Daniel 3:7 - MUKANDA USANDU WA ZAMBI 1975

⁷ Kashika muze mavungu eswe evwile liji lia chitavwi, ni lundembo, ni kalialia, ni chisaji cha kusa, ni ngaita, ni milali yeswe ya yisaji, mavungu eswe, ni minyachi yeswe, ni malimi eswe afulamanyine ni kuwayila kaponya ka oru yoze mwanangana Nabukanezore hamika.

Mukanda Wa Zambi 1970

⁷ Mba muze heevwa lie liji lia yitavwi, atu a ku yifuchi yeswe, ni mavungu eswe, ni maliji eswe yaafulamana hashi, yaakombelela mwe hamba wa oru yoze amikine mwanangana Nebukanezore.

Daniel 3:7 Iomraidhean Croise

Jeremia 51:7

Babilonia wapwile musenge wa oru mu kwoko lia Yehova, wa kuzengewesa akwa hashi eswe. Mavungu eswe anwine vinyu yenyi, kashika mavungu eswe azalukile.

Daniel 2:46

Aho mwanangana Nabukanezore yafulamana, yawayila Daniel. Yatuma akalambule mulambu kuli Daniel ni insensu.

Daniel 3:10

Yenu mwanangana hinwakolesa shimbi ngwenu, Mutu mweswe ha kwivwa liji lia chitavwi, ni lundembo, ni kalialia, ni chisaji cha kusa, ni ngaita, ni milali yeswe ya yisaji mafulamana ni kuwayila kaponya ka oru;

Daniel 3:4

Mukwa mutambi yamba ni liji linene ngwenyi, Enu mavungu, ni minyachi, ni malimi, kananwehe shimbi ngwo,

Daniel 3:5

Muze munwivwa liji lia chitavwi, ni lundembo, ni kalialia, ni chisaji cha kusa, ni ngaita, ni milali yeswe ya yisaji munufulamana ni kuwayila kaponya ka oru yono mwanangana Nabukanezore hamika.

Daniel 3:6

Mweswawo kafulamanyine ni kuwayila, mamunyasa haze hene mu lutengo wa kahia ka kulengenya.

Daniel 3:8

Kashika ha mwaka uze amwe A-Kaletea yaya ni kusuma A-Yunda ni kole.

Yilinga 14:16

iye ha yisemuko yize hiyinapalika Watayijile mavungu eswe kwenda mu majila jo ene.

1 Yoano 5:19

Tunanyingika yetu tuli a kuli Zambi, ni hashi heswe lukombo kuhakupomba mu chiyulo cha mwe chingulungulu.

Usolwelo 12:9

Ni ndragau munene amunyashine hashi, mwe kapela wa shakulu, jina lienyi ngwo, Ndiapu kanda Satana, mwe mukwa kupiangula yifuchi yeswe ya hashi; amunyashine ndo hashi, ni anyashine angelo jenyi hamwe nenyi hashi.

Usolwelo 13:14

Iye yapiangula akwa hashi mumu ha yilayi yize amuhele mukulinga kumeso ja mwe ngongo; nikwamba kuli akwa hashi akatange kaponya kuli ngongo, yoze uli ni mbandu ya katana Watwamine ni mwono.

Usolwelo 13:3

Namwene umwe wa ku mitwe yenyi ngwe aushihile ndo ku kufwa; ni mbandu yenyi ya kufwa ayiwukile: ni akwa hashi eswe akawile ngongo nikukomoka.

Usolwelo 13:8

Ni akwa hashi eswe kumakamuwayila, mweswe jina lienyi kuliasonewene chize ku kusela cha fundamentu yo hashi, mu mukanda wa mwono wa mwe Mwana-panga, yoze hanamushihi.

Usolwelo 17:8

Ngongo yoze hiwamona, wapwile, keshiho; himakanduka mu jondo, maya ku kwonwona. Ni akwa hashi, waze majina jo kasonewene chize ku kusela cha fundamentu ya hashi mu mukanda wa mwono, makakomoka muze mamona ngongo yoze wapwile, keshiho, makeza.

Usolwelo 19:20

Mba akwachile mwe ngongo, ni profeta wa kwonga hamwe nenyi, yoze walingile yilayi kumeso jenyi, yize wapiangwile nayo waze atambwile mufunda wa ngongo, ni waze awayilile kaponya kenyi: eswe ni aali aanyashine a mwono mu Chitende cha kahia chize cha kuyila ni fundanga.