Daniel 4:1 - MUKANDA USANDU WA ZAMBI 1975

¹ Yami mwanangana Nabukanezore ngunasoneka kuli akwa mavungu eswe, ni minyachi yeswe, ni malimi eswe atwama hano hashi. Sambukila yikalumbame kuli yenu.

Mukanda Wa Zambi 1970

¹ Mwanangana Nebukanezore yatuma maliji wano kuli atu a ku yifuchi yeswe, ni mavungu eswe, ni maliji eswe ngwenyi: “Mwoyo wenu!

Daniel 4:1 Iomraidhean Croise

1 Sango Ja Mianangana 12:18

Henaho Spiritu yahulumukina hali Amasai mukwa lutwe hakachi ka e makumi atatu, mba yamba ngwenyi, Tuli a yena, David; Tuli hamwe ni yena, mwana Yese! Sambukila yikalumbame kuli yena, Ni sambukila kuli yikwashi je! Mumu Zambi ye kanakukwase. Mba David yaatambula; yaapwisa tupitau twa maswalale jenyi.

Ezra 4:17

Mba mwanangana yatuma kumbululo kuli kaliamanga Rehume ni mukwa kusonyeka Shimishaia ni kuli akwo masepa jo atwama mu Samaria ni mu chifuchi cheswe sali lize lia Lwiji ngwenyi, Tunanumeneka.

Ezra 5:7

mumu yatuma mukanda kuli iye nikwanba ngwo, Kuli mwanangana Dariu, tunanumeneka.

Estere 3:12

Henaho ha tangwa kumi ni liamuchitatu lia kakweji mutangu yasanyika akwa kusonyeka a mwanangana. Yasoneka nikulita ni yize yeswe Hamane wazangile kutuma kuli akwa kuyula ja mwanangana, ni kuli nguvulu ja yifuchi, ni kulu alemu ja mavungu eswe. Yatuma ku yifuchi yeswe nikulita ni sona jacho, ni vungu lieswe nikulita ni limi lialio. Yasoneka mu jina lia mwanangana Ahashueru nikuchijikila ni kazeya ka mwanangana.

Estere 8:9

Henaho yasanyika akwa kusonyeka a mwanangana, ha kakweji wamuchitatu (Sivane), ha tangwa makumi aali ni wamuchitatu. Yasoneka nikulita ni liji lia Mordekai kuli A-Yunda, ni kuli akwa kuyula, ni anguvulu, ni alemu a mu yifuchi, chize ku India ndo ku Etiopia—kulakaji ni makumi aali a yifuchi ni yifuchi shimbiali. Yasoneka ku yifuchi yeswe nikulita ni sona jako; kuli atu eswe nikulita ni limi lio; kuli A-Yunda nikulita ni sona jo ni limi lio.

Daniel 3:29

Kashika ngunakolesa shimbi ngwami, Nyi vungu limwe, hanji munyachi umwe, hanji limi limwe mahanjika chimwe chuma cha kulimika ni Zambi ya Shadrake, ni Meshake, ni Abedenego, makaapapulula kwoko ni kulu ni mazuwo jo maapuzula. Mumu kukushi niumwe zambi mukwo yoze mahasa kupulula chocho.

Daniel 3:4

Mukwa mutambi yamba ni liji linene ngwenyi, Enu mavungu, ni minyachi, ni malimi, kananwehe shimbi ngwo,

Daniel 6:25

Mba mwanangana Dariu yatuma mulanda kuli akwa mavungu eswe, ni minyachi yeswe, ni malimi eswe aze atwama hano hashi ngwenyi, Sambukila yikalumbame kuli yenu.

Daniel 6:27

Kakupulula, kakulamwina, kakulinga yilayi ni yikomokeso mwilu ni hashi, yono mwene hanalamwina Daniel, ku tachi ja ndumba.

Daniel 7:14

Yamwaha chiyulo, ni uhenya, ni wanangana, hanga akwa mavungu eswe ni minyachi yeswe, ni malimi eswe akamulingile. Chiyulo chenyi chiyulo cha mutolo, kuchichi kahwa. Wanangana wenyi uze kuuchi kanonga.

Zakaria 8:23

Yehova-wa-Tujita kanambe ngwenyi, Ha matangwa aze kumi lia malunga a ku mavungu ja malimi eswe makakwata ku hina lia mutu umuwika Ka-Yunda nikwamba ngwo, Tutayize kuya ni yena mumu hitwevwa lufuma ngwo, Zambi hwali hamwe ni yenu.

Yilinga 2:6

Muze evwile liji lino, chizavu akungamine, o achingashanyine, mumu mutu ni mutu waavwile nikuhanjika mu limi lienyi mwene.

A-ROMA 1:7

Kuli waze eswe ali mu Roma kanaazange chikolo kuli Zambi, hanaatambika asandu: Vumbi kuli yenu ni sambukila ya kuli Zambi Tata yetu ni Mwene Yesu Kristu.

Efesu 1:2

Vumbi kuli yenu ni sambukila, ya kuli Zambi Tata yetu ni Mwene Yesu Kristu.

1 Timoteu 1:2

Kuli Timoteu, mwanami pundu mu Ufulielo: Vumbi, ni keke, ni sambukila ya kuli Zambi Tata yetu, ni Kristu Yesu Mwene wetu.

1 Petulu 1:2

waze hanaatongola nikulita ni chinyingi cha kulutwe cha Zambi Tata, nikulita ni tachi ja Spiritu, ha kutusela ku usandu hanga twononoke, atusapwile ni manyinga a Yesu Kristu: Vumbi kuli yenu ni sambukila yikalumbame.