Daniel 4:12 - MUKANDA USANDU WA ZAMBI 1975

¹² Mafwo jawo apema ni mihuko yawo ya kulumbama, yapwile ya kulia eswe. Tushitu a mu yambu yawana chihuhumuke mushi liawo; tujila a mu tetela yatwama mu mitango yawo; mba akwa musunya eswe alileko.

Mukanda Wa Zambi 1970

¹² Mafwo jawo te abema, yiulemenena ni mihuko yinji. Ye mihuko yinazuku ni kulisa akwa hashi eswe. Tushitu yaanamina mu chizulie chawo, tujila yaatunga yaswa yo ku mitango yawo. Akwa mwono eswe yaahaha mihuko yawo.

Daniel 4:12 Iomraidhean Croise

Jobe 12:24

Kakuchiza yinyingi ya akwa lutwe a mavungu a hashi; kakwaendanganyisa mu puya kuyishi majila.

Jobe 14:7

Mutondo nyi maupakula hindu kutalatala chiliko hanji muusokoloka nawa, hanji miji yawo kuyichi kuma.

Jobe 14:9

hindu ha kwivwa vumba lia meya muusokesa mafwo nikusokesa mitango ngwe mutondo waha.

Lungungu 4:20

Mwiku wa mu mazulu jetu, yoze wa kuwayisa ni maji kuli Yehova, hamukwata mu mawumbu jo, yoze te twambile ngwetu, Mututwama hakachi ka mavungu mu Chizulie chenyi.

Ezekiel 17:23

He ha kunangama cha mulundu wa Izalele mungukautumba hanga ukasokese mitango, ni kwima mihuko ukapwe musedru upema. Mushi liawo milali yeswe ya tushitu makatwama; mu chihuhumuke cha mitango yawo milali yeswe ya tujila makatunga yaswa yo.

Ezekiel 31:17

Neyo muyikaya ku Shiole nawa hamuwika nawo, kuli waze a kushiha ni katana, waze te apwile ngwe kwoko liawo, atwamine mu chihuhumuke chawo hakachi ka mavungu.

Daniel 4:14

Yatambika mutambi ngwenyi, Pakulenu mutondo; sembenu mitango yawo; hululenu mafwo jawo; mwangenu mihuko yawo; tushitu amwangane mushi liawo; ni tujila amwangane ku mitango yawo.

Mateu 13:32

Mwenawo chamwenemwene mukepe Wahiana mbuto yeswe; alioze muze hatatuka, hapwa munene Wahiana yiputa yeswe, mapwa mutondo chocho tujila a mwilu meza akatwame ku mitango yawo.

Marku 13:32

Alioze ha kutwala ku tangwa lize ni ola yize kanyingikine niumwe, chipwe angelo a mwilu, chipwe mwe Mwana ka, shina mwe Tata,

Marku 4:32

Alioze muze hamukuwa, matatuka, mapwa munene Wahiana yiputa yeswe, matangala mitango yinene; chocho tujila a mwilu mahasa kutwama mu Chizulie chawo.

Luka 13:19

Unapu ngwe lunona wa mosetate, yoze anjile mutu amutumbe mu munda wenyi, iye watatukile, wapwile mutondo; ni tujila a mwilu atwamine ha mitango yawo.