 Iomraidhean Croise

Jobe 24:20

Kakwavulama ha lwaza wa chihunda; kewulukile nawa majina jo. Chocho ungulungulu kuwakupatuka ngwe mutondo.

Jeremia 27:5

yami mwene ni tachi jami jinene ni kwoko liami lia kuzoza hinatanga hashi, ni atu, ni tushitu waze ali hashi, mba nakuyihana kuli mweswe munguzanga kumwahayo.

Jeremia 51:6

Chinenu hakachi ka Babilonia, mutu mweswe alamwine mwono wenyi! Kanda anusutula mu kastigu yenyi mumu mwaka wa kukala wa Yehova, uno, che kufwetesa chenyi kuli iye.

Jeremia 51:9

Twazangile kuwuka Babilonia alioze aye kazangile. Himwehukenu eswe, tatuye mutu mweswe ku chifuchi chenyi, mumu upatwilo wenyi hiwaheta ndo kwilu hiwazunduka ndo ku malilu.

Ezekiel 31:10

Kashika Mwene Yehova kanambe ngwenyi, Se watunjile kwilu nikusa songo liawo mu malelwa, ni kulengumuka mu mbunge mumu ha Chizundamo chawo,

Daniel 2:21

Iye kakwalumuna miaka ni tungonde; kakuchiza mianangana; kakumika mianangana. Kakuhana mana kuli akwa mana; kakuhana yinyingi kuli waze yuma muyialumbunuka.

Daniel 3:4

Mukwa mutambi yamba ni liji linene ngwenyi, Enu mavungu, ni minyachi, ni malimi, kananwehe shimbi ngwo,

Daniel 4:12

Mafwo jawo apema ni mihuko yawo ya kulumbama, yapwile ya kulia eswe. Tushitu a mu yambu yawana chihuhumuke mushi liawo; tujila a mu tetela yatwama mu mitango yawo; mba akwa musunya eswe alileko.

Daniel 4:23

Mba haze enu mwanangana nwamwene kalayi, kanda musandu, kanahulumuka mwilu nikwamba ngwenyi, Pakulenu mutondo nukawenyeke, alioze hichikenu shina lia miji mu mavu, lia kukasa ni chikungo cha utale ni unengu, hakachi ka mwambu wisu wa mu musenge. Akawule ni mume wa mwilu, akende ni tushitu a mu yambu ndo tungonde shimbiali amupalike—

Daniel 4:29

Kulutwe lia kumi lia tukweji ni tukweji aali wapwile ni kwolola molu ha fulumba lia palasiu ya wanangana wa Babilonia,

Daniel 5:20

Alioze muze mbunge yenyi yalizachile, ni Spiritu yenyi yakalile akende nikulengumuka, mba yamuchiza ku ngunja ya wanangana wenyi, ni uhenya wenyi yamutambulawo.

Daniel 5:21

Yamuhuma hakachi ka atu, ni manyonga jenyi yalumuka ngwe a kashitu, ni wendelo wenyi yiupwa hakachi ka yimbulu a mu yambu. Yamulisa mwambu ngwe ngombe, ni mujimba wenyi wawulile ni mume wa mwilu, ndo hasa chinyingi ngwenyi, Zambi Chitunda kakuyula wanangana wa atu; kakusaho kuyula mweswawo mapala.

Mateu 3:10

Chipwe haliapwila hasa njimbu ku miji ya mitondo: kashika mitondo yize yeswe kuyishi kwima mihuko yipema mayipakula nikuyimbila mu kahia.

Mateu 7:19

Mitondo yize yeswe kuyishi kwima mihuko yipema mayipakula, mayimbila mu kahia.

Luka 3:9

Chipwe haliapwila hanase njimbu ku miji ya mitondo; kashika mitondo yize yeswe kuyishi kwima mihuko yipema, mayipakula, mayimbila mu kahia.

Usolwelo 10:3

Iye wakololokele ni liji linene, ngwe ndumba mahanjika lundunjila: ni muze akololokele, kukulunguza shimbiali chahanjikile maliji jacho.

Usolwelo 18:2

Iye wakololokele ni liji lia ngolo ngwenyi, Babilonia hiyapuzuka, hiyapuzuka, hiyapwa muma mwa kutwama mwa andemoniu, ni zuwo lia ususu lia maspiritu eswe a luchisa, ni zuwo lia ususu lia tujila eswe a luchisa ni tujila eswe api.