Daniel 4:13 - MUKANDA USANDU WA ZAMBI 1975

¹³ Yingumona mu usolwelo wa mutwe wami ha muhela wami, kalayi kanda musandu kanahulumuka mwilu.

Mukanda Wa Zambi 1970

¹³ “Muze te ngunanyongo hakutwala ku we Usolwelo, yingumona kanganda, mukwa kulimwisa, kanahulumuka mwilu.

Daniel 4:13 Iomraidhean Croise

Jobe 12:24

Kakuchiza yinyingi ya akwa lutwe a mavungu a hashi; kakwaendanganyisa mu puya kuyishi majila.

Miaso (Masamu) 103:20

Enu angelo jenyi fumanyisenu Yehova, enu akwa ndundo ni tachi nwakwononokena liji lienyi, nikwivwa liji lia kuhanjika chenyi.

Miaso (Masamu) 89:7

Hakachi ka punga ya asandu Zambi kapwa kole ni woma. Hakachi ka waze eswe anamujingilika iye chatamba kumuvwila woma kuhiana.

Daniel 4:10

Usolwelo wa mutwe wami shimbu nguchili ha muhela, uno: namwene, kumanyi, umwe mutondo hakachi ka hashi, Chizundamo chawo chisuku chikolo.

Daniel 4:17

Upatwilo uno wa ku shimbi ja tulayi; chiyulo chino cha ku liji lia asandu hanga akwa mwono akanyingike, mwe Chitunda kakuyula mu wanangana wa atu, kakuuhana kuli mweswawo mapala; kakusa alelu chikolo hakachi ka atu akauyule.

Daniel 4:23

Mba haze enu mwanangana nwamwene kalayi, kanda musandu, kanahulumuka mwilu nikwamba ngwenyi, Pakulenu mutondo nukawenyeke, alioze hichikenu shina lia miji mu mavu, lia kukasa ni chikungo cha utale ni unengu, hakachi ka mwambu wisu wa mu musenge. Akawule ni mume wa mwilu, akende ni tushitu a mu yambu ndo tungonde shimbiali amupalike—

Daniel 4:5

Natetele chilota cha kungukolesa woma. Shimbu napombele ha muhela, manyonga ni usolwelo wa mutwe wami yangunehenene mwongo.

Daniel 7:1

Ha mwaka utangu wa Beleshazare mwanangana wa Babilonia, Daniel watetele chilota ni usolwelo wa mu mutwe wenyi shimbu te kanapombo ha muhela wenyi. Henaho wasonekene chilota chenyi ni kwambulula ulumbunwiso wa chikuma.

Daniel 7:17

Wano ngongo awana anene analumbunuka mianangana awana masoloka hashi.

Daniel 7:23

Aye yamba Chichino ngwenyi, Ha kutwala kuli ngongo wamuchiwana, kumukukapwa hano hashi wanangana wamuchiwana wa kulipwila ni mawanangana eswe. Kumuukapapulula hashi heswe nikuliataliata, nikupalwola.

Daniel 8:13

Mba nevwile umwe musandu kanahanjika, ni musandu mukwo kanambe kuli yoze waliangile kuhanjika ngwenyi, Usolwelo uno wa mulambu wa kulumba wa matangwa eswe, ni Utanguko wa kupwisa hululu, ni kuhana zuwo lisandu ni mbunga ayiliate, wa shimbu lika?

Zakaria 14:5

Mba mungulunga wa milundu yami makaujika, mumu mungulunga wa milundu muukakwata kwe ku lumbu liawo, mba munukachina ngwe nwachinyine ku munyiko ha matangwa ja Uzia mwanangana wa Yunda. Henaho Yehova Zambi yenu kumakeza ni asandu jenyi eswe hamwe nenyi.

Mateu 25:31

Alioze muze mwe Mwana Mutu meza mu uhenya wenyi, ni angelo asandu eswe hamwe nenyi, hohene makatwama ha ngunja yenyi ya uhenya:

Marku 1:24

Kuchi yetu ni yena, Yesu Ka-Nazare? Uneza mukutwonwona, nyi? Ngunakunyingika, mwe Musandu wa Zambi.

Luka 4:34

ngwenyi, Kuchi yetu ni yena, Yesu, Ka-Nazare? Hiuneza mukutwonwona, nyi? Ngunakunyingika mwe Musandu wa Zambi.

Shimbi 33:2

ngwenyi, Yehova wakatukile ku Sinai, ku Sere wavumbukile hali ayo ngwe mwalwa. Ku mulundu wa Parane wapangulukile. Yakatuka ku kumi lia tununu twa asandu ni shimbi ya kahia mu kwoko lienyi lia chindume.

Yuda 1:14

Enoke, wamuchishimbiali kuli Alama, waprofetezele hali wano, ngwenyi, Mwene kumeza hamwe ni yizavu yinji ya asandu jenyi,

Usolwelo 14:10

iye nawa kumakanwa vinyu ya ufwatulo wa Zambi, yize hanayilulika chizechene, kayiwezele meya, mu musenge wa utenu wenyi: kumakamumwesa lamba mu kahia ni fundanga kumeso ja angelo asandu ni kumeso ja mwe Mwana-panga.